Jamys 3:15 - An Bibel Kernewek 20234 (Kernewek Kemmyn)

¹⁵ Nyns yw hemma furneth a dhiyskynn a-wartha, mes a'n bys, anspyrysel, dyowlek yw.

Jamys 3:15 Iomraidhean Croise

2 Samuel 13:3

Mes yth esa dhe Amnon koweth ha'y hanow Yonadab mab Shimea, broder Davydh; ha Yonadab o gour pur fel.

2 Samuel 15:31

Lemmyn y feu derivys dhe Davydh bos Ahithofel yn mysk an vrasoryon gans Absalom. Ytho Davydh a leveris, ‘A Arloedh, my a'th pys, treyl kusul Ahithofel dhe follneth.’

2 Samuel 16:23

Lemmyn y'n dydhyow na kusul Ahithofel o par dell wovynnir orth Duw; yndella yth o oll kusul Ahithofel gans Davydh ha gans Absalom.

Yeremia 4:22

‘Rag ow fobel yw foll, ny'm aswonnsons; fleghes wokki yns, ny's teves konvedhes: konnyk yns dhe wul drogober, mes dhe wul da ny's teves skentoleth.’

Luk 16:8

Ha'n mester a gommendyas an rennyas dislel, rag ev dhe wul yn fur. Rag mebyon an bys ma yw moy doeth a-dro dh'aga hevoesogyon es dell yw mebyon an golow.

Yowann 3:17

‘Rag ny dhannvonas Duw y Vab a-bervedh y'n bys rag breusi an bys, mes may fe an bys selwys dredho.

Yowann 8:44

Hwi yw dhiworth agas tas an jowl, ha hwi a vynn gul hwansow agas tas. Ev a veu denledhyas a'n dalleth ha ny sevis y'n gwir, rag nyns eus gwiryonedh ynno. Pan lever gow, ev a lever a'y gnas y honan, rag gowleveryas yw ev, ha tas gowyow.

Oberow 13:10

‘A, lenwys a bub toell hag a bub frows, mab an jowl, eskar pub ewnder, a ny vynn'ta hedhi, kamma fordhow ewn an Arloedh?

Romanyon 1:22

Owth omwul fur, gyllys foll ens,

1 Korinthianys 1:27

mes Duw a dhewisas an traow yw foll y'n bys rag tyli moethow war an dus skentel; Duw a dhewisas an traow yw gwann y'n bys rag gul bismer dhe'n re grev;

1 Korinthianys 2:14

Den anspyrysel ny dhegemmer traow an Spyrys, rag dhodho follneth yth yns i, ha ny yll ev aga honvedhes, drefenn aga bos aswonnys dre spyrys.

1 Korinthianys 3:19

Rag skentoleth an bys ma yw follneth gans Duw. Rag skrifys yw, ‘Ev a vagel an dus skentel yn aga felder’,

1 Korinthianys 3:3

rag hwath a'n kig yth owgh. Rag a-ban eus avi ha kedrynn yn agas mysk, a nyns owgh hwi a'n kig, hag a nyns esowgh hwi owth omdhegi kepar ha tus kemmyn?

2 Korinthianys 1:12

Lemmyn, hemm yw agan bost, dustuni agan kowses, ni dhe omdhegi y'n bys yn sempledh ha gwiryonsys Duw, heb skentoleth an kig mes dre ras Duw, ha dres oll orthowgh hwi.

2 Korinthianys 11:3

Mes yma own dhymm, par dell doellas an sarf Eva der y felder, yma own dhymm bos agas brysyow dynys yn neb fordh dhiworth an sempledh ha'n lenduri usi yn Krist.

Filippianys 3:19

Aga diwedh yw diswrians, aga duw yw an dorr, hag yma aga glori yn aga meth, gorrys aga brys war daklow an dor.

2 Thessalonianys 2:9

ha'y dhevedhyans a vydh herwydh oberyans Satnas, gans oll galloes ha toknys ha marthusyon fals,

1 Timothi 4:1

An Spyrys a lever yn tiblans re dhe asa an fydh yn termynyow diwettha ha gul vri a fals spyrysyon ha dyskasow dywolow;

Jamys 1:17

Pub ro da ha pub ro perfydh a dhiyskynn dhiworth a-wartha, ow tos yn-nans dhiworth an Tas a wolowys ha nyns eus chanj na skeus treylyans ganso.

Jamys 1:5

Mes mar fyll furneth dhe nebonan ahanowgh, govynnes ev orth Duw a re dhe bub den yn hel, heb keredhi, hag y fydh res dhodho.

Jamys 3:17

Mes an furneth a-wartha yw kyns oll glan, ena ow kara kres, klor, es y berswadya, leun a versi ha frut da, heb faverans, heb falsuri.

Lyther Yud 1:19

An re ma yth yw, neb a wra folsyow, tus a'n bys ma heb bos dhedha an Spyrys.

Diskwedhyans 12:9

Ha'n dhragon veur a veu tewlys yn-nans, an sarf goth neb yw gelwys an Jowl, ha Satnas, neb a doell oll an bys: ev a veu tewlys yn-nans bys y'n dor, ha'y eledh a veu tewlys yn-nans ganso.

Diskwedhyans 2:24

Mes dhywgh hwi y lavarav, ha dhe'n re erell yn Thyatira, dhe vyns na'n jeffo an dyskas ma, na wodhva, dell leverons, downderyow Satnas: ny worrav warnowgh begh arall.

Diskwedhyans 9:11

Yma myghtern a-ughta i, yw el an pytt diwoeles, yn Ebrow Abaddon y hanow, hag yn Greka Apollyon.