Jamys 3:6 - An Bibel Kernewek 20234 (Kernewek Kemmyn)

⁶ Ha tan yw an taves, norvys kammhynseth. Settys yw an taves yn mysk agan eseli, ow mostya an korf dien hag ynflammya an ros a vewnans, ow kavoes y dan dhiworth ifarn.

Jamys 3:6 Iomraidhean Croise

2 Samuel 16:20

Ena yn-medh Absalom dhe Ahithofel, ‘Ro dhyn dha gusul; pandr'a wren?’

2 Samuel 19:43

Ha gwer Ysrael a worthybis gwer Yuda ha leverel, ‘Yma dhyn deg rann y'n myghtern, hag yn Davydh ynwedh yma dhyn moy titel agesowgh. Ytho prag y'gan dispresowgh? A nyns en ni an kynsa dhe gewsel a-dro dhe dhri dhe-dre agan myghtern?’ Mes geryow pobel Ysrael o moy fers ages geryow pobel Ysrael.

2 Kroniklys 13:17

Abia ha'y lu a's fethas gans ladhva veur; pymp kans mil wour dhewisys a Ysrael a goedhas ledhys.

Salmow 140:3

I re lymmas aga thaves avel sarf; yma venim nadres yn-dann aga diwweus. Sela.

Salmow 64:3

neb a lymmas aga thaves avel kledha, hag a dewlis lavarow hwerow avel sethow;

Lavarow Koth 15:1

Gorthyp medhel a dreyl konnar dhe-ves, mes ger tynn a dhre sorr yn-bann.

Lavarow Koth 16:27

Gour koeg a balas drog, ha war y dhiwweus yma kepar ha tan poeth.

Lavarow Koth 6:19

fals dhustunier hag a anell gow yn-mes, ha den neb a has diskord yntra breder.

Lavarow Koth 7:5

rag ma'th wittho dhiworth an venyn lows, dhiworth an venyn estren gans hy geryow smodh.

Ysay 30:27

Otta, hanow an Arloedh a dheu a bellder, gans sorr ow leski, ha gans mog tew ow mos yn-bann; y dhiwweus yw leun a sorrvann, ha'y daves yw avel tan ow tevorya.

Ysay 50:11

Mes hwi oll yw gwrioryon tan, neb a omwrogys gans yttewi. Kerdhewgh yn flamm agas tan hag yn mysk an yttewi re enowsowgh! Hemm yw an pyth a'gas bydh a'm dorn: Hwi a wrowedh yn tyller a dorment.

Yeremia 20:10

Rag my a glewas kabel lies huni: ‘Euth a bub tu! Kuhudh e, gwren y guhudha.’ Yth esa oll ow neskerens ow kwaytya my dhe drebuchya, ow leverel, ‘Martesen ev a vydh dynys, ha ni a wra y fetha, ha tyli agan dial warnodho.’

Yeremia 28:16

Ytho yndellma y lever an Arloedh: My a'th tewl a-dhiworth enep an nor. An vlydhen ma ty a verow, drefenn ty dhe dhyski rebellyans erbynn an Arloedh.

Levitikus 24:11

Ha mab an Ysraelyades a vlasfemyas an Hanow ha'y vollethi. I a'n dros dhe Moyses. Hanow y vamm o Shelomith, myrgh Dibri a loeth Dan.

Niverow 25:2

An re ma a elwis an bobel dhe sakrifisow aga duwow, ha'n bobel a dhybris, hag omblegya dh'aga duwow.

Niverow 31:16

Otta, an re ma a wrug dhe vebyon Ysrael, dre gusul Balaam, omdhegi yn tislel erbynn an Arloedh yn negys Peor, hag y teuth an pla yn mysk kuntelles an Arloedh.

Matthew 12:24

Mes an Fariseow pan y'n klewsons a leveris, ‘Ny dewl an den ma an dhywolow yn-mes saw dre Belzebul, pryns an dhywolow.’

Matthew 5:22

Mes my a lever dhywgh, Piwpynag a sorro orth y vroder heb ken dhe vos yn peryll a vreusyans, ha piwpynag a lavarro dh'y vroder, “Raka”, dhe vos yn peryll a'n Sanhedrin; mes piwpynag a lavarro, “Ty foll” dhe vos yn peryll a dan ifarn.

Mark 7:15

Nyns eus tra a'n tu a-ves dhe dhen, owth entra dhodho, a yll y dhefola, mes yth yw an taklow a dheu yn-mes anodho hag a wra defola an den.

Luk 16:24

Hag ev a elwis ha leverel, “A Das Abraham, kemmer truedh ahanav ha dannvon Lazarus rag may trogghyo bleyn y vys yn dowr ha yeynhe ow thaves, rag tormentys ov y'n flamm ma.”

Oberow 20:30

hag yn-mes a'gas mysk agas honan gwer a sev ow kewsel taklow gorth rag tenna dhe-ves an dhyskyblon war aga lergh.

Oberow 5:3

Mes yn-medh Peder, ‘Ananias, prag y lenwis Satnas dha golonn, rag leverel gow dhe'n Spyrys Sans ha kemmeres dhis dha honan rann a bris an tir?

Oberow 6:13

hag i a dhros fals dhustunioryon, neb a leveris, ‘Ny hedh an den ma kewsel geryow erbynn an tyller sans ma ha'n lagha.

Dewteronomi 13:6

Mara'th tynnyo yn-dann gel dha vroder, mab dha vamm, po dha vab, po dha vyrgh, po gwreg dha askra, po dha gothman yw kepar ha'th enev dha honan, ow leverel, ‘Deun ha servyn duwow erell’, na aswonnsys jy na'th tasow,

Titus 1:11

Res yw gul tewel dhedha, neb a dhomhwel teyluyow dien ow tyski dhedha taklow na dhegoedh rag krefni plos.

Jamys 2:7

A ny vlasfemyons i an hanow da a veu gelwys warnowgh?

Jamys 3:7

Pub eghenn a vest hag edhen, a bryv ha bestes morek yw dovhes ha re beu dovhes gans mab-den,

2 Peder 3:3

Godhvydhewgh hemma kyns oll: y'n dydhyow diwettha y hwra dos gesyoryon ow kul ges, ow kerdhes war-lergh aga drokhwansow i,

3 Yowann 1:10

Ytho mar tov, my a berth kov a'n pyth usi ev ow kul, ow trogleverel er agan pynn gans geryow gwag. Heb bos pes da gans henna, ev y honan a skon wolkomma an vreder, hag a dhifenn an re a'n jeves hwans dh'aga wolkomma hag ev a's tewl yn-mes a'n eglos.

Diskwedhyans 12:9

Ha'n dhragon veur a veu tewlys yn-nans, an sarf goth neb yw gelwys an Jowl, ha Satnas, neb a doell oll an bys: ev a veu tewlys yn-nans bys y'n dor, ha'y eledh a veu tewlys yn-nans ganso.

Diskwedhyans 13:14

Hag ev a doell an drigoryon war an bys der an toknys a veu res dhodho dhe wul a-dherag an best; ow leverel dhe'n re a drig war an bys may hwrellens imaj dhe'n best a veu goliys der an kledha hag a vewa.

Diskwedhyans 18:23

ha golow kantol ny splann ynnos namoy; ha lev an gour pries ha'n venyn bries ny vydh klewys ynnos namoy, rag dha wikoryon a veu tus meur aga bri y'n norvys, rag oll kenedhlow a veu toellys gans dha bystri.

Diskwedhyans 19:20

Ha'n best a veu kemmerys, ha ganso an fals profoes a wrug sinys a-dheragdho, may toellas neb re dhegemmersa merk an best ha neb a wordhya y imaj. An dhew ma a veu tewlys, bew, yn lynn tan ow leski gans loskven.