Jenesis 1:9 - An Bibel Kernewek 20234 (Kernewek Kemmyn)

⁹ Hag yn-medh Duw, ‘Bedhes an dowr yn-dann an nev kuntellys yn unn tyller, ha gwres omdhiskwedhes tir sygh.’ Hag y feu yndella.

Jenesis 1:9 Iomraidhean Croise

Jenesis 1:8

Duw a elwis an fyrmament Nev. Hag y feu gorthugher hag y feu myttin, an nessa dydh.

Nehemia 9:6

‘Ty dha honan yw an Arloedh. Ty a wrug nev, an nev a nevow, gans oll aga lu, an nor ha pup-tra eus warnodho, an moryow ha pup-tra eus ynna, ha ty a re bewnans dhedha i oll ha'n lu a nev a'th wordh.

Job 26:10

Ev a worras an worwel war enep an dowrow, orth an or yntra golow ha tewlder.

Job 26:7

Ev a ystynn ebron an kledh a-ugh an wagva, hag ev a greg an bys war dravyth.

Salmow 104:3

neb a worr kebrow y jambouryow y'n dowrow, hag a wra an kommol y jarett, hag a gerdh war eskelli an gwyns;

Salmow 33:7

Ev a guntellas dowrow an mor war-barth yn graghell; ev a worr an downderyow yn gwithvaow.

Salmow 95:5

Ev a bew an mor, hag ev a'n gwrug, ha'y dhiwleuv a formyas an tir sygh.

Ekklesiastes 1:7

An goverow oll a res dhe'n mor, byttegyns nyns yw an mor leun nevra: dhe'n tyller may hwre an goverow resek anedha kyns, y hwrons i resek arta

Yeremia 5:22

A ny berthowgh own ahanav? yn-medh an Arloedh: a ny grenowgh a-ragov? My re worras an tewes avel or dhe'n mor, ordenans bys vykken, ma na yll y dremena: an tonnow a sev yn trosek, mes ny's teves an galloes; kyn tarennons, ny yllons tremena dresto.

Yona 1:9

Yn-medh ev dhedha, ‘Ebrow ov vy, ha my a berth own a'n Arloedh, Duw an nev, neb a formyas an mor ha'n tir sygh.’

2 Peder 3:5

Rag i a ankev a borpos bos an nevow ow pos nans yw pell, ha nor dhe vos synsys war-barth dre dhowr ha gans dowr dre lavar Duw;

Diskwedhyans 10:6

ha lia re neb a vew trank heb worfenn, a wrug gul an nev, ha'n taklow usi ynno, ha'n dor ha'n taklow usi ynno, ha'n mor ha'n taklow usi ynno, ‘Na vedha lett namoy;