Jamys 3:1 - An Bibel Kernewek 20234 (Kernewek Kemmyn)

¹ Na vedhewgh meur ahanowgh dyskadoryon, ow breder. Hwi a woer ni, an dhyskadoryon dhe dhegemmeres breus poessa.

Jamys 3:1 Iomraidhean Croise

Levitikus 10:3

Ena yn-medh Moyses dhe Aron, ‘Hemm yw an pyth a gewsis an Arloedh anodho, ow leverel, “My a vydh sanshes der an re a dheu nes dhymm, ha my a vydh glorifiys dherag oll an bobel.” ’ Hag Aron a dewis.

Malaki 2:12

An Arloedh re droggho dhe-ves a-dhiworth tyldow Yakob an gour a wra hemma, an test ha'n pledyas, hag ev neb a dhre offrynn dhe Arloedh an luyow.

Matthew 10:24

‘Nyns yw dyskybel a-ugh y vester na kethwas a-ugh y arloedh.

Matthew 23:13

‘Go-hwi, skribys ha Fariseow, falswesyon, rag hwi a dhege gwlaskor nev erbynn tus; rag nyns ewgh agas honan a-bervedh ynno na ny esowgh dhe vones a-bervedh an re a vynn entra.

Matthew 23:14

‘Go-hwi, skribys ha Fariseow, falswesyon, rag hwi a lenk chiow gwedhwesow, hag yn fayntys hwi a wrewgh pysadow hir; rakhenna y kevowgh breus dhe voy tynn.

Matthew 9:11

Ha'n Fariseow pan y'n gwelsons a leveris dh'y dhyskyblon, ‘Prag y teber agas Mester gans tolloryon ha peghadoryon?’

Luk 16:2

Hag ev a'n gelwis ha leverel dhodho, “Pyth yw hemma a glewav a-dro dhis? Ro akont a'th charj, rag ny yllydh bos rennyas namoy.”

Luk 6:37

‘Na vreusewgh, ha ny vydhowgh breusys; na dhampnyewgh, ha ny vydhowgh dampnys; gevewgh hag y fydh gevys dhywgh.

Yowann 3:10

Yesu a worthybis ha leverel dhodho, ‘Osta dyskador dhe Ysrael ha ny wodhes an taklow ma?

Oberow 13:1

Lemmyn y'n eglos yn Antiogh yth esa profoesi ha dyskadoryon, Barnabas, Simeon henwys Niger, Lukius a Kyrene ha Manaen koweth Herod an tetrargh a'y flogholeth, ha Sowl.

1 Korinthianys 12:28

Ha Duw re ordenas y'n eglos, kynsa abesteli, nessa profoesi, tressa dyskadoryon, ena galloes dhe oberi merklys, ena rohow a yaghheans, a ri sokor, a venystra, a dhivers tavosow.

2 Korinthianys 5:10

Rag y telledh ni oll dhe omdhiskwedhes a-rag barr Krist, may tegemmerro kettep penn an pyth a goedh dhodho herwydh an traow gwrys, hag ev y'n korf, po da po drog.

Efesianys 4:11

Hag ev a ros re dhe vos abesteli, re profoesi, re aweylers, re bugeledh ha dyskadoryon,

1 Timothi 1:7

hwansek dhe vos dyskadoryon a'n lagha heb konvedhes pandr'a leverons na'n taklow hag a gewsons mar hardh a-dro dhedha.

1 Timothi 2:7

Rakhenna my a veu ordenys herot hag abostol (an gwir a gowsav, nyns esov ow gowleverel), dyskador an Jentilys yn fydh ha gwiryonedh.

2 Timothi 1:11

rygdhi may feuv vy gwrys herot hag abostol ha dyskador.

Ebrowyon 13:17

Bedhewgh gostydh dh'agas hembrenkysi hag uvel dhedha; rag ymons i ow kwitha war agas enev, avel tus a goedh ri akont; gesewgh i dhe wul hemma yn lowen, heb kyni yn tristans, rag ny via henna dh'agas les.

Jamys 1:16

Na vedhewgh toellys, ow breder veurgerys.

Jamys 1:19

Godhvydhewgh hemma, ow breder veurgerys. Bedhes pub den skav dhe glewes, lent dhe gewsel, lent dhe serri.

Jamys 3:10

Yn-mes a'n keth ganow y teu ha bennath ha molleth. Nyns yw gwiw, ow breder, an taklow ma dhe hwarvos yndella.

1 Peder 5:3

heb lordya war an re a withowgh, mes yn ensamplys dhe'n flokk,