Jenesis 1:22 - An Bibel Kernewek 20234 (Kernewek Kemmyn)

²² Duw a's bennigas ha leverel, ‘Degewgh frut, ha kressya ha lenwel dowrow an moryow ha lieshens ydhyn war an nor.’

Jenesis 1:22 Iomraidhean Croise

Jenesis 1:21

Ha Duw a formyas morviles bras ha pub kreatur bew ow kwaya, a wra an dowrow dri yn-mes yn hesow, war-lergh aga hinda, ha pub edhen askellek war-lergh hy hinda. Ha Duw a welas henna dhe vos da.

Jenesis 1:23

Hag y feu gorthugher hag y feu myttin, an pympes dydh.

Jenesis 1:28

Ha Duw a's bennigas; ha Duw a leveris dhedha, ‘Degewgh frut ha kressya ha lenwel an nor ha'y dhova, ha rewlya puskes an mor hag ydhyn an ayr ha pub kreatur bew ow kwaya war an dor.’

Jenesis 30:27

Yn-medh Laban dhodho, ‘Mar kwrug vy kavoes gras y'th wolok, my re dhyskas dre dhewinieth an Arloedh dhe'm benniga a'th wovis.’

Jenesis 30:30

rag yth esa boghes genes kyns my dhe dhos, mes ynkressys yw yn feur, ha'n Arloedh re wrug dha venniga plepynag y feuv. Mes lemmyn, p'eur hwrav vy provia rag ow chi ow honan ynwedh?’

Jenesis 35:11

Hag yn-medh Duw dhodho, ‘My yw Duw Ollgalloesek; degewgh frut ha kressewgh; kenedhel ha kemmynieth a genedhlow a dheu dhiworthis, ha myghternedh a dheu yn-mes a'th tiwglun.

Jenesis 8:17

Doro yn-mes genes pub tra vew usi genes, a bub kig, ydhyn ha bestes, pub pryv ow kramya war an nor, may hwrellons hesya yn pals war an nor ha doen frut ha kressya war an nor.’

Jenesis 9:1

Ha Duw a vennigas Noy ha'y vebyon ha leverel dhedha, ‘Degewgh frut ha kressyewgh ha lenwel an nor.

Job 40:15

‘Mir orth Behemoth, a greatis dell y'th kreatis jy; ev a dheber gwels kepar hag ojyon.

Job 42:12

An Arloedh a vennigas an rann dhiwedhes a vewnans Job moy ages an kynsa. Yth esa dhodho peswardhek mil dhavas, hwegh mil gowrvargh, mil yew a oghen, ha mil asen.

Salmow 107:31

A krassens i dhe'n Arloedh y dregeredh, ha'y varthusyon rag mebyon den!

Salmow 107:38

Hag ev a's bennik, mayth ynkressyons yn fras, ha ny as aga gwarthek dhe lehe.

Salmow 128:3

Dha wreg a vydh kepar ha gwinbrenn leun a frut a-bervedh yn dha chi; ha'th fleghes kepar hag eginyow olewbrenn oll a-dro dhe'th voes.

Lavarow Koth 10:22

Bennath an Arloedh a wra den rych, ha ny geworr tristans gans henna.

Levitikus 26:9

My a dreyl dhywgh, ha'gas gul feyth, ha'gas ynkressya, ha fastya ow kevambos genowgh.