Jamys 5:15 - An Bibel Kernewek 20234 (Kernewek Kemmyn)

¹⁵ Ha pysadow fydh a wra sawya an klav, ha'n Arloedh a vynn y dhrehevel. Ha mar kwrug ev peghosow, y fydh henna gevys dhodho.

Jamys 5:15 Iomraidhean Croise

Ysay 33:24

Ny lever annedhyas, ‘My yw klav’; kammweyth an bobel trigys ynni a vydh gevys.

Matthew 17:20

Yn-medh Yesu dhedha, ‘Drefenn agas boghes fydh; rag yn hwir y lavarav dhywgh, mars eus genowgh fydh kemmys ha hasenn kedhow, hwi a lever dhe'n menydh ma, “Ty bydh removyes alemma yn-hons”, ha removyes vydh; ha travyth ny vydh dres agas galloes.

Yowann 5:14

Wosa hemma, Yesu a'n kavas y'n tempel, hag a leveris dhodho, ‘Otta, ty yw yaghhes; na wra begha namoy, ma na hwarvo dhis neppyth gweth.’

Yowann 6:39

Ha hemm yw bolonjedh neb a'm dannvonas, ma na wrylliv kelli travyth a bup-tra re ros ev dhymm, mes y dhrehevel yn-bann dydh fin.

1 Korinthianys 1:21

Rag yn skentoleth Duw, a-ban na wrug an bys aswonn Duw dre skentoleth, Duw a veu plesys, dre follneth an pyth a veu pregewthys, dhe selwel an re a grys.

2 Korinthianys 4:14

ow kodhvos hemma: ev neb a dhrehevis an Arloedh Yesu a wra agan drehevel ni ynwedh gans Yesu, hag ev a wra agan dri a-ragdho, genowgh hwi.

Jamys 1:6

Mes govynnes yn fydh heb doutya, rag neb a dhout yw kepar ha mordonn yw helghys ha tewlys der an gwyns.

Jamys 5:13

Eus nebonan ahanowgh grevys? Gwres ev pysi. Eus nebonan lowenek? Kanes ev salm.

Jamys 5:16

Ytho, yesewgh agas peghosow an eyl dh'y gila, ha pysewgh an eyl rag y gila, may fewgh yaghhes. Pur nerthek yw an pysadow effeythus a dhen gwiryon.

Jamys 5:20

godhvydhes ev: neb a dreyl peghador a'y gammfordh a selow y enev a ankow, ha kudha peghosow pals.