Jamys 5:19 - An Bibel Kernewek 20234 (Kernewek Kemmyn)

¹⁹ Ow breder, mar kwander nebonan ahanowgh dhiworth an gwir ha nebonan a'n dre arta dhodho,

Jamys 5:19 Iomraidhean Croise

Salmow 119:118

Ty a dhispres oll an re res eth yn stray dhiworth dha ordenansow, rag falsuri yw aga brys.

Salmow 119:21

Ty re geredhis an re woethus; milliges yw an re a gammdremen dhiworth dha worhemmynnow.

Lavarow Koth 19:27

Mar astelydh, ow mab, goslowes orth dyskans, ena yth edh yn stray dhiworth geryow godhvos.

Ysay 3:12

Ow fobel, hy rewloryon a's arwask, ha benynes a's rewl. Ow fobel, dha ledyoryon a wra dhedha gwandra, ha distrui fordh dha hynsyow.

Ezekiel 34:16

An re kellys a hwilav, ha'n re gyllys yn stray a dhrov dhe dre, ha'n re terrys a golmav, ha'n re wann a grevhav; mes an re dew ha'n re grev my a dhistru. My a's mag gans breus.

Ezekiel 34:4

Ny wrussowgh krevhe an deves gwann, na yaghhe an re klav, na kelmi an re brew; ny dhresowgh dhe-dre an re a wandras yn sowdhan, na ny hwilsowgh an re kellys, mes gans nerth hwi re's rewlyas, ha gans garowder.

Matthew 18:15

‘Mar kwrella dha vroder kamm er dha bynn, ke dhe dhiskwedhes dhodho y gammweyth yntredhowgh agas dew yn priva. Mar koslow orthis, ty re waynyas dha vroder;

Luk 22:32

mes my re bysis ma na fyllo dha fydh; ha wosa ty dhe dreylya arta, fasta jy dha vreder.’

Galatianys 6:1

A vreder, mar pe nebonan kechys yn kammweythres, hwi, usi a'n Spyrys, restoryewgh den a'n par na yn spyrys a jentylys. Mir orthis dha honan, ma na vi temptys ynwedh.

1 Timothi 6:10

Rag fenten pub drog yw kerensa mona ha der an hwans ma nebes tus res eth yn sowdhan dhiworth an fydh ha gwana aga honan gans lies galar.

1 Timothi 6:21

ow professya hemma, nebes tus re sowdhanas dhiworth an fydh. Gras genowgh hwi.

2 Timothi 2:18

i re swarvyas dhiworth an gwiryonedh, ow leverel bos an dasserghyans diwedhys seulabrys, hag yth esons ow tomhwel fydh rann a'n bobel.

Ebrowyon 5:2

Ev a yll dyghtya yn hwar an re yw heb godhvos ha kellys yn aga fordh, drefenn y vos y honan settys a-dro gans gwannder.

Jamys 1:16

Na vedhewgh toellys, ow breder veurgerys.

Jamys 1:19

Godhvydhewgh hemma, ow breder veurgerys. Bedhes pub den skav dhe glewes, lent dhe gewsel, lent dhe serri.

Jamys 3:14

Mes mars eus avi hwerow ha strivyans genowgh yn agas kolonn, na wrewgh bostya, na gowleverel erbynn an gwir.

Jamys 5:20

godhvydhes ev: neb a dreyl peghador a'y gammfordh a selow y enev a ankow, ha kudha peghosow pals.

2 Peder 3:17

Ytho hwi, karadowyon, ow kodhvos kyns, bedhewgh war na vowgh dres yn tebelgryjyans an re dhilagha, na koedha dhiworth agas faster hwi.

Lyther Yud 1:11

Go-i rag kerdhes war fordh Kayn hag omri aga honan rag gober dhe gammweyth Balaam, hag yn rebellyans Koragh mos dhe goll.