Hosea 9:3 - An Bibel Kernewek 20234 (Kernewek Kemmyn)

³ Ny drigons yn tir an Arloedh; Efraym a dhehwel dhe Ejyp, ha dybri taklow avlan yn Assyria.

Hosea 9:3 Iomraidhean Croise

1 Myghternedh 9:7

ena my a dregh Ysrael dhiworth an tir re res vy dhedha; ha my a dewl yn-mes a'm golok an chi re sakris rag ow hanow; hag Ysrael a vydh henlavar ha parabolenn yn mysk poblow oll.

2 Myghternedh 17:6

Y'n nownsegves blydhen a Hoshea, myghtern Assyria a gemmeras Samaria; ev a dhug Ysrael yn divroedh dhe Assyria, ha'ga gorra yn Halagh ha ryb an avon Habor yn Gozan, hag yn sitys an Medys.

Yeremia 16:18

Hag yn kynsa my a attal rag aga hammhynseth ha'ga fegh yn tewblek; drefenn i dhe dhefola ow thir gans korfow aga idolys, ha lenwel ow eretons gans aga thaklow kasadow.

Yeremia 2:7

Ha my a'gas dros yn tir feyth, dhe dhybri an frut anodho ha'n dader anodho; mes pan entersowgh, hwi a dhefolas ow thir, ha gul ow eretons tra gasadow.

Kynvannow 5:6

Dhe Ejyp ni a ros leuv, ha dhe Assyria, rag kavoes bara lowr.

Ezekiel 4:13

Ena an Arloedh a leveris, ‘Yndella y tebrons mebyon Ysrael aga bara avlan y'n kenedhlow ma's skattrav di.’

Daniel 1:8

Mes Daniel a erviras yn y golonn na omdhefolsa gans boes an myghtern, na gans an gwin a wre y eva; ytho ev a wovynnas kummyas dhiworth penn an spadhesigyon ma na omdhefolla.

Hosea 11:11

I a gren avel edhen yn-mes a Ejyp, avel kelemmi yn-mes a Assyria. My a wra dhedha triga yn aga threvow, yn-medh an Arloedh.

Hosea 11:5

Ny dhehwel dhe bow Ejyp, mes Assyria a vydh y vyghtern, rag i a skonyas a dhehweles dhymm.

Hosea 7:11

Efraym yw kepar ha kolomm, gokki ha heb kolonn; i a elow dhe Ejyp ha mos dhe Assyria.

Hosea 7:16

Treylya a wrons – a-der war-vann; avel gwarak lows yns i. Aga fennsevigyon a goedh der an kledha drefenn anvri aga thaves. Yndella tus a wra ges anedha yn gwlas Ejyp.

Hosea 8:13

I a sakrifi rohow dhymmo vy, i a dheber an kig; mes an Arloedh ny gemmer plesour ynna. Lemmyn ev a berth kov a'ga sherewneth, ha kessydhya aga feghosow: dhe Ejyp y tehwelons.

Hosea 9:6

Awotta, galsons drefenn kollva, Ejyp a's kuntell, Memfis a wra aga ynkleudhyas. Hwynn a erit aga thresoryow a arghans, ha spern a vydh yn aga thyldow.

Levitikus 18:28

ma na wra an tir agas hwyja yn-mes ynwedh pan y'n defolowgh, dell hwyjas yn-mes an kenedhlow esa ena dheragowgh hwi.

Levitikus 20:22

Ytho, hwi a syns oll ow ordenansow hag oll ow breusow, ha'ga gul, ma na wrello an tir, ma'gas drov dhe driga ynno, agas hwyja yn-mes.

Levitikus 25:23

Ny vydh an tir gwerthys bys vykken, rag my a bew an tir; rag hwi yw alyons ha godrigoryon genev.

Amos 7:17

Rakhenna an Arloedh a lever hemma: Hora vydh dha wreg y'n sita ha'th vebyon ha'th vyrghes a goedh gans an kledha; ha'th tir a vydh rynnys der an gordenn; ty dha honan a verow yn tir avlan, ha divres vydh Ysrael yn sur a-dhiwar y dhor.’

Mika 2:10

Sevewgh ha kewgh dhe-ves, rag nyns yw homma agas powesva; drefenn agas defolans hi a vydh distruys, ha'n terroes a vydh tynn.

Oberow 10:14

Mes yn-medh Peder, ‘Kamm na yll bos, Arloedh, drefenn na dhybris vy bythkweth travyth kemmyn nag avlan.’

Dewteronomi 28:63

Kepar dell lowenhas an Arloedh yn agas kever dhe wul da dhywgh, ha dh'agas ynkressya, yndella an Arloedh a lowenha yn agas kever dh'agas diswul, ha dh'agas distrui. Hwi a vydh diwreydhys dhiwar an tir mayth esos ow tos di dh'y erita.

Dewteronomi 28:68

An Arloedh a'th tre arta dhe Ejyp yn gorholyon y'n fordh a leveris dhis na wres hy gweles nevra namoy; hag ena ty a as dha honan dhe vos gwerthys dhe'th eskerens avel kethyon ha kethesow mes denvyth ny wra agas prena.

Dewteronomi 4:26

my a elow nev ha nor hedhyw dhe dhoen dustuni er agas pynn, hwi dhe vos dhe goll dhiworth an tir mayth esowgh ow treusi an Yordan di dh'y erita. Ny hirhowgh agas dydhyow warnodho, mes y fydhowgh distruys sur.

Yoshua 23:15

Mes par dell hwarva ragowgh pup-tra da a ambosis an Arloedh agas Duw dhywgh, yndella ynwedh an Arloedh a dhre warnowgh oll an droktraow, bys pan y'gas distruis dhiworth an tir da re ros an Arloedh agas Duw dhywgh.