Jamys 1:14 - An Bibel Kernewek 20234 (Kernewek Kemmyn)

¹⁴ Mes prevys yw pub den yw tennys ha dynys der y dhrokhwansow ev.

Jamys 1:14 Iomraidhean Croise

Jenesis 3:6

Ha'n venyn, pan welas bos an wydhenn da rag boes, ha'y bos teg dhe'n dewlagas, ha gwydhenn dhesiradow dhe wul den fur, hi a gemmeras nebes a'y frut ha dybri; ha hi a ros ynwedh dh'y gour esa gensi, hag ev a dhybris.

Jenesis 6:5

Ha'n Arloedh a welas bos droktra mab-den bras war an nor ha nag o pub mynnas a dybyansow y golonn marnas drog pub dydh oll.

Jenesis 8:21

Ha'n Arloedh a vlasas an sawer plegadow, ha'n Arloedh a leveris yn y golonn, ‘Ny wrav vy mollethi an dor namoy drefenn mab-den; rag drog yw bodh kolonn mab-den a-dhia y yowynkneth. Ny wrav namoy gweskel pub tra vew, dell wrug vy.

2 Samuel 11:4

Ytho Davydh a dhannvonas kannasow dh'y hyrghes, ha hi a dheuth dhodho, hag ev a wrowedhas gensi. (Lemmyn yth esa hi ow purhe hy honan wosa hy amseryow.) Ena hi a dhehwelis dh'y chi.

Job 31:27

may feu ow holonn dynys yn-dann gel, ha'm leuv a offras dhedha amm a omaj;

Job 31:9

‘Mar pe ow holonn dynys gans benyn, po mar skolkyen ryb daras ow hentrevek,

Lavarow Koth 4:23

Gwith dha golonn gans oll hewoelder, rag anedhi y teu dallethvaow bewnans.

Ysay 44:20

Ev a beur war lusu, kolonn doellys re'n kammhembronkas, ha ny'n jeves delivra y enev na leverel, ‘A nyns eus gow y'm leuv dhyghow?’

Hosea 13:9

A Ysrael, my a'th tistru: piw a vydh dha wereser?

Matthew 15:18

Mes an taklow a dheu yn-mes a'n ganow a dheu dhiworth an golonn ha henna a wra defola den.

Matthew 15:20

An re ma a wra defola den; mes dybri heb golghi diwla ny wra defola den.’

Matthew 4:1

Ena Yesu a veu hembrenkys yn-bann dhe'n gwylvos gans an Spyrys dhe vos temptys gans an jowl.

Matthew 5:28

Mes my a lever dhywgh, Neb a vir orth benyn gans drokhwans re wrug avoutri seulabrys gensi yn y golonn.

Romanyon 7:11

Rag pegh, ow kavoes spas y'n gorhemmynn a'm toellas ha dredho y'm ladhas.

Romanyon 7:13

Ytho a dheuth an da ha bos mernans dhymm? Bynner re bo! Pegh o hag ynnov owth oberi der an pyth yw da, rag may fe pegh diskwedhys avel pegh, ha der an gorhemmynn may teffa peghus dres eghenn.

Efesianys 4:22

may hworrewgh mes ahanowgh an den koth, agas bewedh kyns, yw shyndys dre fals hwansow,

Ebrowyon 3:13

Mes ynniewgh an eyl y gila pub dydh, hedre vo gelwys ‘Hedhyw’, ma na vowgh kaleshes dre doell peghosow.

Jamys 1:13

Na leveres denvyth a vo prevys, ‘Gans Duw prevys ov vy’; rag ny yll Duw bos prevys gans drog, ha ny brev ev y honan denvyth.

Jamys 1:15

Ena tebel-ewl, wosa omdhoen, a dhineyth peghadow, ha peghadow kowlwrys a dhineyth ankow.