Jamys 1:9 - An Bibel Kernewek 20234 (Kernewek Kemmyn)

⁹ Mes gwres bostya an broder uvel yn y ughelder,

Jamys 1:9 Iomraidhean Croise

Salmow 62:9

Yn tevri, euveredh yw tus isel, ha tus ughel yw gow; y'n vantol yth ons i war-vann, skaffa yns i es euveredh.

Lavarow Koth 17:5

Neb a skorn an boghosek a arvedh y Wrier; neb a lowenha pan wel terroes tus erell ny vydh divlam.

Lavarow Koth 19:1

Gwell yw den boghosek hag a gerdh yn ewnhynsek, ages den yw treus yn y gows hag yw foll.

Ysay 29:19

Arta an re uvel a's tevydh lowena y'n Arloedh, ha'n voghosogyon a lowenha yn Sans Ysrael.

Luk 1:52

Ev re worras tus alloesek dhe'n leur dhiworth aga seow, ha re dhrehevis an re uvel.

Luk 10:20

Byttegyns na lowenhewgh yn henna, an spyrysyon dhe vos gorrys yn-dannowgh, mes lowenhewgh rag agas henwyn dhe vos skrifys y'n nevow.’

Luk 14:11

Rag peub neb a omughelha a vydh dres isel, ha neb a omiselha a vydh ughelhes.’

Luk 9:48

ha leverel dhedha, ‘Neb a dhegemmerro an flogh ma yn ow hanow vy a'm degemmer vy; ha neb a'm degemmerro vy, a'n degemmer ev neb a'm dannvonas; rag neb yw an byghanna yntredhowgh, meur yw ev.’

Romanyon 8:17

ha mars on ni fleghes, ytho heryon, heryon a Dhuw ha kes-heryon a Grist, mar kodhevyn ganso rag may fyn ni ynwedh kevrennek a'y wolewder.

2 Korinthianys 6:10

keudhys, hwath prest ow lowenhe; boghosek, hwath ow kul dhe lies bos rych; heb travyth, hwath ni a bew pup-tra.

Dewteronomi 15:11

Rag an boghosek ny hedh yn-mes a'n tir. Rakhenna my a worhemmynn dhis, ‘Igor dha leuv a-les dhe'th vroder, dhe'th edhommek ha dhe'th voghosek y'th tir.’

Dewteronomi 15:7

Mars eus yntredhowgh boghosek a onan a'th vreder yn onan a'th yetys y'th tir a wra an Arloedh dha Dhuw y ri dhis, na galesha dha golonn ha na dhege dha leuv dhiworth dha vroder boghosek,

Dewteronomi 15:9

Kemmer with na vo drokpreder y'th kolonn, ow leverel, ‘An seythves blydhen re dheuth nes, blydhen an gevyans’, ha rakhenna dha lagas a vydh drog erbynn dha vroder boghosek, ha ny redh dhodho; hag ev a elow er dha bynn war an Arloedh, hag y fydh peghes ynnos.

Filippianys 3:14

my a striv troha'n peul-diwedh rag gober an galow yn-bann a Dhuw yn Krist Yesu.

Filippianys 3:3

Rag yth on ni an gwir drodreghyans, neb a wra gordhya dre Spyrys Duw ha bostya yn Krist Yesu, heb trestya y'n kig –

1 Peder 2:9

Mes hwi yw agh dhewisys, oferyaseth ryel, kenedhel sans, pobel arbennik dhodho, may hyllowgh deklarya an gwriansow marthys a neb a'gas gelwys yn-mes a dewlder a-bervedh yn y wolow marthys.

Diskwedhyans 2:9

‘My a aswonn dha wriansow ha'th halar ha'th voghosogneth (mes rych osta) ha my a aswonn blasfemi an re a lever aga bos Yedhewon, heb bos yndella, mes synaga Satnas yns i.

1 Samuel 2:8

Ev a dhrehav an den gwann yn-mes a'n doust; ev a dhrehav an boghosek yn-mes a'n lusuek, dh'aga settya gans pennsevigyon, ha gul dhedha erita tron a enor. Rag yma selyow an norvys dhe'n Arloedh, hag ev re settyas an norvys warnedha.