Jamys 1:21 - An Bibel Kernewek 20234 (Kernewek Kemmyn)

²¹ Ytho, gorrewgh dhe-ves pub plosedhes ha drog dres eghenn, ha degemmerewgh yn uvel an ger plynsys ynnowgh, a yll selwel agas enev.

Jamys 1:21 Iomraidhean Croise

Salmow 25:9

Ev a hembronk an re uvel yn gwirvreus, hag ev a dhysk y fordh dhe'n voghosogyon.

Ysay 2:20

Y'n jydh na den a dewl y idolys a arghans ha'y idolys a owr, an pyth a wrug pubonan dhodho y honan dhe wordhya, dhe'n godhow ha dhe'n ughsommyses,

Ysay 29:19

Arta an re uvel a's tevydh lowena y'n Arloedh, ha'n voghosogyon a lowenha yn Sans Ysrael.

Ysay 30:22

Hwi a dhefol dha idolys gorherys gans arghans ha dha imajys gorowrys; ty a's tewl dhe-ves avel kweth avlan ha leverel dhedhi, ‘Ke dhe-ves!’

Ysay 61:1

Yma Spyrys an Arloedh Duw warnav, drefenn an Arloedh dhe'm untya dhe dhri nowodhow da dhe'n re uvel. Ev re'm dannvonas dhe lystenna an re trogh aga holonn, dhe dhisklerya livreson dhe gethyon, ha delivrans dhiworth tewlder rag prisnoryon;

Ezekiel 18:31

Tewlewgh a-dhiwarnowgh oll agas kammweythresow re wrussowgh ha gwrewgh ragowgh agas honan kolonn nowydh ha spyrys nowydh. Prag y ferwowgh, a ji Ysrael?

Ezekiel 36:25

Skoellya a wrav warnowgh dowr glan, ha hwi a vydh glanhes dhiworth oll agas avlander, ha dhiworth oll agas idolys.

Sefania 2:3

Hwilewgh an Arloedh, hwi oll, tus uvel an norvys neb re wrug y vreus; hwilewgh ewnder, hwilewgh uvelder: martesen hwi a vydh gwithys yn dydh sorr an Arloedh.

Matthew 5:5

‘Gwynn aga bys an re yw klor, rag i a erit an norvys.

Yowann 6:63

An Spyrys yth yw neb a re vewnans; nyns eus prow vyth y'n kig. An geryow a gowsav dhywgh, yth yns i spyrys, ha bewnans.

Yowann 6:68

Simon Peder a worthybis dhodho, ‘Arloedh, piw y hwren ni mos dhodho? Yma dhis an geryow a vewnans heb diwedh.

Oberow 10:33

Rakhenna my a dhannvonas hware war dha lergh hag a'th kuvder devedhys osta. Lemmyn kuntellys on ni oll dherag Duw rag goslowes orth an taklow oll re beu erghys dhis gans an Arloedh.’

Oberow 13:26

‘Breder, mebyon agh Abraham, ha'n re yn agas mysk a berth own a Dhuw, dhyn ni ger an selwyans ma re beu dannvenys.

Romanyon 1:16

Rag ny'm beus meth a'n aweyl: galloes Duw dhe selwel yw hi dhe geniver a grys, dhe'n Yedhow yn kynsa ha dhe'n Grek keffrys.

Romanyon 11:17

Mes mar pe rann a'n skorrennow terrys dhe-ves ha ty, olewenn woedh, ympys yn aga le dhe gevrenna yn gwreydhenn ha sugen an olewenn,

Romanyon 6:17

Mes dhe Dhuw re bo grasow, rag hwi, a vedha kethyon dhe begh, yw devedhys ha bos gostydh a leun golonn dhe'n patron a dhyskas may fewgh delivrys dhodho,

1 Korinthianys 15:2

keffrys mayth owgh selwys dredhi, mar synsowgh yn fast an ger a bregewthis dhywgh, marnas yn euver y kryssowgh.

2 Korinthianys 7:1

Rakhenna a-ban eus dhyn an ambosow ma, karadowyon, gwren glanhe agan honan dhiworth pub defolans a gig hag a spyrys, ow kul dhe sansoleth bos perfydh y'n own a Dhuw.

Efesianys 1:13

yn neb hwi ynwedh, ow klewes an ger a wiryonedh, aweyl agas selwyans, yn neb hwi ynwedh ow krysi, a veu selys gans an Spyrys Sans ambosys,

Efesianys 4:22

may hworrewgh mes ahanowgh an den koth, agas bewedh kyns, yw shyndys dre fals hwansow,

Efesianys 4:25

Rakhenna, gorrewgh dhe-ves gowegneth, ha ‘kewsel pubonan an gwir gans agas hynsa’, rag agan bos eseli an eyl a'y gila.

Efesianys 5:4

Na vedhes fara plos na kows gokki na ges, nag yw gwiw, mes grasyans yn aga le.

1 Thessalonianys 1:5

rag ny dheuth agan aweyl dhywgh hwi yn lavar yn unnsel, mes ynwedh yn nerth hag y'n Spyrys Sans, ha gans meur a surheans, dell wodhowgh py par tus en ni yn agas mysk, rag agas les.

1 Thessalonianys 2:13

Ha rakhemma ni ynwedh a ras dhe Dhuw heb hedhi, pan dhegemmersowgh ger Duw a glewsowgh ahanan, na wrussowgh y dhegemmeres avel ger mab-den, mes avel ger Duw, dell yw yn hwir, a wra oberi ynwedh ynnowgh hwi neb a grys.

Titus 2:11

Rag gras Duw re omdhiskwedhas, ow tri selwyans dhe bub den oll

Ebrowyon 12:1

Ytho, ni ynwedh, a-ban eus kommolenn mar veur a dhustunioryon a-dro dhyn, tewlyn a-denewen pub ankombrans ha pegh hag a len mar ogas, ha dre bargh, resyn an resegva yw settys a-dheragon,

Ebrowyon 2:3

fatell wren ni diank mar ny wren vri a selwyans mar veur? Derivys veu yn kynsa der an Arloedh, ha dustuniys dhyn gans an re a'n klewas,

Ebrowyon 4:2

Rag devri an nowodhow da a dheuth dhyn ni par dell wrug dhedha i ynwedh; mes an negys a glewsons, ny veu dh'aga les, drefenn na vons kesunys yn fydh gans an re a glewas.

Jamys 4:8

Dewgh nes dhe Dhuw, hag ev a dheu nes dhywgh hwi. Glanhewgh agas diwla, a beghadoryon, ha purhewgh agas kolonn, a dus dewblek agas brys.

Jamys 5:20

godhvydhes ev: neb a dreyl peghador a'y gammfordh a selow y enev a ankow, ha kudha peghosow pals.

1 Peder 1:22

Wosa glanhe agas enev der wostytter dhe'n gwir, dhe gerensa broder heb fayntys, kerewgh an eyl y gila yn tiwysyk, yn-mes a golonn lan.

1 Peder 1:9

ow tegemmeres siwyans agas fydh: selwyans enevow.

1 Peder 2:1

Ytho, gorrewgh dhe-ves pub drog ha pub toell ha falsuri hag avi ha pub kabel.

1 Peder 2:11

Karadowyon, my a'gas pys avel alyons ha divresow mayth omwithewgh rag hwansow an kig a wra gwerrya erbynn an enev.