Jamys 5:3 - An Bibel Kernewek 20234 (Kernewek Kemmyn)

³ Agas owr ha'gas arghans re gesknias, ha'ga hesknians a vydh dustuni er agas pynn ha dybri agas kig kepar ha tan. Hwi re guntellas tresor rag an dydhyow diwettha.

Jamys 5:3 Iomraidhean Croise

Jenesis 31:48

Hag yn-medh Laban, ‘An karn ma yw dustuni hedhyw yntra ty ha my.’ Ytho ev a elwis y hanow Galeed,

Jenesis 31:52

An karn ma yw dustuni ha'n peulven yw dustuni na wrav tremena dres an karn ma bys dhiso jy, ha na wredh tremena dres an karn ma ha'n peulven ma bys dhymmo vy rag drog.

Jenesis 49:1

Ena Yakob a elwis y vebyon ha leverel, ‘Omguntellewgh war-barth, may hwrylliv derivas dhywgh an pyth a hwyrvydh dhywgh y'n dydhyow a dheu.

Job 16:8

Ev re wrug dhymm gwedhra, ha henna yw dustuni er ow fynn; ow gwannegredh a sev yn-bann er ow fynn ha henna a re dustuni dhe'm fas.

Ysay 2:2

Y'n dydhyow diwettha menydh chi an Arloedh a vydh fastys avel penn an menydhyow; hag y fydh drehevys yn-bann dres an breow, hag oll an kenedhlow a dheu dhodho yn fros.

Yeremia 19:9

Ha my a wra dhedha dybri kig aga mebyon ha kig aga myrghes, hag i a dheber pub huni kig y gentrevek y'n esedhva, hag y'n ahwer may hwra aga eskerens ha'n re a hwila aga bewnans aga grevya.

Mika 3:3

neb a dheber kig ow fobel, ha pilya aga kroghen dhiworta, ha terri aga eskern yn temmigow ha'ga nadha avel kig yn chek, avel kig yn kalter.

Mika 4:1

Y'n dydhyow diwettha, menydh chi an Arloedh a vydh fastys avel penn an menydhyow, hag y fydh drehevys yn-bann dres an breow, ha poblow a dheu dhodho yn fros.

Oberow 2:17

“Hag y fydh y'n dydhyow diwettha, yn-medh Duw, my a dhinwa a'm Spyrys war gig oll, ha'gas mebyon ha'gas myrghes a wra profoesa ha'gas gwer yowynk a wra gweles gwelesigethow ha'gas gwer goth a wra hunrosa hunrosow;

Romanyon 2:5

Mes dre dha golonn gales hag anedrek yth esos ow kreuni konnar ragos dha honan y'n jydh a gonnar may fo diskwedhys ynno breus gwiryon Duw.

2 Timothi 2:17

ha'ga ger a wra lesa kepar ha kanker. Yn aga mysk yma Hymeneus ha Filetus;

Yoshua 24:27

Ha Yoshua a leveris dhe oll an bobel, ‘Otta, an men ma a vydh dustuni er agan pynn; rag ev re glewas oll geryow an Arloedh a gewsis orthyn; dustuni vydh er agas pynn, ma na wryllowgh nagha agas Duw.’

2 Peder 3:3

Godhvydhewgh hemma kyns oll: y'n dydhyow diwettha y hwra dos gesyoryon ow kul ges, ow kerdhes war-lergh aga drokhwansow i,

Diskwedhyans 17:16

Ha'n deg korn a welsys ha'n best: an re ma a wra kasa an hora ha'y gul gwastys ha noeth hag a wra dybri hy hig ha'y leski gans tan.

Diskwedhyans 20:15

Ha seul na veu kevys skrifys y'n lyver a vewnans a veu tewlys y'n lynn a dan.

Diskwedhyans 21:8

Mes an ownogyon, ha'n dhiskryjygyon, ha'n re gasadow, ha denledhysi, ha'n re a wra fornikasyon, ha pystrioryon ha gordhyoryon idolys, ha pub gowleveryas a's teves aga rann y'n lynn a lesk gans tan ha loskven, hag yw an nessa mernans.’