Jamys 4:6 - An Bibel Kernewek 20234 (Kernewek Kemmyn)

⁶ Mes brassa gras y re ev; rakhenna y lever, ‘Duw a sev erbynn tus woethus, mes dhe dus uvel ev a re ras.’

Jamys 4:6 Iomraidhean Croise

2 Kroniklys 32:26

Ena Hezekia a omuvelhas rag goeth y golonn, ev y honan ha trigoryon Yerusalem, bys ma na dheuth konnar an Arloedh warnedha yn dydhyow Hezekia.

2 Kroniklys 33:12

Pan o yn ahwer ev a bysis favour an Arloedh y Dhuw hag yth omuvelhas yn fen a-rag Duw y dasow.

2 Kroniklys 33:19

Y bysadow ha fatell dhegemmeras Duw y bledyans, oll y begh ha'y dhislelder, an tylleryow warnedha may trehevis tylleryow ughel ha drehevel an Asherim ha'n imajys gravys a-ragdha mayth omuvelhi, an re ma yw skrifys yn kovadhow an welesydhyon.

2 Kroniklys 33:23

Ny omuvelhas a-rag an Arloedh, dell omuvelhasa y das Manasse, mes an keth Amon ma a drespassas moy ha moy.

2 Kroniklys 34:27

drefenn bos dha golonn medhel ha drefenn ty dhe omuvelhe a-rag Duw pan glewsys y eryow erbynn an tyller ma ha'y drigoryon, hag omuvelhe a-ragov, ha skwardya dha dhillas hag oela a-ragov, my re'th klewas, a lever an Arloedh.

Job 22:29

Pan vo tus iselhes ty a lever yth yw drefenn goeth, mes Duw a saw an den uvel y dhewlagas.

Salmow 138:6

Rag ughel yw an Arloedh, hwath ev a wra vri a'n re isel, mes a bellder ev a aswonn an re woethus.

Salmow 9:12

Rag neb a wovynn goes yn dial a berth kov anedha; ny ankev garm an voghosogyon.

Eksodus 18:11

Lemmyn my a woer bos an Arloedh brassa ages duwow oll, ow kul yndella erbynn seul a's dyghtyas yn howtyn.’

Lavarow Koth 15:33

Dyskans furneth yw own an Arloedh, hag uvelder a dheu a-rag enor.

Lavarow Koth 18:12

Kyns droglamm, kolonn gour yw goethus, mes uvelder a a-rag enor.

Lavarow Koth 22:4

An pewas rag uvelder hag own an Arloedh yw rychys hag enor ha bewnans.

Lavarow Koth 29:23

Goeth den a'n dre isel, mes neb yw uvel yn spyrys a'n jevydh enor.

Lavarow Koth 3:34

Orth an skornyoryon, ev a berth skorn, mes dhe'n re uvel ev a dhiskwa favour.

Ysay 2:17

Ena goeth den a vydh uvelhes, ha balghder tus a vydh iselhes; an Arloedh unnsel a vydh ughelhes y'n jydh na.

Ysay 54:7

Unn pols byghan my a'th forsakys, mes gans truedh meur my a'th kuntell.

Ysay 57:15

Rag yndellma y lever an ughel hag eksaltys neb a drig trank heb worfenn, ha sans yw y hanow: Trigys esov yn tyller ughel ha sans, hag ynwedh gans an den yw keudhesik hag isel y spyrys, dhe wul dhe spyrys an re uvel dasvewa ha dhe wul dhe golonn a'n re brewys dasvewa.

Daniel 4:37

Lemmyn yth esov vy, Nebukadnessar, ow praysya, owth ughelhe hag owth enora Myghtern nev, rag gwiryon yw oll y weythresow hag ewn y hynsyow, hag y hwoer iselhe an re a gerdh yn goeth.

Matthew 13:12

Rag neb a bewvo, dhodho ev y fydh res, hag ev a'n jevydh lanwes; mes neb na bewvo, y fydh kemmerys a-dhiworto ynwedh an pyth a bew.

Matthew 23:12

Neb a omughelha a vydh dres isel, ha neb a omuvelha a vydh ughelhes.

Luk 1:52

Ev re worras tus alloesek dhe'n leur dhiworth aga seow, ha re dhrehevis an re uvel.

Luk 14:11

Rag peub neb a omughelha a vydh dres isel, ha neb a omiselha a vydh ughelhes.’

Luk 18:14

My a lever dhywgh, an den ma a dhehwelis tre justifiys, a-der an den arall; rag peub a omughelha a vydh dres isel, mes neb a omiselha a vydh ughelhes.’

Jamys 4:10

Omuvelhewgh a-dherag an Arloedh, hag ev a wra agas ughelhe.

1 Peder 5:5

Y'n keth vaner, hwi, a dus yowynk, bedhewgh gostydh dhe'n henavogyon, ha pubonan gwiskewgh uvelder an eyl dh'y gila, rag ‘Duw a sett orth tus woethus, mes dhe dus uvel, y re ev gras.’

1 Samuel 2:3

Na gewsewgh prest namoy mar brout, na wres balghder dos a-dhiworth agas ganow; rag an Arloedh yw Duw a skians, ha ganso gwriansow yw poesys.