Jenesis 10:9 - An Bibel Kernewek 20234 (Kernewek Kemmyn)

⁹ Ev a veu helghor galloesek dherag an Arloedh; rakhenna yth yw leverys, ‘Poran kepar ha Nimrod, helghor galloesek dherag an Arloedh.’

Jenesis 10:9 Iomraidhean Croise

Jenesis 10:10

Dalleth y wlaskor a veu Babel, hag Erek, hag Akkad, ha Kalne yn pow Shinar.

Jenesis 10:8

Kush a dhineythis Nimrod. Ev a dhallathas bos gour galloesek war an nor.

Jenesis 13:13

Mes tus Sodom o tebel ha peghadoryon dres eghenn dherag an Arloedh.

Jenesis 25:27

An vebyon a devis, hag Esaw a dheuth ha bos gour ha dhodho godhvos a helghya, gour a'n gwel; mes gour hebask o Yakob, trigys yn tyldow.

Jenesis 27:30

Pan wrussa Ysak gorfenna benniga Yakob ha Yakob skant gyllys yn-mes dhiworth Ysak y das, y teuth y vroder Esaw dhiworth y helgh.

Jenesis 6:11

An nor ynwedh o legrys a-rag Duw, ha lenwys o an nor a arowder.

Jenesis 6:4

Yth esa an Nefilim y'n nor y'n dydhyow na, hag a'y wosa keffrys, pan dheuth mebyon Duw dhe vyrghes mab-den; hag i a dhineythis fleghes dhedha. Tus alloesek ens i a dermyn koth, tus a vri.

2 Kroniklys 28:22

Yn prys y ahwer ev eth ha bos hwath moy dislel dhe'n Arloedh – an keth myghtern Ahaz ma.

Salmow 52:7

‘Ottomma an gour na wrug Duw y skovva, mes ev a drestyas yn y rychys meur, ha hwilas skovva yn y sherewneth.’

Ysay 18:2

neb a dhannvon kannasow war an mor, yn lestri papyrus war enep an dowr. Kewgh, hwi gannasow skav, dhe genedhel hir ha smodh aga kroghen, dhe bobel ownys ogas ha pell, kenedhel grev ha breselek, neb yw hy thir rynnys gans avonyow.

Yeremia 16:16

Otta, my a dhannvon war-lergh lies pyskador, yn-medh an Arloedh, hag i a wra aga hachya; hag a-wosa my a dhannvon lies helghor, hag i a's helgh a-dhiworth pub menydh ha pub bre, hag yn-mes a folsyow an kerrek.

Ezekiel 13:18

ha lavar, Yndellma y lever an Arloedh Duw: Go-i an benynes usi ow kwrias bondow war bub konna-bregh ha gul kudhlennow rag pennow a bub ughelder, ow helghya enevow. A helghyowgh enevow ow fobel ha gwitha agas enevow agas honan yn few?

Mika 7:2

Gallas an den duwek a'n bys, ha nyns eus onan ewnhynsek yn mysk tus; i oll a skolk yn kontrewaytyans rag skoellya goes ha peub a helgh y vroder gans roes.