Jenesis 1:14 - An Bibel Kernewek 20234 (Kernewek Kemmyn)

¹⁴ Hag yn-medh Duw, ‘Bedhens golowys yn fyrmament an nev dhe wul dibarth ynter an jydh ha'n nos, ha bedhens avel toknys rag sesonyow, ha rag dydhyow ha blydhynyow.

Jenesis 1:14 Iomraidhean Croise

Jenesis 1:13

Hag y feu gorthugher hag y feu myttin, an tressa dydh.

Jenesis 1:15

Ha bedhens avel golowys yn fyrmament an nev dhe ri golow war an nor.’ Hag y feu yndella.

Jenesis 8:22

Hedre vo an nor ow pesya, hasa ha trevas, yeynder ha toemmder, hav ha gwav, dydh ha nos, ny wrons sessya.’

Jenesis 9:13

My a worr ow gwarak y'n kommol, ha hi a vydh tokyn a gevambos yntra my ha'n norvys.

Job 25:3

Eus niver dh'y luyow? War biw ny sev y wolow?

Job 25:5

Mar nyns yw hwath an loer ow splanna ha nyns yw an ster glan yn y wolok,

Job 3:9

Bedhes tewel ster hy bora; gwaytyes golow heb y gavoes vyth; ha na weles kreghyn lagas an myttin,

Salmow 119:91

Herwydh dha vreusow i a dhur hedhyw, rag pup-tra oll yw dha servysi.

Salmow 148:3

Gormelewgh ev, howl ha loer; gormelewgh ev, oll hwi ster ow splanna.

Salmow 148:6

Ev re's fastyas bys vykken ha bynnari; ordenans re ros, ha ny vydh terrys.

Salmow 150:1

Gormelewgh an Arloedh. Gormelewgh Duw yn y sentri; gormelewgh ev yn fyrmament y nerth.

Salmow 81:3

Hwythewgh an trompa y'n loer nowydh, y'n loer leun, yn agan dy'goel.

Ysay 40:26

Drehevewgh yn-bann agas dewlagas, ha gwelewgh: piw a wrug an re ma? Ev neb a dheg yn-mes aga lu, orth aga nivera, ha'ga gelwel pubonan orth hanow; der y nerth meur ha'y alloes krev ny fyll onan vyth.

Yeremia 10:2

Yndellma y lever an Arloedh: Na dhyskewgh fordh an kenedhlow, ha na vedhewgh digolonnek orth toknys nev; rag an kenedhlow yw digolonnek orta.

Yeremia 31:35

Yndellma y lever an Arloedh, a re an howl rag golow dydh hag ordena an loer ha'n ster rag golow nos, a rann an mor may hwromm an tonnow – Arloedh an luyow yw y hanow.

Yeremia 33:20

Yndellma y lever an Arloedh: Mar kyllowgh terri ow hevambos gans an jydh, hag ow hevambos gans an nos, ma na vo dydh na nos yn aga ewn brys,

Yeremia 33:25

Yndellma y lever an Arloedh: Mar ny ve ow hevambos gans dydh ha nos hag ordenansow nev ha nor,

Ezekiel 46:1

Yndellma y lever an Arloedh: yet an klos a-bervedh, a vir troha'n est, a vydh deges y'n hwegh dydh a lavur; mes yn dydh an sabot y fydh igerys, hag yn dydh an loer nowydh.

Ezekiel 46:6

Yn dydh an loer nowydh ev a brovi tarow ha hwegh oen ha hordh; i a vydh heb namm.

Yoel 2:10

An dor a wra krysya a-dheragdha; an nevow a gren: an howl ha'n loer a dewlha, an ster a skon a derlentri.

Yoel 3:15

Tewlhes yw an howl ha'n loer, ha'n ster a skon a ri aga golow.

Amos 5:8

Ev neb a wrug an Pleyades hag Orion ha treylya tewlder down yn myttin, ha tewlhe an jydh yn nos; neb a elow war dhowrow an mor, ha'ga diveri war enep an dor: an Arloedh yw y hanow

Amos 8:9

Hag y hwyrvydh y'n jydh na, yn-medh an Arloedh Duw, my a wra an howl dhe sedhi y'n hanter-dydh, ha tewlhe an dor yn lagas an howl.

Matthew 2:2

ow leverel, ‘Ple'ma ev yw genys Myghtern an Yedhewon? Rag ni a welas y sterenn y'n howldrevel hag yth on ni devedhys dh'y wordhya.’

Matthew 24:29

‘A-dhihwans war-lergh galar an dydhyow na an howl a vydh tewlhes, ha'n loer ny re hy golow, an ster a goedh war-nans a'n nev, ha nerthow an nevow a vydh kryghyllys.

Mark 13:24

‘Mes y'n dydhyow na, wosa an galar na, an howl a vydh tewlhes, ha'n loer ny re hy golow,

Luk 23:45

An howl a dhifygyas, ha vayl an tempel a veu skwardys y'n kres.

Dewteronomi 4:19

Ha pan dhrehevydh dha dhewlagas war-tu ha'n ebron ha gweles an howl, ha'n loer, ha'n ster, oll lu an nevow, na vedhewgh kammledys dh'aga gordhya na'ga servya – taklow a wrug an Arloedh dha Dhuw kevrenna dhe oll an poblow yn-dann an ebron dhien.

Diskwedhyans 6:12

Ha my a welas pan igoras an hweghves sel, ha dorgrys bras a hwarva ha'n howl a dhuhas kepar ha saghlenn blew ha'n loer leun eth kepar ha goes.

Diskwedhyans 8:12

Ha'n peswora el a hwythas hag y feu an tressa rann a'n howl gweskys, ha'n tressa rann a'n loer ha'n tressa rann a'n ster, may feu an tressa rann anedha tewlhes ha ny omdhiskwedhas an jydh rag an tressa rann anodho, ha'n nos kekeffrys.

Diskwedhyans 9:2

Hag ev a igoras shafta an pytt diwoeles ha mog a yskynnas yn-mes a'n shafta kepar ha mog fornes vras ha'n howl ha'n ayr a veu tewlhes dre vog an shafta.