Jenesis 1:31 - An Bibel Kernewek 20234 (Kernewek Kemmyn)

³¹ Ha Duw a welas pup-tra re wrussa hag awotta, yth o pur dha. Hag y feu gorthugher hag y feu myttin, an hweghves dydh.

Jenesis 1:31 Iomraidhean Croise

Jenesis 1:13

Hag y feu gorthugher hag y feu myttin, an tressa dydh.

Jenesis 1:19

Hag y feu gorthugher hag y feu myttin, an peswora dydh.

Jenesis 1:23

Hag y feu gorthugher hag y feu myttin, an pympes dydh.

Jenesis 1:5

Ha Duw a elwis an golewder Dydh ha'n tewolgow ev a elwis Nos. Hag y feu gorthugher hag y feu myttin, unn jydh.

Jenesis 1:8

Duw a elwis an fyrmament Nev. Hag y feu gorthugher hag y feu myttin, an nessa dydh.

Jenesis 2:2

Ha'n seythves dydh Duw a worfennas y ober re wrussa gul, hag ev a bowesas an seythves dydh a'n ober oll re wrussa.

Jenesis 2:3

Ha Duw a vennigas an seythves dydh ha'y sakra drefenn ev dhe bowes a'y ober oll re wrussa Duw formya ha gul.

Job 38:7

ha ster an myttin ow kana war-barth hag oll mebyon Duw ow karma gans lowena?

Salmow 104:24

A Arloedh, ass yw lies dha wriansow! Yn furneth ty a's gwrug, i oll; an nor yw leun a'th kreaturs.

Salmow 104:28

ty a'n re dhedha hag i a'n kuntell; ty a iger dha leuv, ha lenwys yns i a dhader.

Salmow 104:31

Golewder an Arloedh a dhur bys vykken; an Arloedh a lowenha yn y wriansow.

Salmow 119:68

Da osta jy ha grassyes; dysk dhymm dha ordenansow.

Eksodus 20:11

rag yn hwegh dydh an Arloedh a wrug nev ha nor, an mor, ha myns eus ynna, ha powes y'n seythves dydh; ytho an Arloedh a vennigas an seythves dydh ha'y sanshe.

Eksodus 31:17

Arwoedh yw bys vykken yntra my ha mebyon Ysrael an Arloedh dhe wruthyl nev ha nor yn hwegh dydh, hag y'n seythves dydh ev a bowesas, hag a veu diskwithys.’

Lavarow Koth 16:4

An Arloedh re wrug pup-tra rag porpos, ynwedh an tebelwas rag dydh a derroes.

Ekklesiastes 3:11

Duw re wrug pup-tra dhe vos teg yn y brys gwiw, mes ynwedh ev re worras konvedhes yn kolonn mebyon den a dermyn ow tremena trank heb worfenn, ma na allons i diskudha an ober a wrug Duw a-dhiworth an dalleth bys yn diwedh aga bewnans.

Kynvannow 3:38

A nyns yw yn-mes a anow an Ughella y teu drog ha da?

Dewteronomi 32:4

An Garrek – perfydh yw y ober, rag oll y fordhow yw ewn; Duw a lenduri, heb kammhynseth, gwiryon ha kompes yw ev.

1 Timothi 4:4

Rag da yw pub kreatur a Dhuw, ha nyns yw res gorra travyth dhe-ves, mars yw degemmerys gans grasyans,

1 Timothi 4:5

drefenn y vos sakrys dre er Duw ha pysadow.