Jamys 5:9 - An Bibel Kernewek 20234 (Kernewek Kemmyn)

⁹ Na wrewgh krodhvolas, a vreder, an eyl war y gila, ma na vewgh breusys. Otta, an breusydh a sev a-dherag an darasow.

Jamys 5:9 Iomraidhean Croise

Jenesis 4:7

Mar kwre'ta yn ta, a ny vydh drehevys? Ha mar ny wredh yn ta, yma pegh ow skolkya orth an daras; ev yw hwansek dhe'th kavoes, mes ty – ty a wra y fetha.’

Salmow 59:15

I a wander a-derdro rag boes, ha krodhvolas mar ny gevons lowr.

Ezekiel 7:12

An termyn re dheuth, devedhys yw an jydh. Na lowenhes an prener, ha na wres an gwerther kyni, rag yma sorr war oll an routh anedha.

Levitikus 19:18

Ny wre'ta diella, na berthi envi erbynn fleghes dha bobel, mes ty a gar dha gentrevek kepar ha ty dha honan. An Arloedh ov vy.

Matthew 24:33

yndella hwi ynwedh, pan welowgh oll an taklow ma, hwi a woer ev dhe vos ogas, orth an darasow.

Mark 13:29

Yndella hwi ynwedh, pan welowgh an taklow ma ow hwarvos, hwi a woer ev dhe vos ogas, orth an darasow.

Mark 6:19

Rakhenna Herodias a borthas avi er y bynn, hag a vynna y ladha, mes ny ylli;

1 Korinthianys 10:11

Lemmyn an traow ma a hwarva yn ensampel dhedha i, mes skrifys vons rag agan keski ni, may teuva keweras an oesow warnan.

1 Korinthianys 4:5

Na vreusewgh travyth, ytho, kyns an ewn-dermyn may teffo an Arloedh, neb a wra golowi traow kudhys y'n tewlder keffrys diskwedhes kusulyow an golonn; hag y'n eur na kettep onan a wra kavoes y wormola dhiworth Duw.

2 Korinthianys 9:7

Res yw dhe bub huni ri an pyth a erviras yn y golonn, heb anvodh po heb bos ynniys: rag Duw a gar riyas lowenek.

Galatianys 5:14

Rag oll an lagha yw kollenwys yn unn lavar: ‘Kar dha gentrevek kepar dell omgerydh dha honan.’

Galatianys 5:26

Na vedhen goethus, ow serri an eyl y gila, ow perthi avi an eyl a'y gila.

Jamys 4:11

Na wrewgh kewsel an eyl erbynn y gila, a vreder. Neb a gews erbynn broder po a vreus y vroder a gews erbynn an lagha hag a vreus an lagha; ha mar preusewgh an lagha, nyns osta gwrier an lagha mes breusydh.

Jamys 4:12

Onan yw riyas an lagha ha breusydh, neb a yll selwel ha diswul. Piw osta jy, a vreus dha gentrevek?

Jamys 5:10

Kemmerewgh, a vreder, yn ensampel a wodhevyans ha perthyans, an brofoesi a gewsis yn hanow an Arloedh.

Jamys 5:7

Ytho, perthewgh, a vreder bys yn devedhyans an Arloedh. Otta, an tiek a worta frut drudh an dor, meur y berthyans yn y gever, erna dhegemmerro an glaw a-varr ha'n glaw diwedhes.

1 Peder 4:5

mes i a re akont dhe neb yw parys dhe vreusi an re vew ha'n re varow.

1 Peder 4:9

Bedhewgh hel dhe westoryon, an eyl dh'y gila, heb krodhvol.

Diskwedhyans 3:20

Otta, yth esov ow sevel orth an daras ha knoukya: den mar klew ow lev hag igeri an daras, my a dheu a-ji ganso, ha sopya ganso, hag ev genev vy.