Jamys 4:2 - An Bibel Kernewek 20234 (Kernewek Kemmyn)

² Yma hwans genowgh ha ny'gas beus. Hwi a ladh ha perthi avi heb galloes kavoes. Hwi a omladh ha breseli. Ny'gas beus rag na wovynnowgh.

Jamys 4:2 Iomraidhean Croise

1 Myghternedh 21:6

Ev a leveris dhedhi, ‘Drefenn my dhe gewsel orth Naboth an Yezreelyas ha leverel dhodho, “Ro dhymm dha winlann rag arghans; poken, mars yw gwell genes, my a re dhis ken winlann rygdhi”; mes ev a worthybis, “Ny rov ow gwinlann dhis.” ’

Lavarow Koth 1:19

Yndella yw fordhow pubonan hag yw hwansek dhe wayn anewn, henna a denn dhe-ves bewnans an re a'n pew.

Ekklesiastes 4:8

yma nebonan heb koweth, ny'n jeves naneyl mab na broder, ha nyns eus diwedh dhe oll y lavur, ha nyns yw y lagas gwalghys gans rychys. Ev a gyn, ‘Rag piw yth esov vy owth oberi, ha plesour ow fyllel dhe'm enev?’ Hemma ynwedh yw euveredh ha lavur beghus.

Ysay 7:12

Mes Ahaz a leveris, ‘Ny wovynnav, na ny vynnav previ an Arloedh.’

Habakkuk 2:5

Rychys ynwedh yw fals, ny dhur an den goethus, neb re ledanhas y vryansenn avel ifarn, ha kepar hag ankow na yll bos gwalghys, mes ev a guntell a-dro dhodho oll an kenedhlow, hag assembla dhodho oll an poblow.

Yowann 16:24

Bys lemmyn ny wovynnsowgh travyth y'm hanow vy; govynnewgh ha hwi a dhegemmer, rag may fo agas lowena kollenwys.

Yowann 4:10

Yesu a worthybis ha leverel dhedhi, ‘Mar kodhves ro Duw, ha piw yw neb a lever dhis, “Ro dhymm dhe eva”, ty a wrusses y bysi, hag ev a rossa dhis dowr bew.’

Jamys 1:5

Mes mar fyll furneth dhe nebonan ahanowgh, govynnes ev orth Duw a re dhe bub den yn hel, heb keredhi, hag y fydh res dhodho.

Jamys 5:6

Hwi re dhampnyas ha ladha an den gwiryon; ny sev ev orthowgh.

1 Yowann 3:15

Neb a gas y vroder, moldrer yw: hag y hwodhowgh na'n jeves moldrer vyth bewnans heb diwedh ow triga ynno.