Jamys 5:16 - An Bibel Kernewek 20234 (Kernewek Kemmyn)

¹⁶ Ytho, yesewgh agas peghosow an eyl dh'y gila, ha pysewgh an eyl rag y gila, may fewgh yaghhes. Pur nerthek yw an pysadow effeythus a dhen gwiryon.

Jamys 5:16 Iomraidhean Croise

Jenesis 19:29

Ha pan dhistruis Duw sitys an plen, Duw a borthas kov a Abraham ha dannvon Lot yn-mes a gres an domhwelyans pan dhomhwelas an sitys mayth esa Lot trigys a-bervedh ynna.

Jenesis 20:17

Ytho Abraham a bysis war Dhuw ha Duw a sawyas Abimelek ha'y wreg ha'y vaghtethyon, hag i a dhineythis fleghes.

Jenesis 20:7

Lemmyn ytho, daskorr y wreg dhe'n gour, rag profoes yw ev, hag ev a bys ragos, ha ty a vew. Mes mar ny wredh hy daskorr, gwra godhvos ty dhe verwel yn sur, ty ha myns eus dhis.’

Jenesis 32:28

Hag yn-medh ev, ‘Ny vydh dha hanow gelwys Yakob namoy mes Ysrael, rag ty re strivyas gans Duw ha gans mab-den ha fetha.’

2 Samuel 19:19

ha leverel dhe'n myghtern, ‘Na wres ow arloedh rekna an blam er ow fynn, na perthi kov a'n kammweyth a wrug dha was y'n jydh mayth eth ow arloedh an myghtern yn-mes a Yerusalem. Na wres an myghtern y gemmeres dh'y golonn.

1 Myghternedh 13:6

An myghtern a leveris dhe wour Duw, ‘Pys lemmyn favour an Arloedh dha Dhuw, ha pys ragov, may fydh daskorrys ow leuv dhymm.’ Ytho gour Duw a bysis war an Arloedh; ha leuv an myghtern a veu daskorrys dhodho hag a dheuth ha bos par dell o kyns.

2 Kroniklys 30:20

An Arloedh a glewas Hezekia hag ev a yaghhas an bobel.

Job 42:8

Rakhenna kemmerewgh lemmyn dhywgh seyth tarow ha seyth hordh ha mos dhe'm gwas Job hag offrynna ragowgh offrynn leskys, ha'm gwas Job a bys ragowgh ha my a dhegemmer y bysadow, ha ny'gas dyghtyav herwydh agas follenep; rag ny gewssowgh ahanav an pyth yw ewn, kepar dell wrug ow gwas Job.’

Salmow 34:15

Yma dewlagas an Arloedh war an re wiryon, ha'y dhiwskovarn troha'ga kri.

Eksodus 17:11

Pan dhrehevis Moyses y leuv, Ysrael o kreffa; ha pan iselhas y leuv, Amalek o kreffa.

Eksodus 9:33

Ytho Moyses eth yn-mes a'n sita dhiworth Faro, hag ystynn y dhiwdhorn dhe'n Arloedh; ha'n taran ha'n keser a hedhis, ha ny goedhas na fella an glaw war an nor.

Lavarow Koth 15:29

Yma an Arloedh pell dhiworth an debeles, mes ev a glew pysadow an re wiryon.

Lavarow Koth 15:8

Sakrifis an debeles yw tra gasadow dhe'n Arloedh, mes pysadow an re ewnhynsek yw y dhelit.

Lavarow Koth 28:9

Mar treyl nebonan y skovarn ma na glewo an lagha, y bysadow yw tra gasadow hogen.

Yeremia 15:1

Ena an Arloedh a leveris dhymm: Mar saffa Moyses ha Samuel a-ragov, hwath ny allsa ow holonn treylya war-tu an bobel ma; gwra aga dannvon mes a'm golok, ha'ga gasa dhe vones.

Yeremia 33:3

Galow dhymm ha my a worthyp dhis, ha derivas dhis traow meur hag andrehedhadow na aswonnsys.

Yeremia 42:2

ha leverel dhe Yeremia an profoes, ‘Gas, ni a'th pys, agan pledyans dhe vos degemmerys a-ragos, ha pys dhe'n Arloedh a'gan govis, rag oll an remenant ma (rag ni yw gesys marnas boghes a'n lies, dell wel dha dhewlagas)

Niverow 11:2

Ena an bobel a grias war Moyses; ha Moyses a bysis dhe'n Arloedh, ha'n tan a lehas.

Matthew 21:22

ha pypynag oll a wovynnowgh yn pysadow gans fydh, hwi a'n kyv.’

Matthew 3:6

hag yth esens i ow pos besydhys ganso y'n Yordan, ow yes aga feghosow.

Mark 1:5

Hag yth e yn-mes bys dhodho oll an pow a Yudi, hag oll tus Yerusalem, hag yth esens besydhys ganso y'n avon Yordan, ow yes aga feghosow.

Luk 9:6

Ytho i eth dhe-ves ha tremena der an trevow, ow pregoth an aweyl hag ow yaghhe yn pub tyller.

Yowann 9:31

Ni a woer na glew Duw peghadoryon, mes mars yw den gordhyer a Dhuw, hag ow kul y volonjedh, ev a wra y glewes.

Oberow 10:38

fatell untyas Duw Yesu a Nazareth gans an Spyrys Sans ha nerth; neb eth a-dhedro ow kul dader hag ow yaghhe peub o arweskys gans an jowl, drefenn bos Duw ganso.

Oberow 19:18

Ha meur a'n re neb a grysis a dheuth ha yes ha derivas aga oberow.

Oberow 8:24

Ha Simon a worthybis, ‘Pysewgh ragov war an Arloedh, ma na dheffo warnav nagonan a'n taklow re leversys.’

Romanyon 3:10

dell yw skrifys, ‘Nyns yw onan vyth gwiryon, na, nagonan vyth;

Romanyon 5:19

Ytho dell veu lies gwrys peghadoryon dre dhiwostytter unn den, yndella dre wostytter unn den lies a vydh gwrys gwiryon.

Kolossianys 1:9

Rakhenna ni ynwedh, dhiworth an jydh may klewsyn, ny hedhyn pysi ha govynn ragowgh, may fewgh lenwys a wodhvos a'y vodh yn pub furneth ha konvedhes spyrysel,

1 Thessalonianys 5:17

Gwrewgh pysi heb hedhi.

1 Thessalonianys 5:23

Ha'n Dew a gres y honan re'gas sakkro yn tien; ha'gas spyrys ha'gas enev ha'gas korf kowal re bo gwithys divlam orth devedhyans agan Arloedh Yesu Krist.

1 Thessalonianys 5:25

A vreder, gwrewgh pysi ragon.

Ebrowyon 11:4

Dre fydh yth offrynnas Abel dhe Dhuw sakrifis gwell ages sakrifis Kayn, dredho may kavas dustuni y vos ewnhynsek, Duw ow tustunia dh'y rohow; ha dredho, kyn fo marow, ev a gews hwath.

Ebrowyon 11:7

Dre fydh Noy wosa bos gwarnys gans Duw a-dro dhe daklow na veu gwelys hwath, hag ev ownek, a dhrehevis gorhel rag sawya y vayni; dre hemma ev a dhampnyas an bys ha dos ha bos her an ewnder a dheu dre fydh.

Ebrowyon 12:13

ha gwrewgh hynsyow kompes dh'agas treys, ma na vo treylys dhe-ves an pyth yw evredhek, mes kynsa bos yaghhes.

Ebrowyon 13:18

Pysewgh a'gan govis ni, rag sur on ni bos kowses da dhyn, ow mynnes omdhegi yn enor yn pup-tra.

Yoshua 10:12

Ena Yoshua a gewsis dhe'n Arloedh y'n jydh pan dhelivras an Arloedh an Amorysi dhe'n Ysraelysi, hag ev a leveris yn golok Ysrael, ‘Howl, sav stag yn Gibeon, ha ty Loer, yn nans Ayyalon.’

1 Peder 2:24

Ev y honan a borthas agan peghosow y'n prenn, may hwryllyn ni, marow dhe beghosow, bewa dhe ewnder. Gans y woliow sawys vewgh hwi.

1 Yowann 3:22

Ha ni a'gan beus ganso pypynag a bysyn, drefenn ni dhe witha y worhemmynnow ha ni dhe wul an pyth yw plegadow a-ragdho.

1 Samuel 1:12

Yth esa hi prest ow pysi a-dherag an Arloedh, hag Eli a verkyas hy ganow.

1 Samuel 12:17

A nyns yw trevas an gwaneth hedhyw? My a elow dhe'n Arloedh, hag ev a dhannvon taran ha glaw; ha hwi a gonvedh ha gweles bos agas sherewynsi bras, re wrussowgh yn golok an Arloedh, dhe wovynn myghtern ragowgh.’

1 Samuel 12:18

Ytho Samuel a elwis dhe'n Arloedh, ha'n Arloedh a dhannvonas taran ha glaw an jydh na; hag oll an bobel a borthas own bras a'n Arloedh hag a Samuel.