Hosea 9:17 - An Bibel Kernewek 20234 (Kernewek Kemmyn)

¹⁷ Ow Duw a wra aga denagha, drefenn na woslowsons orto; i a vydh gwandrysi yn mysk an kenedhlow.

Hosea 9:17 Iomraidhean Croise

2 Kroniklys 18:13

Mes Mikaya a leveris, ‘Dell vew an Arloedh, pypynag a lavarro ow Duw, henna a lavarav.’

2 Kroniklys 36:16

mes i a wre ges a gannasow Duw, ow tispresya y eryow, hag ow skornya y brofoesi, bys pan o gyllys konnar an Arloedh orth y bobel mar vras, ma nag esa remedi.

Nehemia 5:19

Porth kov ahanav rag ow les, ow Duw, war-lergh pup-tra a wrug vy rag an bobel ma.

Salmow 31:14

Mes my a drestyas ynnos jy, A Arloedh; my a leveris, ‘Ty yw ow Duw.’

Lavarow Koth 29:1

Gour neb yw keredhys fest yn fenowgh, hag a bes kales y gilbenn, a vydh brewys distowgh, ha ny vydh eli.

Ysay 48:18

Unnweyth a koslowes orth ow gorhemmynnow! Ena y fia dha sewena avel avon, ha'th ewnder avel tonnow an mor;

Ysay 7:13

Ena yn-medh ev: ‘Goslowewgh, chi Davydh! A'n synsowgh tra vyghan hwi dhe skwitha tus, mes hwi a vynn ynwedh skwitha ow Duw?

Yeremia 6:30

Gelwys yns ‘arghans deneghys’, drefenn an Arloedh dh'aga denagha.

Yeremia 7:13

Ha lemmyn, drefenn hwi dhe wul oll an taklow ma, yn-medh an Arloedh, ha my a gewsis dhywgh, ow sevel a-varr hag ow kewsel, mes ny glewsowgh; ha my a elwis dhywgh, mes ny worthybsowgh;

Yeremia 7:15

Ha my a wra agas tewlel yn-mes a'm golok, dell dewlis yn-mes oll agas breder, has kowal Efraym.

Hosea 4:10

I a wra dybri ha ny vons lenwys; i a dheu ha bos horys ha ny ynkressyons, rag i dhe asa obaya dhe'n Arloedh.

Hosea 4:6

Ow fobel yw kisys drefenn fowt a skians. Drefenn ty dhe nagha skians, my a wra dha nagha ma na vi oferyas ragov; drefenn ty dhe ankevi lagha dha Dhuw, my ynwedh a wra ankevi dha vebyon.

Hosea 7:13

Go-i, rag i re fias ahanav vy! Terroes dhedha, rag i re rebellyas er ow fynn! My a's dasprenas hag i a wowleveris er ow fynn.

Amos 8:2

Hag ev a leveris, ‘Pandr'a welydh, Amos?’ Hag yn-medhav, ‘Kanstellas a frut an hav.’ Ena an Arloedh a leveris dhymm: Devedhys yw gorfenn ow fobel Ysrael; ny wrav aga sparya namoy.

Amos 9:9

Rag otta, my a worhemmynn, ha shakya chi Ysrael yn mysk an gwlasow, kepar ha shakya kroeder, ha ny goedh bilienn vyth dhe'n leur.

Mika 7:7

Byttegyns, my a vynn mires dhe'n Arloedh, my a worta Duw ow selwyans; ow Duw a'm klewvydh.

Zekaria 1:4

Na vedhewgh haval dh'agas tasow, a grias an brofoesi dhedha a-henys, ow leverel, ‘Yndellma y lever an Arloedh: Treylyewgh a'gas tebel fordhow ha'gas tebel oberow.’ Mes ny woslowsons na'm attendya, yn-medh an Arloedh.

Yowann 20:17

Yn-medh Yesu dhedhi, ‘Na wra ow thochya, rag nyns ov vy yskynnys na hwath dhe'n Tas; mes ke dhe'm breder ha lavar dhedha, “My a yskynn dhe'm Tas vy ha dh'agas Tas hwi, dhe'm Duw vy ha dh'agas Duw hwi”.’

Yowann 20:28

Tommas a worthybis, ha leverel dhodho, ‘Ow Arloedh, ha'm Duw!’

Yowann 7:35

Ena an Yedhewon a leveris an eyl dh'y gila, ‘Ple'th a an den ma, ma na yllyn y gavoes? A vynn ev mos dhe'n re skattrys yn mysk an Grekys, ha dyski dhe'n Grekys?

Oberow 3:23

Hag y hwer, pub enev na wrello goslowes orth an profoes na dhe vos distruys yn tien mes a'n bobel.”

Dewteronomi 32:26

My a leveris: My a's defend dhe-ves; my a dhile aga hovadh dhiworth densys;

Dewteronomi 4:25

Pan dhineythydh mebyon ha fleghes-wynn ha kothhe y'n tir, hag omlegri, ow kul imaj gravys, an furv a neptra, ha kammwul a-wel dhe'n Arloedh dha Dhuw dh'y brovokya dhe sorr,

Dewteronomi 4:27

An Arloedh a wra agas skattra ynter an poblow, boghes vydh agas niver gesys yn mysk an kenedhlow may hwra an Arloedh agas ledya di.

Filippianys 4:19

Ha'm Duw a lenow oll agas edhomm herwydh y rychys yn splannder yn Krist Yesu.

Jamys 1:1

Jamys, gwas Duw ha'n Arloedh Yesu Krist, dhe'n dewdhek loeth yw skattrys: Lowena dhywgh!