Jenesis 1:21 - An Bibel Kernewek 20234 (Kernewek Kemmyn)

²¹ Ha Duw a formyas morviles bras ha pub kreatur bew ow kwaya, a wra an dowrow dri yn-mes yn hesow, war-lergh aga hinda, ha pub edhen askellek war-lergh hy hinda. Ha Duw a welas henna dhe vos da.

Jenesis 1:21 Iomraidhean Croise

Jenesis 1:18

ha dhe rewlya an jydh ha'n nos, ha dhe wul dibarth ynter an golewder ha'n tewolgow. Ha Duw a welas henna dhe vos da.

Jenesis 1:20

Hag yn-medh Duw, ‘Re dhrollo an dowr yn-mes hesow a greaturs bew, hag ydhyn ow nija a-ugh an nor war enep fyrmament an nev.’

Jenesis 1:22

Duw a's bennigas ha leverel, ‘Degewgh frut, ha kressya ha lenwel dowrow an moryow ha lieshens ydhyn war an nor.’

Jenesis 1:25

Ha Duw a wrug miles an nor war-lergh aga hinda, ha chatel war-lergh aga hinda hag oll an kreaturs ow slynkya war an dor war-lergh aga hinda. Ha Duw a welas henna dhe vos da.

Jenesis 1:31

Ha Duw a welas pup-tra re wrussa hag awotta, yth o pur dha. Hag y feu gorthugher hag y feu myttin, an hweghves dydh.

Jenesis 2:19

Ha mes a'n dor an Arloedh Duw a formyas pub best a'n gwel ha pub edhen a'n ayr ha'ga dri dhe Adam dhe weles fatell vynna aga henwel, ha pypynag a henwis Adam pub kreatur bew, yndella y feu y hanow.

Jenesis 6:20

A'n ydhyn war-lergh aga hinda, hag a'n chatel war-lergh aga hinda, pub pryv a'n dor war-lergh y ginda, dew a bub sort anedha a wra dos dhis dh'aga gwitha yn few.

Jenesis 7:14

An re ma ha pub tra vew war-lergh y ginda ha pub best war-lergh aga hinda ha pub pryv a gram war an dor war-lergh y ginda ha pub edhen war-lergh y ginda: pub edhen, ha pup-tra askellek.

Jenesis 8:17

Doro yn-mes genes pub tra vew usi genes, a bub kig, ydhyn ha bestes, pub pryv ow kramya war an nor, may hwrellons hesya yn pals war an nor ha doen frut ha kressya war an nor.’

Jenesis 8:19

Pub best, pub pryv, pub edhen, ha pup-tra ow kramya war an dor, war-lergh aga hinda, eth yn-mes a'n gorhel.

Jenesis 9:2

Hag own ahanowgh hag euth ahanowgh a vydh war bub best a'n nor ha war bub edhen a'n ayr, war beub ow kwaya war an tir, war oll puskes an mor. I a vydh res yn agas dorn.

Jenesis 9:7

Ha hwi, degewgh frut ha kressyewgh. Omlesewgh war an nor ha kressyewgh warnodho.’

Job 12:7

‘Mes govynn orth an bestes, hag i a dhysk dhis; ydhyn an ayr, hag i a lever dhis;

Job 26:5

‘Spyrysyon an re varow a-woeles a gren, an dowrow ha'n re yw trigys ynna.

Job 7:12

Ov vy an mor, po euthvil a'n mor, may settydh goelyador warnav?

Salmow 148:7

Gormelewgh an Arloedh dhiworth an nor, hwi dhragones ha downderyow oll;

Eksodus 1:7

ha mebyon Ysrael a dhug frut, hesya a wrussons ha palshe, ha galloesek dres eghenn ens, ha'n tiredh o lenwys gansa.

Eksodus 8:3

kwilkynyow a wra hesya y'n avon hag i a wra dos bys y'th chi, a-ji dhe'th chambour ha war dha weli, hag a-ji dhe ji dha servysi ha'th pobel, hag a-ji dhe'th fornow ha'th newyow-toesa;

Ezekiel 32:2

Mab den, kemmer kynvann yn-bann rag Faro myghtern Ejyp, ha lavar dhodho, Ty yw avel lew yowynk yn mysk an kenedhlow, ha ty yw avel euthvil y'n moryow, ow lemmel a-dro y'th avonyow, ow tervyska an dowrow gans dha dreys, hag ow stronka aga avonyow.

Yona 1:17

An Arloedh a dhannvonas pysk bras dhe lenki Yona; ha Yona a veu yn torr an pysk tri dydh ha teyr nos.

Yona 2:10

Ena an Arloedh a gewsis orth an pysk, hag ev a hwyjas Yona yn-mes war an tir sygh.

Matthew 12:40

Rag kepar dell esa Yona yn torr an morvil tri dydh ha teyr nos, yndella y fydh Mab an den tri dydh ha teyr nos yn kolonn an nor.