Jenesis 11:31 - An Bibel Kernewek 20234 (Kernewek Kemmyn)

³¹ Teragh a gemmeras Abram y vab ha Lot mab Haran, mab y vab ev, ha Saray y wohydh, gwreg y vab Abram, hag i eth yn-mes gansa dhiworth Ur an Kaldeanys mayth ellens dhe bow Kanan, hag i a dheuth dhe Haran ha triga ena.

Jenesis 11:31 Iomraidhean Croise

Jenesis 10:19

Hag amal an Kananysi o dhiworth Sidon ha ty ow tos troha Gerar bys yn Gaza, ha ty ow mos bys yn Sodom, Gomorra, Adma ha Seboyim bys yn Lasha.

Jenesis 11:32

Ha dydhyow Teragh a veu dew kans blydhen ha pymp, ha Teragh a verwis yn Haran.

Jenesis 12:4

Ytho, Abram eth dell wrussa an Arloedh leverel dhodho, ha Lot eth ganso. Abram o pymthek bloedh ha tri-ugens pan eth yn-mes a Haran.

Jenesis 12:5

Hag Abram a gemmeras Saray y wreg ha Lot, mab y vroder hag oll aga fyth re wrussens kuntelles, ha'n enevow re wrussens kavoes yn Haran, hag i eth yn-kerdh rag mos dhe bow Kanan; ha dhe bow Kanan y teuthons i.

Jenesis 14:12

Hag i a gemmeras Lot, mab broder Abram, esa trigys yn Sodom, ha'y bythow, ha mos yn-kerdh.

Jenesis 15:7

Hag ev a leveris dhodho, ‘My yw an Arloedh a'th tros mes a Ur an Kaldeanys dhe ri dhis an pow ma dh'y gavoes yn perghennogeth.’

Jenesis 24:10

Ha'n servont a gemmeras deg kowrvargh mes a gowrvergh y arloedh, ha mos yn-kerdh, gans oll an taklow da a'y arloedh yn y leuv. Ev a sevis ha mos dhe Aram Naharaym bys yn sita Nahor.

Jenesis 24:15

Kyns ev dhe worfenna y gows, awotta, yth esa Rebeka ow tos yn-mes – genys o hi dhe Bethuel mab Milka, gwreg Nahor, broder Abraham – gans hy fycher war hy skoedh.

Jenesis 27:43

Ha lemmyn, ow mab klew ow lev; sav, ha fi dhe Laban ow broder, dhe Haran.

Jenesis 28:10

Ha Yakob eth yn-mes dhiworth Beer-sheba ha mos troha Haran.

2 Myghternedh 19:12

A wrug duwow an kenedhlow aga delivra, an kenedhlow a wrug ow thasow aga distrui, Gozan, Haran, Resef, ha mebyon Eden esa yn Telassar?

Nehemia 9:7

Ty yw an Arloedh, an Duw neb a dhewisas Abram ha'y dhri yn-mes a Ur an Kaldeanys ha chanjya y hanow dhe Abraham;

Job 1:17

Hag ev hwath ow kewsel, y teuth onan moy ha leverel, ‘An Kaldeanys a formyas tri bagas a ladron, hag a wrug omsettyans orth an kowrvergh ha'ga hemmeres, ha ladha an servysi gans min an kledha, ha my ow honan re dhienkas rag leverel dhis.’

Ysay 37:12

A wrug duwow an kenedhlow aga delivra, an kenedhlow a wrug ow thasow aga distrui – Haran, Resef, ha mebyon Eden esa yn Telassar?

Ebrowyon 11:8

Dre fydh Abraham o gostydh pan veu gelwys dhe vos dhe dyller may tegemmerra eretons; ev eth yn-rag heb konvedhes ple'th esa ow mos.