Jamys 1:22 - An Bibel Kernewek 20234 (Kernewek Kemmyn)

²² Bedhewgh gwrioryon a'n ger, heb bos goslowysi yn unnsel, owth omdoella.

Jamys 1:22 Iomraidhean Croise

Ysay 44:20

Ev a beur war lusu, kolonn doellys re'n kammhembronkas, ha ny'n jeves delivra y enev na leverel, ‘A nyns eus gow y'm leuv dhyghow?’

Yeremia 11:6

Ena an Arloedh a leveris dhymm, Galw an geryow ma yn sitys Yuda, hag y'n stretow Yerusalem, ow leverel, Klewewgh geryow an kevambos ma, ha'ga gul.

Obadia 1:3

Goeth dha golonn re'th toellas, ty neb eus trigys ughel yn savnow an garrek, y drigva y'n ughelder, ow leverel y'th kolonn, ‘Piw a'm dre yn-nans dhe'n dor?’

Matthew 12:50

rag seul a wrello bodh ow Thas eus y'n nevow, an keth henna yw ow broder ha'm hwoer ha'm mamm.’

Matthew 28:20

ha'ga dyski dhe witha pup-tra oll a worhemmynnis vy dhywgh; hag awotta, yth esov genowgh pup-prys bys worfenn bys.’

Luk 11:28

Mes ev a leveris, ‘Kyns, gwynnvys an re a glew ger Duw ha'y witha.’

Yowann 13:17

Mar konvedhowgh an taklow ma, gwynn agas bys mara's gwrewgh.

Romanyon 2:13

Rag nyns yw goslowysi an lagha hag yw justifiys a-rag Duw, mes gwrioryon an lagha hag a vydh prevys ewn.

1 Korinthianys 15:33

Na vedhewgh toellys: ‘Drok-keskowethyans a shynd norter da.’

1 Korinthianys 3:18

Na omdoelles denvyth; nebonan ahanowgh mar tesev y vos skentel y'n oes ma, des ha bos foll, may teffo ha bos skentel.

1 Korinthianys 6:9

A ny wodhowgh hwi na wra drogoberoryon erita gwlaskor Duw? Na vedhewgh toellys! Na tus dhijast, na gordhyoryon idolys, nag avoutroryon, na'n re vedhel, na kethreydhelogyon,

Galatianys 6:3

Rag mar tyb neb den y vos neppyth pan nag yw ev travyth, ev a omdoell.

Galatianys 6:7

Na vedhewgh toellys: ny vydh Duw skornys. Rag pypynag a wra den y hasa, an keth henna a wra ev y vysi;

Filippianys 4:8

Wor'tiwedh, a vreder, pypynag a vo gwir, pypynag a vo onest, pypynag a vo gwiryon, pypynag a vo glan, pypynag a vo plegadow, pypynag a vo gerys-da, mars eus vertu, mars eus gordhyans, prederewgh a'n taklow ma.

Kolossianys 3:17

Ha pup-tra oll a wrewgh yn ger po yn gwrians, gwrewgh pup-tra yn hanow an Arloedh Yesu, ow krassa dhe Dhuw an Tas dredho ev.

2 Timothi 3:13

Mes tus dhrog ha faytours a wra mos yn-rag gweth ha gweth ow toella, hag ow pos toellys.

Titus 3:3

Rag ni ynwedh o foll, diwostydh, toellys, kethwesyon dhe drokhwansow ha plesours divers, ow pewa yn atti hag avi, kasadow, hag ow kasa an eyl y gila.

Jamys 1:26

Mars eus neb den a breder y vos kryjyk, heb fronna y daves, mes ow toella y golonn ev, koeg yw kryjyans an den ma.

Jamys 4:11

Na wrewgh kewsel an eyl erbynn y gila, a vreder. Neb a gews erbynn broder po a vreus y vroder a gews erbynn an lagha hag a vreus an lagha; ha mar preusewgh an lagha, nyns osta gwrier an lagha mes breusydh.

Jamys 4:17

Ytho neb a woer an pyth yw da dhe wul hag ev ny'n gwra, dhodho ev pegh yw.

2 Peder 2:13

ow kodhevel drog avel gober droktra. I a dyb plesour dhe vos hweg dydhweyth bos hegar. Nammow ha brith yns i ow lowenhe yn aga thoell hag i ow kevewi genowgh hwi.

1 Yowann 1:8

Mar leveryn na'gan bos peghes, yth omdoellyn, ha nyns usi an gwirder ynnon.

1 Yowann 2:3

Ha dredhi y hyllyn bos sur y'n aswonnyn, mar kwithyn y worhemmynnow.

1 Yowann 3:7

Fleghigow, na esewgh denvyth dh'agas toella; neb a wra ewnder yw ewn, par dell yw ev ewn.

3 Yowann 1:11

A garadow, na wra war-lergh an drog mes gwra war-lergh an da. Neb a wra da yma ev a Dhuw; neb a wra an drog ev ny welas Duw.

Diskwedhyans 12:9

Ha'n dhragon veur a veu tewlys yn-nans, an sarf goth neb yw gelwys an Jowl, ha Satnas, neb a doell oll an bys: ev a veu tewlys yn-nans bys y'n dor, ha'y eledh a veu tewlys yn-nans ganso.

Diskwedhyans 22:7

Otta, my a dheu yn skon: gwynnvys neb a with lavarow profoesans an rol-skrifa ma.’