Jenesis 10:10 - An Bibel Kernewek 20234 (Kernewek Kemmyn)

¹⁰ Dalleth y wlaskor a veu Babel, hag Erek, hag Akkad, ha Kalne yn pow Shinar.

Jenesis 10:10 Iomraidhean Croise

Jenesis 10:9

Ev a veu helghor galloesek dherag an Arloedh; rakhenna yth yw leverys, ‘Poran kepar ha Nimrod, helghor galloesek dherag an Arloedh.’

Jenesis 11:2

Hag y hwarva hag i ow mos yn-rag dhiworth an howldrevel, i a gavas stras yn pow Shinar ha triga ena.

Jenesis 11:9

Ytho, yth yw hy hanow gelwys Babel, rag an Arloedh dhe gemmyska ena yeth oll an bys, ha'n Arloedh a's skattras alena war enep oll an nor.

Jenesis 14:1

Hag y hwarva yn dydhyow Amrafel myghtern Shinar, Aryok myghtern Ellasar, Kedorlaomer myghtern Elam, ha Tidal myghtern Goyim,

Ysay 10:9

A nyns yw Kalno avel Karkemish? A nyns yw Hamath avel Arpad? A nyns yw Samaria avel Damaskus?

Ysay 11:11

Y'n jydh na an Arloedh a ystynn y leuv an nessa gweyth dhe dhaskavoes remenant y bobel yw gesys, dhiworth Assyria, dhiworth Ejyp, dhiworth Pathros, dhiworth Ethiopia, dhiworth Elam, dhiworth Shinar, dhiworth Hamath, ha dhiworth ynysow an mor.

Ysay 39:1

Y'n termyn na Merodak-baladan mab Baladan myghtern Babylon a dhannvonas lytherow ha ro dhe Hezekia, rag ev a glewas ev dhe vos klav, hag ena yaghhes.

Yeremia 21:2

‘Govynn, my a'th pys, orth an Arloedh ragon; rag Nebukadnessar myghtern Babylon a werr er agan pynn; martesen an Arloedh a wra gwrians marthys ragon, may kildenno a-dhiworthyn.’

Yeremia 50:1

An ger a gewsis an Arloedh a-dro dhe Babylon, a-dro dhe bow an Kaldeanys, dre Yeremia an profoes:

Yeremia 50:21

Ke yn-bann erbynn tir Merathaym, hag erbynn annedhysi Pekod, ha'ga gorladha, ha'ga sakra dhe dhistruyans leun, yn-medh an Arloedh; gwra pup-tra re worhemmynnis dhis.

Ezekiel 27:23

Haran, Kanne, hag Eden, marchons a Sheba, Asshur ha Kilmad o dha varchons.

Daniel 1:2

Ha'n Arloedh a worras yn y dhorn Yehoyakim myghtern Yuda, ha re a'n lestri dhiworth chi Duw; hag ev a's kyrghas dhe bow Shinar, dhe ji y dhuw, hag a worras an lestri yn tresorva y dhuw.

Amos 6:2

Tremenewgh dhe Kalne, ha gwelewgh, hag alena kewgh dhe Hamath veur, hag ena diyskynnewgh dhe Gath an Filistysi. Yns i gwell ages an gwlaskordhow ma? Po yw aga thiredh brassa ages agas tiredh hwi?

Mika 4:10

Gwynnel gwra yn payn ha skrija, A vyrgh Sion, avel benyn ow tineythi; rag lemmyn y hwre'ta mos yn-mes a'n sita ha triga y'n gwel; yth edh dhe Babylon. Ena y fydhydh sawys, ena an Arloedh a'th taspren a leuv dha eskerens.

Mika 5:6

Bugelya a wrons an tir a Assyria dre gledha, ha'n tir a Nimrod dre gledha noeth; hag i a'gan delirv dhiworth Asshur pan dheffo yn agan tir ha trettya a-berth yn agan or.

Zekaria 5:11

Ev a worthybis, ‘Dhe dhrehevel chi rygdhi yn pow Shinar. Pan yw parys, hi a vydh gorrys ena yn hy le.’