Jenesis 1:16 - An Bibel Kernewek 20234 (Kernewek Kemmyn)

¹⁶ Duw a wrug dew wolow bras, an golow brassa dhe rewlya an jydh ha'n golow le dhe rewlya an nos. Ev a wrug an ster ynwedh.

Jenesis 1:16 Iomraidhean Croise

Jenesis 1:15

Ha bedhens avel golowys yn fyrmament an nev dhe ri golow war an nor.’ Hag y feu yndella.

Job 31:26

mar miris orth an howl ow splanna, po orth an loer ow kerdhes yn golewder,

Job 38:7

ha ster an myttin ow kana war-barth hag oll mebyon Duw ow karma gans lowena?

Salmow 148:3

Gormelewgh ev, howl ha loer; gormelewgh ev, oll hwi ster ow splanna.

Salmow 148:5

Gormelens i hanow an Arloedh, rag ev a worhemmynnis hag y fons i formys.

Salmow 19:6

Ev a yn-mes a benn an nevow, hag yma y hyns dhe'n penn arall anedha; ha nyns eus travyth kudhys rag y doemmder.

Salmow 74:16

Ty a bew an jydh, dhiso jy ynwedh yw an nos; ty re bareusis an golow ha'n howl.

Salmow 8:3

Pan virav orth an nevow, ober dha vysies, an loer ha'n ster a wrussys aga fastya,

Ysay 13:10

Rag ster an nevow ha'ga Orionow ny rons aga golow. An howl a vydh tewl pan dhrehav, ha'n loer ny wra dh'y loergann splanna.

Ysay 24:23

An loer a's tevydh meth ha'n howl a vydh shamys; rag Arloedh an luyow a reyn yn menydh Sion hag yn Yerusalem, ha glorifiys vydh a-rag y henavogyon.

Ysay 40:26

Drehevewgh yn-bann agas dewlagas, ha gwelewgh: piw a wrug an re ma? Ev neb a dheg yn-mes aga lu, orth aga nivera, ha'ga gelwel pubonan orth hanow; der y nerth meur ha'y alloes krev ny fyll onan vyth.

Ysay 45:7

My a form golow ha kreatya tewlder, my a wra kres ha kreatya galar, my yw an Arloedh neb a wra oll an taklow ma.

Yeremia 31:35

Yndellma y lever an Arloedh, a re an howl rag golow dydh hag ordena an loer ha'n ster rag golow nos, a rann an mor may hwromm an tonnow – Arloedh an luyow yw y hanow.

Habakkuk 3:11

An howl ha'n loer a sevis stag yn aga annedh, i a omdennas a-rag golow dha sethow hag a-rag splannder dha wuw dewynnek.

Matthew 24:29

‘A-dhihwans war-lergh galar an dydhyow na an howl a vydh tewlhes, ha'n loer ny re hy golow, an ster a goedh war-nans a'n nev, ha nerthow an nevow a vydh kryghyllys.

Matthew 27:45

Ha dhiworth an hweghves eur yth esa tewolgow war oll an nor bys y'n nawves eur.

1 Korinthianys 15:41

Yma unn golewder a'n howl, ha golewder arall a'n loer, ha golewder arall a'n ster; rag an eyl sterenn yw dihaval dhe sterenn arall yn golewder.

Dewteronomi 4:19

Ha pan dhrehevydh dha dhewlagas war-tu ha'n ebron ha gweles an howl, ha'n loer, ha'n ster, oll lu an nevow, na vedhewgh kammledys dh'aga gordhya na'ga servya – taklow a wrug an Arloedh dha Dhuw kevrenna dhe oll an poblow yn-dann an ebron dhien.

Diskwedhyans 21:23

Ha dhe'n sita nyns esa edhomm a'n howl nag a'n loer dhe splanna ynni, rag splannder Duw a's golowi, ha'n Oen yw hy lugarn.