Jamys 3:17 - An Bibel Kernewek 20234 (Kernewek Kemmyn)

¹⁷ Mes an furneth a-wartha yw kyns oll glan, ena ow kara kres, klor, es y berswadya, leun a versi ha frut da, heb faverans, heb falsuri.

Jamys 3:17 Iomraidhean Croise

1 Myghternedh 3:12

my a wra lemmyn herwydh dha er. Yn tevri, my a re dhis kolonn fur ha meur hy honvedhes; nyns esa denvyth avellos a-ragos ha ny sev denvyth avellos war dha lergh.

1 Myghternedh 3:28

Ysrael oll a glewas a'n vreus re rosa an myghtern; hag i a ownas an myghtern, drefenn i dhe weles bos furneth Duw ynno, dhe wul barn.

1 Myghternedh 3:9

Ro dhe'th was ytho kolonn a yll konvedhes rag barna dha bobel ha dissernya yntra da ha drog; rag piw a yll barna dha bobel mar veur ma?’

1 Kroniklys 22:12

Re wrontyo an Arloedh dhis furneth ha konvedhes may hwitthi lagha an Arloedh dha Dhuw pan re ev dhis charj war Ysrael.

1 Kroniklys 22:9

Awotta, mab a vydh genys dhis; ev a vydh gour a bowes ha my a re dhodho powes dhiworth oll y eskerens a-dhedro. Y hanow a vydh Solomon, ha my a re kres ha diogeledh dhe Ysrael yn y dhydhyow.

Job 28:12

‘Mes ple kevir furneth? Ha ple'ma tyller konvedhes?

Job 28:23

‘Duw a gonvedh an hyns dhedhi, hag ev a woer hy thyller,

Job 28:28

Hag ev a leveris dhe vab-den, “Otta, own an Arloedh – furneth yw henna; ha skonya drog yw konvedhes.” ’

Eksodus 36:2

Ha Moyses a elwis Besalel hag Oholiab ha pub krefter konnyk ynno may hworras Duw godhvos yn y golonn, peub a vo kolonnek, dhe dhos dhe wul an ober;

Lavarow Koth 2:6

Rag an Arloedh a re furneth, a'y anow y teu godhvos ha konvedhes,

Ysay 2:4

Ev a vydh breusydh ynter an kenedhlow, ha mayner rag lies pobel. I a wysk aga kledhedhyow yn soghyow, ha'ga guwow yn higow-skethra. Ny dhrehav kenedhel kledha erbynn kenedhel, ha ny dhyskons gwerrya namoy.

Ysay 32:6

Rag an foll a gews follneth, ha' y golonn a wra droktra: ev a wra taklow didhuw, ow kewsel falsuri a-dro dhe'n Arloedh, ow kul gwag enev an den nownek hag ow skonya ri dowr dhe'n den mayth eus syghes dhodho.

Ysay 40:11

Avel bugel ev a vag y flokk; gans y vregh ev a guntell y eyn ha'ga doen yn y askra; ev a hembronk yn hwar an re usi ow ri bronn.

Daniel 1:17

Dhe'n peswar mab ma, Duw a ros dyskans ha skians yn pub lyenn ha furneth; ha Daniel a gonvedhi pub gwelesigeth ha hunros.

Malaki 2:9

Ytho my a'gas kawsyas dhe vos dispresys hag iselhes a-rag oll an bobel, a-ban na withsowgh ow fordhow mes hwi a dhiskwa faverans y'n lagha.

Malaki 3:3

Ev a esedh dhe lanhe ha dhe burhe arghans; ev a wra glanhe mebyon Levi hag ev a's purha avel owr hag arghans, hag i a dhre dhe'n Arloedh offrynn yn ewnder.

Matthew 23:28

Yndellma ynwedh hwi yw gwiryon agas semlans war-ves a-wel dhe dus, mes war-ji yth owgh leun a falsuri ha fara dilagha.

Matthew 5:8

‘Gwynn aga bys an re pur aga holonn, rag i a wel Duw.

Matthew 5:9

‘Gwynn aga bys gwrioryon kres, rag i a vydh gelwys fleghes Duw.

Luk 21:15

rag my a re dhywgh ganow ha furneth ma na yll oll agas erbynnoryon sevel er agas pynn na'gas kontradia.

Luk 6:36

Bedhewgh truedhek, kepar dell yw agas Tas ynwedh truedhek.

Yowann 1:14

Ha'n Ger a veu gwrys kig hag a drigas yn agan mysk, ha ni a welas y wolewder, golewder avel dhe'n unn Vab dineythys a'n Tas, leun a ras hag a wirder.

Yowann 1:47

Yesu a welas Nathanael ow tos dhodho hag yn-medh ev anodho, ‘Awotta Ysraelyas yn hwir, ma nag eus ynno gil!’

Oberow 11:24

rag gour da o, leun a'n Spyrys Sans hag a fydh. Ha niver meur a dus a veu keworrys dhe'n Arloedh.

Oberow 9:36

Lemmyn yn Yoppa yth esa unn dhyskybles henwys Tabitha, henn yw dhe styrya Dorkas; an venyn ma o leun a oberow da hag a rians alusenow.

Romanyon 12:18

Mar kyllir, myns may hyllowgh, ow hwilas kres gans tus oll.

Romanyon 12:9

Gwres kerensa bos gwiryon; kesewgh an drog, glenewgh orth an da;

Romanyon 15:14

Ha surhes ov ow honan, ow breder, yn agas kever, hwi ynwedh dhe vos leun a dhader, lenwys a bub godhvos, had abel dhe ri kusul an eyl dh'y gila.

1 Korinthianys 12:8

Rag dhe onan yw res der an Spyrys lavar a skentoleth, dhe onan arall lavar a wodhvos herwydh an keth Spyrys,

2 Korinthianys 10:1

My ow honan, Powl, a'gas pys dre glorder ha jentilys Krist, my neb yw uvel pan esov fas orth fas yn agas mysk mes hardh dhywgh pan esov dhe-ves ahanowgh:

2 Korinthianys 6:6

yn glander, yn godhvos, yn perthyans, yn kuvder, y'n Spyrys Sans, yn kerensa wiryon,

2 Korinthianys 7:11

Otta lemmyn, an keudh duwek ma, dredho pana frethter a veu oberys ynnowgh, pana omaskusyans, pana sorrvann, pana own, pana hwans ter, pana dhiwysygneth, pana gessydhyans. Yn pup-tra hwi re ombrovas ankablus y'n mater ma.

2 Korinthianys 9:10

Lemmyn ev, neb a brovi has dhe'n gonador, a wra provia bara rag boes ha palshe agas has ha kressya trevas agas ewnder;

Efesianys 5:9

(rag yma frut an golow yn oll dader hag ewnder ha gwirder),

Filippianys 1:11

lenwys a frut ewnder dre Yesu Krist dhe wordhyans ha gormola Duw.

Filippianys 4:8

Wor'tiwedh, a vreder, pypynag a vo gwir, pypynag a vo onest, pypynag a vo gwiryon, pypynag a vo glan, pypynag a vo plegadow, pypynag a vo gerys-da, mars eus vertu, mars eus gordhyans, prederewgh a'n taklow ma.

Kolossianys 1:10

dhe gerdhes gwiw dhe'n Arloedh, ow plegya yn tien, ow toen frut yn pub ober da hag ow tevi yn aswonnvos Duw,

1 Thessalonianys 2:7

kyn hyllyn poesa warnowgh avel abesteli Krist. Mes klor en ni yn agas mysk kepar ha mammeth ow chershya hy fleghes.

1 Timothi 5:21

My a'th charj a-dherag Duw ha Krist Yesu ha'n eledh dewisys may synsi an taklow ma heb ragvreus, heb gul travyth dre faverans.

2 Timothi 2:24

Ny goedh dhe was an Arloedh kedrynna, mes bos kuv orth pub den, yn dyskador da, meur y berthyans,

Titus 1:15

Pup-tra yw glan dhe'n re yw glan, mes dhe'n re yw legrys ha diskryjyk, nyns yw travyth glan, mes legrys yw ha'ga brys ha'ga howses.

Titus 3:2

heb leverel drog a dhenvyth, heb kedrynna, klor, hag ow tiskwedhes pub uvelder dhe dus oll.

Ebrowyon 12:11

Rag a-lemmyn pub dyskybleth a hevel ken a dhuwon, a-der ken a lowena; wortiwedh y teg frut a gres hag a ewnder dhe'n re yw dyskys ganso.

Ebrowyon 12:14

Hwilewgh kres gans an dus oll ha'n sansoleth, ma na wra denvyth gweles an Arloedh hebdhi.

Jamys 1:17

Pub ro da ha pub ro perfydh a dhiyskynn dhiworth a-wartha, ow tos yn-nans dhiworth an Tas a wolowys ha nyns eus chanj na skeus treylyans ganso.

Jamys 1:5

Mes mar fyll furneth dhe nebonan ahanowgh, govynnes ev orth Duw a re dhe bub den yn hel, heb keredhi, hag y fydh res dhodho.

Jamys 2:13

Rag an vreus a vydh heb tregeredh dhe neb na dhiskwa tregeredh. Tregeredh a drygh war vreus.

Jamys 2:4

a ny wrussowgh dissernya yntredhowgh ha mos ha bos breusydhyon drog agas prederow?

Jamys 3:15

Nyns yw hemma furneth a dhiyskynn a-wartha, mes a'n bys, anspyrysel, dyowlek yw.

Jamys 4:8

Dewgh nes dhe Dhuw, hag ev a dheu nes dhywgh hwi. Glanhewgh agas diwla, a beghadoryon, ha purhewgh agas kolonn, a dus dewblek agas brys.

1 Peder 1:22

Wosa glanhe agas enev der wostytter dhe'n gwir, dhe gerensa broder heb fayntys, kerewgh an eyl y gila yn tiwysyk, yn-mes a golonn lan.

1 Peder 2:1

Ytho, gorrewgh dhe-ves pub drog ha pub toell ha falsuri hag avi ha pub kabel.

1 Peder 2:18

Kethwesyon, bedhewgh gostydh yn pub own dh'agas mestrysi, dhe'n re da ha meur aga godhevyans, mes dhe'n re dhignas ynwedh.

1 Yowann 3:18

A fleghigyow, na geryn yn ger nag yn taves, mes yn ober hag yn gwirder.

1 Yowann 3:3

Ha pub den a'n jeves an govenek ma ynno a omlanha, poran dell yw ev glan.