Jamys 2:20 - An Bibel Kernewek 20234 (Kernewek Kemmyn)

²⁰ A vynn'ta godhvos, a dhen koeg, bos euver fydh heb gwriansow?

Jamys 2:20 Iomraidhean Croise

Lavarow Koth 12:11

Neb a wonedh y dir a'n jevydh meur a vara, mes neb a hol gweythresow euver ny'n jeves skians.

Yeremia 2:5

Yndellma y lever an Arloedh Pana dhrogober re gavas aga thasow ynnov, mayth ens gyllys pell ahanav, ha may kerdhsons war-lergh euveredh, ha devedhys ha bos euver vons?

Romanyon 1:21

rag kynth aswonnens Duw ny'n gormolens na ny aswonnens grasow dhodho avel Duw, mes euver y teuthons ha bos yn aga thybyansow ha tewlhes veu aga holonn dalsogh.

Romanyon 3:28

Rag ni a syns den dhe vos justifiys dre fydh a-der der oberow an lagha.

Romanyon 9:20

Mes piw os jy, den, dhe worthybi dhe Dhuw? A lever an dra formys dh'y formyer, ‘Prag y'm gwrussys yndella?’

Galatianys 5:6

Rag yn Krist Yesu ny wrer fors a drodreghyans nag a antrodreghyans, mes a fydh owth oberi dre gerensa.

Galatianys 6:3

Rag mar tyb neb den y vos neppyth pan nag yw ev travyth, ev a omdoell.

Kolossianys 2:8

Bedhewgh war na wrello denvyth agas kemmeres yn keth dre filosofi ha toell gwag, war-lergh hengov mab-den, war-lergh elvennow an bys, a-der war-lergh Krist;

1 Timothi 1:6

Yma tus ow mos yn sowdhan dhiworth an taklow ma, re dreylyas dhe gows euver,

Titus 1:10

Rag yma lies den heb rewl a gews yn euver hag yn hwowek, dres oll tus an trodreghyans.

Jamys 1:26

Mars eus neb den a breder y vos kryjyk, heb fronna y daves, mes ow toella y golonn ev, koeg yw kryjyans an den ma.

Jamys 2:17

Yndella ynwedh, fydh hy honan, mar nyns eus gwriansow gensi, marow yw.

Jamys 2:26

Rag kepar dell yw an korf marow heb spyrys, yndella ynwedh, marow yw fydh heb gwriansow.