Jenesis 1:11 - An Bibel Kernewek 20234 (Kernewek Kemmyn)

¹¹ Hag yn-medh Duw, ‘Gwres an nor dri gwels yn-rag, losow ow toen has, ha gwydh ow toen frut war-lergh aga hinda, hag ynno has, war an dor.’ Hag y feu yndella.

Jenesis 1:11 Iomraidhean Croise

Jenesis 1:12

Ha'n tir a dhros gwels yn-rag, losow ow toen has war-lergh aga hinda ha gwydh ow toen frut gans has ynno war-lergh aga hinda; ha Duw a welas henna dhe vos da.

Jenesis 1:29

Hag yn-medh Duw, ‘Awotta, my re ros dhywgh pub losow gans has war enep an norvys oll ha pub gwydhenn gans frut may ma ynni has. I a vydh dhywgh rag boes.

Jenesis 2:16

Ha'n Arloedh Duw a erghis dhe'n den, ow leverel, ‘Ty a yll dybri yn surredi a bub gwydhenn y'n lowarth.

Jenesis 2:5

Pan nag esa hwath prysk an gwel y'n dor, ha pan na devis hwath losow an gwel, rag ny wrussa an Arloedh Duw gasa glaw dhe goedha war an norvys, ha nyns esa den dhe wonedha an dor,

Jenesis 2:9

Ha'n Arloedh Duw a wrug dhe devi mes a'n dor pub gwydhenn a vo teg dhe weles ha da rag boes, an wydhenn a vewnans ynwedh yn kres an lowarth, ha'n wydhenn a wodhvos da ha drog.

Job 28:5

An dor, may teu bara dhiworto, yw treylys a-woeles kepar ha gans tan.

Salmow 1:3

Ev a vydh avel gwydhenn plynsys ryb goverow dowr, ow ri hy frut yn hy seson, ha ny wedher hy del. Hag yn pup-tra a wra, ev a sewen.

Salmow 147:8

Neb a gudh an nevow gans kommol, ha darbari glaw rag an nor, ha gul dhe wels tevi war an menydhyow.

Ysay 61:11

Ha kepar dell wra an dor dri yn-mes y eginyow, ha lowarth a wra dhe'n pyth yw hesys skylla, yndella an Arloedh Duw a wra dhe ewnder ha gormola skylla a-rag oll an kenedhlow.

Yeremia 17:8

Rag ev a vydh avel gwydhenn plynsys ryb dowr, ow lesa hy gwreydh ryb an dowrhyns, mes ny berth own pan dheu an toemmder, mes hy delyow a vydh glas; hag yn blydhen syghor ny'n jevydh fienasow, na ny hedh a dhoen frut.

Matthew 3:10

Ha lemmyn yma an voel gorrys war wreydhenn an gwydh; pub gwydhenn ytho na dheg frut da a vydh treghys dhe'n dor ha tewlys yn tan.

Matthew 6:30

Ytho mar kweth Duw yndella gwels an gwelyow, yw bew hedhyw ha tewlys yn forn a-vorow, a ny wra ev meur dhe voy agas kwetha hwi, A hwi a voghes fydh?

Mark 4:28

Rag an dor a dheg trevas anodho y honan, kynsa an welsenn, ena an penn-ys, wosa henna an ys leun y'n penn.

1 Korinthianys 15:38

mes Duw a re dhodho korf dell dhewisas, ha dhe bub sort a has y gorf y honan.

Ebrowyon 6:7

Rag tir re evas an glaw a goedh menowgh warnodho, hag a dhre yn-rag losow dhe les dhe'n re ragdha y feu gonedhys, a dhegemmer bennath Duw.

Jamys 3:12

A yll figbrenn, ow breder, ri greun olew, po gwinbrenn ri figys? Ynwedh ny yll fenten hoelan ri dowr yr.