Jamys 3:5 - An Bibel Kernewek 20234 (Kernewek Kemmyn)

⁵ Yndella an taves ynwedh yw esel byghan hag a vost taklow bras. Otta, ass yw byghan an tan, hag ass yw bras an koes a vydh leskys ganso!

Jamys 3:5 Iomraidhean Croise

Job 22:17

I a leveris dhe Dhuw, “Gas ni yn kres!” ha “Pandr'a yll an Ollgalloesek gul dhyn?”

Salmow 10:3

Rag an tebelwas a vost a vynnas y enev, ev a vennik an den yw kraf rag gwayn anewn, ha dispresya an Arloedh.

Salmow 17:10

I a vayl aga holonn gans blonek; gans aga ganow i a gews yn hwoethus.

Salmow 39:1

Yn-medhav, ‘My a with ow fordhow rag na begghiv gans ow thaves; my a with ow ganow gans fronn hedre vo an tebelwas y'm gwel.’

Eksodus 15:9

‘An eskar a leveris, “My a wra siwya, my a wra tremena, my a rann an preydh, ow hwans a vydh lenwys gansa. My a denn ow kledha, ow dorn a wra aga distrui.”

Eksodus 5:2

Mes Faro a leveris, ‘Piw yw an Arloedh may koelliv orth y lev ha gasa Ysrael dhe vones? Ny aswonnav an Arloedh, ha dhe voy ny asav Ysrael dhe vones.’

Lavarow Koth 12:18

Kows dibreder yw avel strokosow a gledha, mes taves tus fur a dhre yeghes.

Lavarow Koth 15:2

Taves tus fur a afin godhvos, mes ganow an re foll a dhiver follneth.

Lavarow Koth 18:21

Yma mernans ha bewnans yn galloes an taves, ha keniver a'n karro a dheber y froeth.

Lavarow Koth 26:20

Rag fowt keunys, tan a verow, ha le ma nag eus kyhwedhler, strif a hedh.

Yeremia 18:18

Ena i a leveris, ‘Dewgh, ha tewlel towlow erbynn Yeremia; rag ny vydh kellys an lagha dhiworth an oferyas, na kusul dhiworth an re fur, na'n ger dhiworth an profoes. Dewgh ha'y weskel gans an taves, ha na woslowyn dhe nagonan a'y eryow.’

Ezekiel 28:2

Mab den, lavar dhe bennsevik Tyr, Yndellma y lever an Arloedh Duw: Drefenn goeth dha golonn, ty a lever, ‘My yw duw, owth esedha war dron duwow yn kolonn an moryow.’ Mes den osta a-der duw, kyn settydh dha golonn avel kolonn duw.

Ezekiel 29:3

Kows ha lavar, Yndellma y lever an Arloedh Duw: Otta, yth esov er dha bynn, A Faro myghtern Ejyp, an dhragon vras ow krowedha yn mysk hy avonyow, neb a leveris dhymm, ‘Dhymmo vy yw ow Nil; my a'n gwrug ragov vy ow honan.’

Daniel 3:15

Lemmyn, mars owgh hwi parys orth an keth prys na pan glewowgh an korn, an pib, an gyttrens, an krowd, an sowtri, an pibow-sagh ha pub sort a venestrouthi, dhe goedha dhe'n leur ha gul gologhas dhe'n delow a wrug vy, da yw hemma: mes mar ny wrewgh gologhas, y fydhowgh tewlys an keth eur na yn kres fornes a dan ow flammya; ha py par duw ywa a'gas delirv mes a'm dorn?’

Daniel 4:30

An myghtern a gewsis ow leverel, ‘A nyns yw homma Babylon veur, hag a dhrehevis vy avel chi ryel dre nerth ow galloes, ha rag enor ow meuredh?’

Jamys 3:4

Mirewgh orth an gorholyon ynwedh. Mar vras kyn fons i ha herdhys gans gwynsow krev, lewys yns i gans lew pur vyghan ple fo ervirys gans an lewyader.

2 Peder 2:18

Rag ow kewsel gans bostyans euver, i a dhyn gans drokhwansow direwl an kig an re na dhiank skant dhiworth an dus a vew yn maner bodrek.

Lyther Yud 1:16

An re ma yw grolyogyon grodhek, omres dh'aga flesours aga honan, ha'ga ganow yw leun a vostyans, ow favera tus rag gwayn.