Jamys 4:5 - An Bibel Kernewek 20234 (Kernewek Kemmyn)

⁵ Po a dybowgh an skryptor dhe leverel yn euver, ‘Trohag avi y yeun an spyrys a wrug ev dhe driga ynnowgh.’

Jamys 4:5 Iomraidhean Croise

Jenesis 26:14

Hag ev a gavas flokkys a dheves ha greow a warthek ha gwesyon bals, ha'n Filistysi a borthas avi orto.

Jenesis 30:1

Pan welas Raghel na wrussa hi dineythi flogh dhe Yakob, Raghel a borthas avi orth hy hwoer ha leverel dhe Yakob, ‘Ro dhymmo mebyon, ken my a verow.’

Jenesis 37:11

Ha'y vreder a borthas avi orto; mes y das a withas an dra yn y vrys.

Jenesis 38:9

Mes Onan a wodhya na vedha an has y has ev, ytho pan eth a-bervedh dhe wreg y vroder ev a skoellyas y has dhe'n leur, ma na rolla has dh'y vroder.

Jenesis 6:5

Ha'n Arloedh a welas bos droktra mab-den bras war an nor ha nag o pub mynnas a dybyansow y golonn marnas drog pub dydh oll.

Jenesis 8:21

Ha'n Arloedh a vlasas an sawer plegadow, ha'n Arloedh a leveris yn y golonn, ‘Ny wrav vy mollethi an dor namoy drefenn mab-den; rag drog yw bodh kolonn mab-den a-dhia y yowynkneth. Ny wrav namoy gweskel pub tra vew, dell wrug vy.

Salmow 106:16

Hag i a borthas avi orth Moyses yn mysk an tyldow, hag orth Aron, sans an Arloedh.

Salmow 37:1

Na sorr drefenn an dhrogoberoryon; ha na borth avi orth an re a wra sherewneth.

Lavarow Koth 21:10

Enev an tebelwas a'n jeves hwans a dhrog; ny gyv y gentrevek mersi yn y dhewlagas.

Ekklesiastes 4:4

Ha my a welas oll an trobel hag oll an sleyghneth yn lavur ow tos dhiworth avi den erbynn y gentrevek. Hemma ynwedh yw euveredh ha chasya war-lergh an gwyns.

Ysay 11:13

Avi Efraym a dhiberth, hag eskerens Yuda a vydh treghys dhe-ves; Efraym ny berth envi a Yuda, ha Yuda ny arvedh Efraym.

Niverow 11:29

Mes Moyses a leveris dhodho, ‘A berthydh avi a'm govis vy? A pe pobel oll an Arloedh profoesa, may hworro an Arloedh y spyrys warnedha!’

Niverow 23:19

Nyns yw Duw gour, may wowleverro, na mab-den, may koettho yn edrek. A wrug ev leverel, ha ny'n gwra? Po a gewsis, ha ny'n kowlwra?

Yowann 10:35

Mar kwrug ev aga henwel duwow may teuth ger Duw dhedha (ha ny yll an skryptor bos terrys),

Yowann 19:37

Hag arta skryptor arall a lever, ‘I a vir warnodho neb a wansons.’

Yowann 7:42

A ny lever an skryptor, Krist dhe dhos a has Davydh, hag a Bethlehem, an dre mayth esa Davydh?’

Oberow 7:9

‘Ha'n ugheldasow, lenwys a avi, a werthas Yosep yn Ejyp; mes yth esa Duw ganso,

Romanyon 1:29

Gorlenwys ens a bub kammhynseth, droktra, krefni, atti. Leun a avi, moldra, strif, toell, spit, hwystroryon yns,

Romanyon 9:17

Rag an skryptor a lever dhe Faro, ‘My re'th sevis rag an keth tra ma may tiskwetthiv dhis ow galloes ynnos ha may fo dyllys ow hanow vy y'n norvys oll.’

1 Korinthianys 6:19

A ny wodhowgh hwi bos agas korf tempel an Spyrys Sans a-bervedh ynnowgh, hag a'gas beus dhiworth Duw? Ny berghennowgh agas honan;

2 Korinthianys 6:16

Ha py akord eus dhe dempel Duw gans idolys? Rag ni yw tempel an Duw bew, dell leveris Duw, ‘My a wra triga yn aga mysk, ha my a wra kerdhes yn aga mysk; aga Duw vydhav vy, hag ow fobel vydhons i.

Galatianys 3:8

Skryptor, ow ragweles Duw dhe justifia an Jentilys dre fydh, a dharganas an aweyl dhe Abraham: ‘An Jentilys oll a vydh benniges ynnos’,

Titus 3:3

Rag ni ynwedh o foll, diwostydh, toellys, kethwesyon dhe drokhwansow ha plesours divers, ow pewa yn atti hag avi, kasadow, hag ow kasa an eyl y gila.