Hosea 9:7 - An Bibel Kernewek 20234 (Kernewek Kemmyn)

⁷ Dydhyow an kessydhyans re dheuth, dydhyow an dial re dheuth. Ysrael a'n godhvydh. An profoes yw boba, an gour spyrysel yw muskok, drefenn dha lies kammhynseth, ha'n kas meur.

Hosea 9:7 Iomraidhean Croise

2 Myghternedh 9:11

Ena Yehu a dhehwelis dhe wesyon y arloedh, hag onan a leveris dhodho, ‘Yw pup-tra da? Prag y teuth an muskok ma dhis?’ Ev a worthybis dhedha, ‘Hwi a aswonn an gour ha'y gows.’

Ysay 10:3

Pandr'a wrewgh yn dydh kessydhyans, hag y'n annawel a dheu a bellder? Piw y poenyowgh dhodho rag gweres, ha ple hwrewgh gasa agas golewder,

Ysay 26:11

A Arloedh, drehevys yw dha leuv, mes ny's gwelons. Gwelens i dha avi rag dha bobel ha perthi meth; gas dhe'n tan gwithys rag dha eskerens aga devorya.

Ysay 34:8

Ytho yma dhe'n Arloedh dydh dial, blydhen attal rag mentena ken Sion.

Ysay 44:25

neb a lett toknys oferysi-dhargan, hag a wra ges a goelyogyon; neb a dreyl tus fur war-dhelergh, ha gul foll aga godhvos;

Yeremia 10:15

Euver yns, pythow skornys: yn termyn aga hessydhyans i a dhe goll.

Yeremia 11:23

Ha ny vydh remenant anedha: rag my a dhre anfeusi war wer Anathoth, yn blydhen aga hessydhyans.

Yeremia 16:18

Hag yn kynsa my a attal rag aga hammhynseth ha'ga fegh yn tewblek; drefenn i dhe dhefola ow thir gans korfow aga idolys, ha lenwel ow eretons gans aga thaklow kasadow.

Yeremia 23:13

Yn profoesi Samaria my re welas tra dhivlas: i a brofoesas re Baal, ha gul dhe'm pobel mos yn stray.

Yeremia 25:14

Rag i a vydh gwrys kethyon gans lies kenedhel ha myghternedh veur, i ynwedh; ha my a attal dhedha herwydh aga gwriansow hag ober aga diwleuv.

Yeremia 29:26

An Arloedh a'th wrug oferyas yn le Yehoyada an oferyas, dhe vos soedhogyon yn chi an Arloedh, rag pub muskok a omwra profoes, ma'n gorrydh yn stokkys hag yn kolor.

Yeremia 46:21

Ynwedh hy gwer arvethys yn hy kres yw avel leughi peskys; rag i ynwedh re dreylyas ha fia war-barth, ny sevsons; rag dydh aga therroes re dheuth warnedha, ha termyn aga hessydhyans.

Yeremia 6:14

I re sawyas goli myrgh ow fobel gans skavder, ow leverel, ‘Kres, kres’, pan nag eus kres.

Yeremia 8:11

Rag i re sawyas goli myrgh ow fobel gans skavder, ow leverel, ‘Kres, kres’, pan nag eus kres.

Kynvannow 2:14

Dha brofoesi re welas ragos falsuri ha toell; ny dhiskudhsons dha dhrogobereth rag treylya dha gethneth, mes ragos i re welas gwelesigethow fals ha frowsus.

Ezekiel 13:10

Drefenn i dhe ledya ow fobel yn sowdhan, ow leverel, ‘Kres’, pan nag eus kres; ha pan vo fos tanow drehevys, i a'n gwynngalgh:

Ezekiel 13:3

Yndellma y lever an Arloedh Duw: Go-i an brofoesi foll usi ow kerdhes war-lergh aga spyrys aga honan, ha ny welsons travyth!

Ezekiel 25:17

My a dal warnedha dial bras gans kessydhyans konneryek. Ena i a woer my dhe vos an Arloedh, pan dalav ow dial warnedha.

Ezekiel 38:23

My a dhiskwedh ow meuredh ha'm sansoleth a-rag dewlagas lies kenedhel. Ena i a woer my dhe vos an Arloedh.

Ezekiel 9:10

Ytho ow lagas ny gemmer truedh, ha ny gemmerav piteth, mes my a dhre aga fordh war aga fenn.’

Hosea 14:1

Dehwel, Ysrael, dhe'n Arloedh dha Dhuw; rag ty re drebuchyas yn dha gammhynseth.

Hosea 5:9

Efraym a vydh ynyal yn dydh an geredh. Yn mysk loethow Ysrael deklarya a wrav an pyth yw sur.

Hosea 8:13

I a sakrifi rohow dhymmo vy, i a dheber an kig; mes an Arloedh ny gemmer plesour ynna. Lemmyn ev a berth kov a'ga sherewneth, ha kessydhya aga feghosow: dhe Ejyp y tehwelons.

Hosea 9:8

An profoes, gans ow Duw, yw an goelyador war Efraym; yma antell ydhna yn oll y fordhow, ha kas yn chi y Dhuw.

Amos 8:2

Hag ev a leveris, ‘Pandr'a welydh, Amos?’ Hag yn-medhav, ‘Kanstellas a frut an hav.’ Ena an Arloedh a leveris dhymm: Devedhys yw gorfenn ow fobel Ysrael; ny wrav aga sparya namoy.

Mika 2:11

Mar kertha gour a-dro ow kowleverel gans gwyns ha gowegneth, ‘My a brofoes dhis a win hag a gorev’, ev a via an profoes rag an bobel ma!

Mika 7:4

An gwella anedha yw haval dhe spedhasenn, an moyha ewnhynsek haval dhe ge dren. Dydh dha woelyoryon ha'th kessydhyans yw devedhys: yma aga deray ow tegynsiwa.

Sefania 3:4

Direwl yw hy frofoesi, falswesyon; hy oferysi re dhefolas an sentri, i re shyndyas an lagha.

Mark 3:21

Ha pan glewas y gerens henna, i eth yn-mes rag settya dalghenn ynno; rag i a leveri, ‘Varyes yw.’

Luk 21:22

rag hemm yw dydhyow a gessydhyans, pan vydh kowlwrys pup-tra a veu skrifys.

2 Korinthianys 5:13

Rag mars on ni mes a'gan rewl, a-barth Duw yth yw; mars yw yagh agan brys, ragowgh hwi yth yw.

Diskwedhyans 16:19

Ha'n sita vras a veu rynnys yn teyr rann, ha'n sitys a'n kenedhlow a goedhas: ha Babylon vras a veu kovhes a-dherag Duw, dhe ri dhedhi hanaf an gwin a gonnar y sorr.