Jamys 4:7 - An Bibel Kernewek 20234 (Kernewek Kemmyn)

⁷ Ytho, bedhewgh gostydh dhe Dhuw; mes sevewgh erbynn an jowl, hag ev a wra fia dhiworthowgh.

Jamys 4:7 Iomraidhean Croise

2 Samuel 15:26

Mes mar lever yndella, “Ny gemmerav plesour vyth ynnos”, ottavy, gwres ev dhymm kepar dell hevel da dhodho.’

2 Kroniklys 30:8

Na vedhewgh kales agas kilbenn lemmyn dell vedha agas tasow; ystynnewgh leuv dhe'n Arloedh ha dewgh dh'y sentri, re sakras bys vykken, ha servyewgh an Arloedh rag may treyllyo y gonnar dhiworthowgh.

Job 1:21

Hag ev a leveris, ‘Noeth y teuth vy dhiworth torr ow mamm, ha noeth y tehwelav ena; an Arloedh a ros, ha'n Arloedh re gemmeras dhe-ves; benniges re bo hanow an Arloedh.’

Salmow 66:3

Leverewgh dhe Dhuw, ‘Ass osta euthyk y'th wriansow! Dre vraster dha nerth yth ombleg dha eskerens dhiso jy.

Salmow 68:30

Keredh goedhvil an kors, gre an terewi, gans leughi an poblow a stankyas yn-dann dreys an temmyn a arghans; skatter an poblow a lowenha yn bresel.

Yeremia 13:18

Lavar dhe'n myghtern ha dhe vamm an myghtern, ‘Omuvelhewgh, esedhewgh: rag kurun agas golewder re dhiyskynnas a-dhiwar agas penn.’

Daniel 4:25

may fi fesys pell dhiworth tus, ha'th annedh a vydh gans bestes gwyls, gwrys dhe dhybri gwels avel oghen, ha glybys gans gluth an nevow. Warnas y tremen seyth seson, bys pan gonvedhydh bos an Ughella rewler yn gwlaskor mab-den, hag y's re dhe neb a vynno.

Daniel 4:32

hag i a'th fes pell dhiworth tus, ha'th annedh a vydh gans an bestes gwyls, hag i a'th wra dhe dhybri gwels avel oghen; warnas y tremen seyth seson bys pan wodhvydhydh bos an Ughella rewler yn gwlaskor mab-den, hag ev a's re dhe neb a vynno.’

Matthew 11:29

Kemmerewgh ow yew warnowgh ha dyskewgh genev, rag klor yth ov hag uvel ow holonn, ha hwi a gyv powes dh'agas enev.

Oberow 26:19

‘Rakhenna, myghtern Agrippa, nyns en vy diwostydh dhe'n welesigeth nevek,

Oberow 9:6

Mes sav yn-bann, ke a-ji dhe'n sita, ha leverys vydh dhis an pyth a dhelledh ty dhe wul.’

Romanyon 10:3

Rag heb godhvos a ewnder Duw, hag ow hwilas sevel aga ewnder aga honan, nyns ens gostydh dhe ewnder Duw.

Romanyon 14:11

Rag skrifys yw, ‘Dell vewav, yn-medh an Arloedh, pub glin a wra plegya dhymmo vy ha pub taves a wormel Dhuw.’

Efesianys 4:27

ha na rewgh tyller dhe'n jowl.

Efesianys 5:21

Bedhewgh gostydh an eyl dh'y gila yn own Krist.

Efesianys 6:13

Rakhenna, kemmerewgh leun-arvwisk Duw may hallowgh sevel y'n drog dhydh, ha wosa gul pup-tra, sevel hwath.

Ebrowyon 12:9

Pella, ni a'gan bo tasow war-lergh an kig dh'agan keredhi ha ni a wre vri anedha. A ny vydhyn hwath moy gostydh dhe Das an spyrysyon, ha bewa?

1 Peder 2:13

Bedhewgh gostydh a-barth an Arloedh dhe bub awtorita fondys gans mab-den, po dhe vyghtern avel penn-router

1 Peder 5:6

Omuvelhewgh ytho yn-dann leuv alloesek Duw, rag ma'gas ughelhaho y'n termyn gwiw,

1 Samuel 3:18

Ha Samuel a dherivas dhodho pup-tra ha ny gudhas travyth a-dhiworto. Hag ev a leveris, ‘An Arloedh yw; Gwres ev an pyth a hevel da dhodho.’