Jamys 1:19 - An Bibel Kernewek 20234 (Kernewek Kemmyn)

¹⁹ Godhvydhewgh hemma, ow breder veurgerys. Bedhes pub den skav dhe glewes, lent dhe gewsel, lent dhe serri.

Jamys 1:19 Iomraidhean Croise

Nehemia 8:18

Ha pub-dydh, a-dhia'n kynsa dydh dhe'n jydh diwettha, ev a lennas yn-mes a lyver lagha Duw. Hag i a withas an goel seyth dydh; ha'n ethves dydh yth esa kuntelles solem, war-lergh an ordenans.

Nehemia 9:17

I a skonyas a woslowes, ha ny borthsons kov a'n marthusyon a wrussys yn aga mysk; mes i a dheuth ha bos kales aga hilbenn, hag y feu bodh aga brys dhe dhehweles dh'aga hethneth yn Ejyp. Mes ty yw Duw neb yw parys dhe ava, grassyes ha truedhek, lent ow serri, hag ow palshe yn tregeredh, ha ny wrussys aga forsakya.

Nehemia 9:3

I a sevis yn-bann yn aga savla ha lenna mes a lyver lagha an Arloedh aga Duw rag kwarter an jydh, ha rag kwarter arall i a gonfessyas, ha gordhya an Arloedh aga Duw.

Job 32:16

Eus edhomm my dhe wortos, rag ny gewsons, rag i dhe sevel ena, ha ny worthybons na fella.

Lavarow Koth 10:19

Pan vo geryow pals, ny fyll kammweythres, mes neb a fronn y dhiwweus yw doeth.

Lavarow Koth 13:3

Neb a with y anow a saw y vewnans, mes neb a iger y dhiwweus a-les a dheu dhe dhiswrians.

Lavarow Koth 14:17

Den yw tanek y natur a wra yn foll, ha gour a vrasow yw kasadow.

Lavarow Koth 14:29

Gour neb yw lent ow serri a'n jeves konvedhes meur, mes neb a sorr yn fysk a ughelha follneth.

Lavarow Koth 15:18

Gour konneryek a dhifun strif, mes neb yw lent ow serri a goselha kedrynna.

Lavarow Koth 15:2

Taves tus fur a afin godhvos, mes ganow an re foll a dhiver follneth.

Lavarow Koth 16:32

Neb yw lent ow serri yw gwell ages gour galloesek, ha neb a rewl y spyrys ages neb a gemmer sita.

Lavarow Koth 17:14

Dalleth strif yw avel gasa dowr dhe skapya, ytho gas an gedrynn kyns hi dhe dardha yn-mes.

Lavarow Koth 17:27

Neb a fronn y eryow a'n jeves godhvos; ha neb a'n jeves spyrys kosel yw gour a gonvedhes.

Lavarow Koth 18:13

Neb a worthyp kyns ev dhe glewes – hemm yw follneth ha sham.

Lavarow Koth 18:21

Yma mernans ha bewnans yn galloes an taves, ha keniver a'n karro a dheber y froeth.

Lavarow Koth 19:11

Skians da a wra den lent dhe serri, hag yth yw glori dhodho skonya a aswonn kammwrians.

Lavarow Koth 19:19

Den a gonnar meur a dal an spal, rag mara'n delivrydh, re vydh ty dh'y wul arta.

Lavarow Koth 21:23

Neb a with y anow ha'y daves a with y enev orth troblow.

Lavarow Koth 25:28

Avel sita folsys hy fosow yw den na'n jeves omvaystri.

Lavarow Koth 29:20

A welydh gour yw fysk yn y eryow? Yma moy a wovenek rag foll ages rag nebonan a'n par na.

Niverow 22:27

Pan welas an asen el an Arloedh, hi a wrowedhas yn-dann Balaam; ha sorr Balaam a veu enowys, hag ev a weskis an asen gans y welenn.

Matthew 5:22

Mes my a lever dhywgh, Piwpynag a sorro orth y vroder heb ken dhe vos yn peryll a vreusyans, ha piwpynag a lavarro dh'y vroder, “Raka”, dhe vos yn peryll a'n Sanhedrin; mes piwpynag a lavarro, “Ty foll” dhe vos yn peryll a dan ifarn.

Mark 12:37

Yma Davydh y honan orth y elwel Arloedh; ha fatell, ytho, ymava mab dhodho?’ Ha'n routh veur a woslowi orto yn lowen.

Mark 2:2

Ha hware lies a omguntellas war-barth, ma nag esa na fella le ragdha, na hwath a-dro dhe'n daras; hag yth esa ow pregoth dhedha an ger.

Luk 15:1

Yth esa oll an dolloryon ha'n beghadoryon ow tos nes dhodho rag goslowes orto.

Luk 19:48

mes ny gavsons fordh dhe wul travyth, rag pub den oll a gregi war y eryow, ow koslowes.

Oberow 1:15

Hag y'n dydhyow na Peder a sevis yn-bann yn mysk an vreder – niver an routh kuntellys war-barth o a-dro dhe hwegh-ugens – ha leverel,

Oberow 10:33

Rakhenna my a dhannvonas hware war dha lergh hag a'th kuvder devedhys osta. Lemmyn kuntellys on ni oll dherag Duw rag goslowes orth an taklow oll re beu erghys dhis gans an Arloedh.’

Oberow 13:48

Ha pan glewas an Jentilys hemma, i a lowenhas hag enora ger an Arloedh, ha myns o ragordenys dhe vewnans heb diwedh a grysis,

Oberow 17:11

ha'n dus ma o gwell yn aga gnas ages an re na yn Thessalonika, rag i a dhegemmeras an ger gans mall meur, ow hwithra an skryptors pub dydh, dhe weles mar pe gwir an taklow ma.

Oberow 2:42

hag yth esens ow pesya yn dyskas an abesteli hag y'n kowethyans, yn terri an bara hag yn pysadow.

Efesianys 4:26

‘Bedhewgh serrys ha na wrewgh pegha.’ Na wres an howl sedhi war agas sorr,

Efesianys 4:31

Bedhes pub hwerowder ha sorr ha konnar ha garma serrys ha sklander gorrys mes ahanowgh, gans pub drog.

Kolossianys 3:15

Ha gwres kres Krist rewlya yn agas kolonn, an kres mayth owgh hwi gelwys dhodho yn unn korf; ha godhvydhewgh gras.

Kolossianys 3:8

Mes lemmyn gorrewgh dhe-ves hwi ynwedh pup-tra: sorr, konnar, atti, blasfemi, kows plos yn-mes a'gas ganow.

1 Thessalonianys 2:13

Ha rakhemma ni ynwedh a ras dhe Dhuw heb hedhi, pan dhegemmersowgh ger Duw a glewsowgh ahanan, na wrussowgh y dhegemmeres avel ger mab-den, mes avel ger Duw, dell yw yn hwir, a wra oberi ynwedh ynnowgh hwi neb a grys.

Jamys 1:16

Na vedhewgh toellys, ow breder veurgerys.

Jamys 1:2

Tybewgh pup-tra dhe vos lowena, ow breder, pan goedhowgh yn provow divers,

Jamys 1:26

Mars eus neb den a breder y vos kryjyk, heb fronna y daves, mes ow toella y golonn ev, koeg yw kryjyans an den ma.

Jamys 2:1

Ow breder, na synsewgh fydh agan Arloedh gloryus Yesu Krist, gans faverans dhe neb den.

Jamys 2:5

Goslowewgh, ow breder veurgerys. A ny dhewisas Duw an voghosogyon y'n bys dhe vos rych yn fydh ha heryon a'n wlaskor a ambosas dhe'n re a'n kar?

Jamys 3:10

Yn-mes a'n keth ganow y teu ha bennath ha molleth. Nyns yw gwiw, ow breder, an taklow ma dhe hwarvos yndella.

Jamys 4:11

Na wrewgh kewsel an eyl erbynn y gila, a vreder. Neb a gews erbynn broder po a vreus y vroder a gews erbynn an lagha hag a vreus an lagha; ha mar preusewgh an lagha, nyns osta gwrier an lagha mes breusydh.

Jamys 5:12

Mes dres oll, ow breder, na liewgh na re'n nev, na re'n dor na gans li vydh arall, mes bedhes agas ‘Ya’ ya, ha'gas ‘Na’ na, ma na goetthowgh yn-dann vreus.

Jamys 5:19

Ow breder, mar kwander nebonan ahanowgh dhiworth an gwir ha nebonan a'n dre arta dhodho,

1 Yowann 2:21

Ny skrifis dhywgh drefenn na wodhowgh an gwirder, mes drefenn hwi dh'y wodhvos, ha godhvos nag eus gow a-dhiworth an gwir.