Jenesis 10:5 - An Bibel Kernewek 20234 (Kernewek Kemmyn)

⁵ Dhiworth an re ma ynysow an kenedhlow a veu rynnys yn aga thiryow, peub war-lergh y daves, war-lergh aga theyluyow yn aga henedhlow.

Jenesis 10:5 Iomraidhean Croise

Jenesis 10:20

An re ma yw mebyon Ham war-lergh aga theyluyow, war-lergh aga thavosow yn aga thiryow, yn aga henedhlow.

Jenesis 10:25

Dhe Eber y feu dineythys dew vab. Hanow onan o Peleg rag yn y dhydhyow ev an nor a veu rynnys, ha hanow y vroder o Yoktan.

Jenesis 10:32

An re ma yw teyluyow mebyon Noy war-lergh aga henedhow, yn aga henedhlow. Dhiworth an re ma y feu an kenedhlow diberthys war an nor wosa an liv.

Jenesis 10:4

Mebyon Yavan: Elisha, Tarshish, Kittim ha Dodanim.

Jenesis 10:6

Mebyon Ham: Kush, Misraym, Put ha Kanan.

Jenesis 9:19

An re ma aga thri o mebyon Noy; ha dhiworth an re ma tus a veu lesys war oll an bys.

Ester 10:1

An myghtern Ahasuerus a settyas trubyt war an tir hag ynysow an mor.

Salmow 72:10

Re dhrollo myghternedh Tarshish ha'n ynysow trubyt; ha myghternedh Sheba ha Seba dri rohow.

Ysay 11:11

Y'n jydh na an Arloedh a ystynn y leuv an nessa gweyth dhe dhaskavoes remenant y bobel yw gesys, dhiworth Assyria, dhiworth Ejyp, dhiworth Pathros, dhiworth Ethiopia, dhiworth Elam, dhiworth Shinar, dhiworth Hamath, ha dhiworth ynysow an mor.

Ysay 24:15

Rakhenna y'n howldrevel ri glori dhe'n Arloedh; hanow an Arloedh, Duw Ysrael, yn ynysow an mor.

Ysay 40:15

Otta, an kenedhlow yw avel banna dhiworth kelorn, hag avel polter war an vantol synsys yns. Otta, ev a gemmer an ynysow yn-bann avel ponn.

Ysay 41:5

An arvoryow re welas hag own a's teves, pennow an bys a gren; i re nesas ha dos.

Ysay 42:10

Kenewgh dhe'n Arloedh kan nowydh, y wormola dhiworth penn an norvys! Tarannes an mor ha pup-tra eus ynno, an arvoryow ha'ga thrigoryon.

Ysay 42:4

Ny fyll na ny vydh ev digolonnek, bys pan fastyo gwirvreus y'n norvys; ha'n arvoryow a worta y lagha.

Ysay 49:1

Goslowewgh orthiv, ynysow, klewewgh, A boblow, a bellder: an Arloedh a'm gelwis dhiworth an dorr, pan esen yn brys ow mamm ev a'm henwis.

Ysay 51:5

Ogas yw ow delivrans, gallas ow selwyans yn-mes, ha'm diwvregh a vreus an kenedhlow; an ynysow a'm gorta, hag y'm bregh i a fydh.

Ysay 59:18

Herwydh aga gwriansow, yndella ev a attal; sorr dh'y erbynnoryon, attal dh'y eskerens; ev a re attal dhe'n ynysow.

Ysay 60:9

Rag an ynysow a'm gorta, gorholyon Tarshish yw an kynsa, dhe dhri dha vebyon a bellder, ha'ga owr ha'ga arghans gansa, rag hanow an Arloedh dha Dhuw, ha rag Sans Ysrael, rag ev re'th glorifias.

Yeremia 2:10

Rag tremenewgh ynysow Kittim, ha gweles; ha dannvenewgh bys Kedar, hag ombrederi yn tiwysyk, ha gweles mar peu bythkweth tra a'n par ma.

Yeremia 25:22

hag oll myghternedh Tyr, hag oll myghternedh Sidon, ha myghternedh an ynysow usi dres an mor;

Ezekiel 26:15

Yndellma y lever an Arloedh Duw dhe Tyr: A ny gren an arvoryow orth son dha goedh, pan hanas an re goliys, pan vydh an ladhva y'n kres ahanas?

Ezekiel 26:18

Lemmyn an arvoryow a gren yn dydh dha goedh; an ynysow usi y'n mor a gemmer skruth orth dha dhibarth.

Daniel 11:18

Ena y hwra treylya y fas war-tu ha'n ynysow, ha kemmeres lies anedha; mes kaslewydh a worfenn y donteth, hag ev a'n pren drefenn y donteth.

Sefania 2:11

Euthyk vydh an Arloedh dhedha: rag ev a danowha oll duwow an norvys ha tus a'n gordh, peub dhiworth y le, oll ynysow an kenedhlow.

Dewteronomi 32:8

Pan ros an Ughella aga eretons dhe'n kenedhlow, pan rannas mebyon den, ev a settyas oryon poblow war-lergh niver mebyon Ysrael.