Hosea 9:8 - An Bibel Kernewek 20234 (Kernewek Kemmyn)

⁸ An profoes, gans ow Duw, yw an goelyador war Efraym; yma antell ydhna yn oll y fordhow, ha kas yn chi y Dhuw.

Hosea 9:8 Iomraidhean Croise

1 Myghternedh 17:1

Lemmyn Elias an Tishbeyas, a Tishbe yn Gilead, a leveris dhe Ahab, ‘Dell vew an Arloedh, Duw Ysrael, mayth esov ow sevel a-dheragdho, ny vydh na gluth na glaw an blydhynyow ma, marnas my a re an ger’

1 Myghternedh 18:1

Wosa lies dydh ger an Arloedh a dheuth dhe Elias, yn tressa blydhen an syghor, ow leverel, ‘Ke, omdhiskwedh dhe Ahab, ha my a dhannvon glaw war an nor.’

1 Myghternedh 18:19

Lemmyn ytho dannvon ha kuntell oll Ysrael ragov dhe venydh Karmel, gans an peswar kans ha hanter-kans profoes a Baal ha'n peswar kans profoes a Ashera, a dheber orth moes Yezebel.’

1 Myghternedh 22:11

Sedekia mab Kenaana a wrug dh'y honan kern a horn, hag ev a leveris, ‘Yndellma y lever an Arloedh: Gans an re ma ty a gorn Aram bys pan vydhons distruys.’

1 Myghternedh 22:22

“Fatell?” an Arloedh a wovynnas orto. Ev a worthybis, “Yth av yn-mes, ha my a vydh spyrys gowek yn ganow oll y brofoesi.” Ena an Arloedh a leveris, “Ty a'n dyn, ha ty a sewen; ke yn-rag ha'y wul.”

1 Myghternedh 22:28

Mikaya a leveris, ‘Mar tehwelydh yn kres, ny gewsis an Arloedh dredhov.’ Hag ev a leveris, ‘Klewewgh, hwi boblow oll!’

1 Myghternedh 22:6

Ena myghtern Ysrael a guntellas war-barth an brofoesi, a-dro dhe beswar kans anedha, ha leverel dhedha, ‘Av vy dhe vatalyas orth Ramoth-gilead, po a hedhav?’ I a leveris, ‘Ke, rag an Arloedh a's re yn leuv an myghtern.’

2 Myghternedh 13:21

Hag y hwarva, pan esens owth ynkleudhyas neb gour, i a welas bagas a soudoryon, hag i a dewlis an gour a-berth yn bedh Elisha ha mos dhe-ves: kettell dochyas an gour eskern Elisha, ev a dhasvewas ha sevel war y dreys.

2 Myghternedh 2:14

Ev a gemmeras mantell Elias a goedhsa a-dhiworto ha gweskel an dowr ha leverel, ‘Ple'ma an Arloedh, Duw Elias?’ Pan y'n gweskis. an dowr a veu diberthys dhe'n eyl tenewen ha dh'y gila hag Elisha eth a-dreus.

2 Myghternedh 2:21

Ev eth yn-mes dhe fenten an dowr ha tewlel hoelan ynni ha leverel, ‘Yndellma y lever an Arloedh, “My re burhas an dowr ma; ny vydh a-dhiworta mernans na difroethter na fella.” ’

2 Myghternedh 4:41

Ena ev a leveris, ‘Drewgh bleus.’ Hag ev a'n tewlis y'n galter ha leverel, ‘Diver e rag an bobel may hallens dybri.’ Ha nyns esa dregynn y'n galter.

2 Myghternedh 4:43

Y was a leveris, ‘Fatell allav settya hemma a-rag kans den?’ Hag ev a leveris, ‘Roy hemma dhe'n bobel may hallons dybri, rag yndellma y lever an Arloedh, “I a wra dybri ha gasa tamm.” ’

2 Myghternedh 5:14

Ena ev a dhiyskynnas hag omdroghya seythgweyth y'n Yordan, herwydh lavar gour Duw; ha'y gig a veu asverys kepar ha kig fleghik, ha glan o ev.

2 Myghternedh 5:27

Rakhenna lovryjyon Naaman a wra glena dhis, ha dhe'th hasenn bys vykken.’ Hag ev eth yn-mes klavorek dhiworth y lok, mar wynn avel an ergh.

2 Myghternedh 7:19

an kapten a worthybis dhe wour Duw, ha leverel, ‘Otta, mar kwrella an Arloedh fenestri y'n nev, ny allsa hemma bos.’ Hag ev a leveris, ‘Otta, ty a wra y weles gans dha dhewlagas dha honan, mes ny wredh dybri a-dhiworto.’

2 Myghternedh 7:2

Ena an kapten mayth esa an myghtern ow poesa war y leuv a worthybis dhe wour Duw ha leverel, ‘Otta, a kwrella an Arloedh igeri fenestri y'n nev, ny allsa hemma bos’ Elisha a leveris, ‘Ty a'n gwel gans dha dhewlagas dha honan, mes ny wredh dybri a-dhiworto.’

Salmow 124:7

Agan enev re dhienkas avel edhen yn-mes a vaglenn an ydhnydhyon; an vaglenn yw terrys, ha ni re dhienkas.

Ekklesiastes 9:12

Yn sur ny woer den y brys gwiw; kepar dell yw puskes kevys yn tebel roes, ha kepar dell yw ydhyn kevys yn maglenn, yndellma yth yw mebyon den maglennys yn termyn anfeus a goedh warnedha a-dhesempis.

An Gan a Ganow 3:3

An woelysi a'm kavas, hag i ow mos a-dro y'n sita, ‘A welsowgh karadow ow enev?’

Ysay 62:6

War dha fosow, A Yerusalem, my re settyas goelyadoryon; oll an jydh hag oll an nos nevra ny dewons. Hwi neb a with an Arloedh yn kov na vedhes taw dhywgh,

Yeremia 11:19

Mes my o haval dhe oen dov yw dres dhe'n ladhva; mes ny wodhyen y feu er ow fynn may tevissens towlow, ow leverel, ‘Gwren distrui an wydhenn gans hy frut, ha gwren y dreghi a-dhiworth tir an re vew, ma na vydh kovhes y hanow namoy.’

Yeremia 14:13

Ena my a leveris, ‘A Arloedh Duw! Otta, an brofoesi a lever dhedha, “Ny welowgh an kledha, na hwath ny'gas beus divoetter; mes my a re dhywgh kres sur y'n tyller ma.” ’

Yeremia 23:13

Yn profoesi Samaria my re welas tra dhivlas: i a brofoesas re Baal, ha gul dhe'm pobel mos yn stray.

Yeremia 31:6

Rag y fydh dydh pan elow an woelyadoryon war vro venydhyek Efraym: ‘Sevewgh, ha deun yn-bann dhe Sion, dhe'n Arloedh agan Duw.’

Yeremia 6:14

I re sawyas goli myrgh ow fobel gans skavder, ow leverel, ‘Kres, kres’, pan nag eus kres.

Yeremia 6:17

Ha my a worras goelyadoryon warnowgh, ow leverel, ‘Goslowewgh orth son an hirgorn.’ Mes yn-medhons, ‘Ny vynnyn goslowes.’

Kynvannow 2:14

Dha brofoesi re welas ragos falsuri ha toell; ny dhiskudhsons dha dhrogobereth rag treylya dha gethneth, mes ragos i re welas gwelesigethow fals ha frowsus.

Kynvannow 4:13

Y feu rag pegh hy frofoesi, drefenn kammwriansow hy oferysi hag a skoell goes an dus wiryon a-berth ynni.

Ezekiel 3:17

Mab den, my re'th wrug goelyador rag chi Ysrael; peskweyth may klewydh ger dhiworth ow ganow, ty a re dhedha gwarnyans dhiworthiv.

Ezekiel 33:7

Ytho ty, A vab den, my a'th wra goelyador rag chi Ysrael; ytho peskweyth may klewydh ger dhiworth ow ganow, ty a re dhedha gwarnyans dhiworthiv.

Hosea 5:1

Klewewgh hemma, a oferysi! Goslowewgh, chi Ysrael! Attendyewgh, A ji an myghtern! An vreus yw er agas pynn, drefenn agas bos antell orth Mispa, ha roes lesys war Tabor.

Hosea 9:7

Dydhyow an kessydhyans re dheuth, dydhyow an dial re dheuth. Ysrael a'n godhvydh. An profoes yw boba, an gour spyrysel yw muskok, drefenn dha lies kammhynseth, ha'n kas meur.

Hosea 9:9

Galsons down yn podredhes, avel yn dydhyow Gibea. Ev a berth kov a'ga hammhynseth, ha kessydhya aga feghosow.

Mika 7:4

An gwella anedha yw haval dhe spedhasenn, an moyha ewnhynsek haval dhe ge dren. Dydh dha woelyoryon ha'th kessydhyans yw devedhys: yma aga deray ow tegynsiwa.

Yowann 15:24

Mar ny wrellen vy yn aga mysk an oberow na wrug denvyth arall, ny viens kablus a begh; mes lemmyn i re welas ha'm kasa vy ha'm Tas.

Romanyon 3:7

Mes mar palsha gwirder Duw dh'y wolewder der ow falsuri, prag yth esov hwath ow pos kuhudhys avel peghador?

Ebrowyon 13:17

Bedhewgh gostydh dh'agas hembrenkysi hag uvel dhedha; rag ymons i ow kwitha war agas enev, avel tus a goedh ri akont; gesewgh i dhe wul hemma yn lowen, heb kyni yn tristans, rag ny via henna dh'agas les.