Jamys 4:9 - An Bibel Kernewek 20234 (Kernewek Kemmyn)

⁹ Gwrewgh galari, ha kyni hag oela. Bedhes agas hwarth treylys dhe gynvann, ha'gas lowena dhe dristyns.

Jamys 4:9 Iomraidhean Croise

Nehemia 8:9

Ena Nehemia, an governour, hag Ezra an oferyas ha'n skriba, ha'n Levysi a dhyski an bobel, a leveris dhe oll an bobel, ‘Sans yw an jydh ma dhe'n Arloedh agas Duw; na gynewgh, na nag oelewgh.’ Rag oll an bobel a oelas, pan glewsons geryow an lagha.

Job 30:31

Treylys dhe gyni yw ow sowtri, ha'm pib dhe lev an re a oel.

Salmow 119:136

Ow dewlagas a dhewrak gans goverow a dhowr drefenn na synsir dha lagha.

Salmow 119:67

Kyns my dhe vos yn anken, my a gammdremenas, mes lemmyn my a syns dha lavar.

Salmow 119:71

Da yw ow bos yn anken, rag may tyskiv dha ordenansow.

Lavarow Koth 14:13

Yn hwarth hogen, an golonn yw trist, ha diwedh joy yw anken.

Ekklesiastes 2:2

A-dro dhe hwarth yn-medhav, ‘Follneth yw’, hag a-dro dhe blesour, ‘Pandr'a amont hemma?’

Yeremia 31:13

Ena an wyrghes a lowenha y'n dons, ha'n wer yowynk ha'n henavogyon a vydh lowen, my a's hebaskha, ha ri dhedha lowena yn le aga hynvann.

Yeremia 31:9

I a dheu yn-dann dhagrewi, ha gans konfort my a's hembronk, my a wra dhedha kerdhes ryb frosow dowr, yn fordh leven le ma na drebuchyons; rag my yw tas dhe Ysrael, hag Efraym yw ow hynsa-genys.

Kynvannow 5:15

Difygys yw joy agan kolonn; treylys dhe gynvann yw agan karoli.

Ezekiel 16:63

rag may perthi kov ha bos methek, heb igeri dha anow arta drefenn dha dhisenor, pan wrav prenedh dhis rag pup-tra re wrussys, yn-medh an Arloedh Duw.

Ezekiel 7:16

Peub yw gesys a skap, hag i a vydh y'n menydhyow kepar ha kelemmi an nansow, i oll owth hanasa, peub yn y anewnder.

Matthew 21:41

Yn-medhons dhodho, ‘Ev a dhistru an debeles na yn hager, ha settya an winlann dhe diogyon erell, neb a vynn ri dhodho an drevas yn hy frys.’

Matthew 5:4

‘Gwynn aga bys an re usi ow kalari, rag i a vydh konfortys.

Luk 16:25

Mes Abraham a leveris, “Flogh, porth kov ty dhe dhegemmeres dha bythow da y'th vewnans, ha Lazarus y'n keth vaner an droktaklow; mes lemmyn konfortys yw ev, mes ty yw tormentys.

Luk 6:21

Gwynn agas bys neb a berth nown lemmyn, rag hwi a vydh lenwys. Gwynn agas bys neb a oel, rag hwi a hwerth.

Luk 6:25

Go-hwi, yw lenwys lemmyn, rag hwi a berth nown. Go-hwi a hwerth lemmyn, rag hwi a gyn hag oela.