Jenesis 11:4 - An Bibel Kernewek 20234 (Kernewek Kemmyn)

⁴ Hag yn-medhons i, ‘Dewgh, gwren ni drehevel sita ha tour, ha'y benn y'n nevow; ha gwren gul hanow ragon, rag own ni dhe vos skattrys a-les war enep oll an nor.’

Jenesis 11:4 Iomraidhean Croise

Jenesis 6:4

Yth esa an Nefilim y'n nor y'n dydhyow na, hag a'y wosa keffrys, pan dheuth mebyon Duw dhe vyrghes mab-den; hag i a dhineythis fleghes dhedha. Tus alloesek ens i a dermyn koth, tus a vri.

2 Samuel 8:13

Davydh a waynyas ger-da pan dhehwelis, wosa ladha hwetek mil Edomyas yn nans an Hoelan.

Salmow 107:26

I a yskynnas dhe'n nevow, ha diyskynna dhe'n downderyow; aga enev a deudhis drefenn poenvotter;

Salmow 92:9

Rag otta, dha eskerens, A Arloedh, otta, dha eskerens a dhe goll, ha diberthys vydh oll an dhrogoberoryon.

Lavarow Koth 10:7

Kovadh an den gwiryon yw bennath, mes hanow an debeles a boder.

Yeremia 51:53

Kyn yskynno Babylon dhe nev, ha kyn kerro hy ughelder krev, a-dhiworthiv distruoryon a dheu warnedhi, yn-medh an Arloedh.

Daniel 4:11

An wydhenn a dheuth ha bos bras ha krev, ha'y barr a dhrehedhas dhe nev, hag yth o gweladow bys penn an norvys oll.

Daniel 4:22

ty yw, A vyghtern, neb yw tevys krev, ha dha veuredh re devis ha drehedhes dhe'n nevow, ha'th vestrynses bys finweth an norvys.

Daniel 4:27

Ytho, A vyghtern, re bo ow husul degemmeradow dhis; daspren dha beghosow gans gwiryonedh, ha'th anewnder dre dhiskwedhes tregeredh dhe'n voghosogyon, rag may fo dha sewenyans martesen hirhes.’

Daniel 4:30

An myghtern a gewsis ow leverel, ‘A nyns yw homma Babylon veur, hag a dhrehevis vy avel chi ryel dre nerth ow galloes, ha rag enor ow meuredh?’

Luk 1:51

Ev re dhiskwedhas nerth der y vregh, ev re skattras an re woethus yn preder aga holonn.

Yowann 5:44

Fatell yllowgh hwi krysi, neb a dhegemmer enor an eyl dhiworth y gila, mes ny hwilowgh an enor na dheu marnas a Dhuw?

Dewteronomi 1:28

Ple'th en ni yn-bann? Agan breder re wrug dh'agan kolonn teudhi, ow leverel, “Pobel vrassa ha hirra ageson yns; aga sitys yw bras ha kerys bys y'n ebron, hag ynwedh ni a welas mebyon an Anakim ena.” ’

Dewteronomi 4:27

An Arloedh a wra agas skattra ynter an poblow, boghes vydh agas niver gesys yn mysk an kenedhlow may hwra an Arloedh agas ledya di.

Dewteronomi 9:1

Klew, Ysrael: ty a dreus an Yordan hedhyw dhe vos a-bervedh dhe erita kenedhlow brassa ha kreffa agesos, sitys bras, kerys bys y'n ebron,