Hosea 9:15 - An Bibel Kernewek 20234 (Kernewek Kemmyn)

¹⁵ Yma oll aga droktra yn Gilgal; ena my a's kasas. Drefenn aga drogoberow, my a wra aga fesya a'm chi. Ny wrav vy aga hara namoy; oll aga fennsevigyon yw penn-kales.

Hosea 9:15 Iomraidhean Croise

Salmow 78:60

Ytho ev a forsakyas an tabernakel yn Shilo, an tylda a worrsa yn mysk mab-den.

Ysay 1:23

Dha bennsevigyon yw penn-kales, ha keskowetha ladron; pubonan anedha a gar falswober ha helghya rohow. Ny rons gwirvreus dhe'n omdhivas, ha ken an wedhwes ny dheu a-ragdha.

Yeremia 11:15

Pyth yw gwir ow haradow yn ow chi, ha hi ow kul hy drog dowlow? A yll pysadow ha kig sans kemmeres dhe-ves dha debelwrians dhiworthis, po a yllydh diank der an taklow ma? Ena a yllydh bos lowen?

Yeremia 12:8

Ow ertach yw ragov avel lew y'n goeswik; kria a wra er ow fynn: ytho my a'n kas.

Yeremia 15:1

Ena an Arloedh a leveris dhymm: Mar saffa Moyses ha Samuel a-ragov, hwath ny allsa ow holonn treylya war-tu an bobel ma; gwra aga dannvon mes a'm golok, ha'ga gasa dhe vones.

Yeremia 3:8

Ha hi a welas, rag oll avoutri Ysrael dhislel, my dh'y gorra dhe-ves gans skrifenn didhemmedhyans; hwath hy hwoer draytus Yuda ny's teva own, mes hi ynwedh eth dhe horya.

Yeremia 5:5

My a wra mos dhe'n dus veur, ha kewsel orta; rag i re wodhva fordh an Arloedh, ha breus aga Duw.’ Mes i keffrys re dorras an yew, ha terri an rawyow.

Ezekiel 22:27

Hy fennsevigyon ynni yw avel bleydhi ow terri preydh, ow skoellya goes dhe dhistrui enevow may kaffons gwayn anewn.

Ezekiel 23:18

Pan esa hi ow kul hy fornikasyon yn igor, hag ow tiskudha hy noethedh, my a dreylyas dhiworti divlasys, kepar dell dreylis divlasys dhiworth hy hwoer.

Hosea 1:6

Hi a omdhuk arta, ha dineythi myrgh. An Arloedh a leveris dhodho, ‘Hanw hi Lo-ruhama, rag ny gemmerav vy truedh a ji Ysrael byth moy, na ny wrav vy aga gava mann.

Hosea 1:9

Ena an Arloedh a leveris, ‘Hanw e Lo-ammi, a-ban nyns owgh hwi ow fobel, ha nyns ov vy agas Duw.’

Hosea 12:11

Eus droktra yn Gilead? Yn hwir yth yns i koegyon! A sakrifions terewi yn Gilgal? Aga alteryow ynwedh a vydh avel kals meyn war fynnglow an gwel.

Hosea 12:2

An Arloedh a'n jeves dadhel gans Yuda, hag ev a gessydh Yakob herwydh y fordhow; ev a attal dhodho wriansow.

Hosea 3:4

Rag mebyon Ysrael a wra triga meur a dhydhyow heb myghtern, ha heb penntern, ha heb sakrifis, ha heb peulven, ha heb efod na terafim.

Hosea 4:15

Kyn hwredh fornikasyon, a Ysrael, bynner re bo Yuda kablus. Na dhewgh hwi dhe Gilgal, na mos yn-bann dhe Beth-aven, na ti ‘Dell vew an Arloedh!’

Hosea 4:9

Kepar dell vydh rag an bobel, yndella y fydh rag an oferyas; my a wra aga hessydhya rag aga fordhow, ha'ga gobra rag aga gwriansow.

Hosea 7:2

Ny brederons yn aga holonn my dhe govhe oll aga droktra. Lemmyn yma aga oberow oll a-dro dhedha; ymons dherag ow fas.

Hosea 9:17

Ow Duw a wra aga denagha, drefenn na woslowsons orto; i a vydh gwandrysi yn mysk an kenedhlow.

Hosea 9:3

Ny drigons yn tir an Arloedh; Efraym a dhehwel dhe Ejyp, ha dybri taklow avlan yn Assyria.

Levitikus 26:30

Ha my a dhiswra agas tylleryow ughel, ha terri dhe'n dor agas alteryow ynkys, ha tewlel agas korfow war gorfow agas idolys, ha'm spyrys a wra agas aborrya.

Amos 4:4

Dewgh dhe Bethel, ha kammdremenewgh; dhe Gilgal, ha kammdremenewgh hwath moy; drewgh agas sakrifisow pub myttin, agas dega pub trydydh;

Amos 5:27

Ytho my agas deg yn divroedh dres Damaskus, yn-medh an Arloedh, Duw an luyow y hanow.

Amos 5:5

mes na hwilewgh Bethel, ha na gewgh dhe Gilgal na treusi dhe Beer-sheba; rag mos a wra Gilgal yn divroedh ha Bethel ny vydh 'vas dhe dravyth.

Mika 3:11

Hy fennow a re breus rag falswober, hy oferysi a dhysk rag arveth, hy frofoesi a dhargan rag arghans; hag i ow poesa war an Arloedh, ow leverel, ‘A nyns usi an Arloedh yn agan mysk? Ny wra drog vyth dos warnan.’

Mika 6:5

Ow fobel vy, porth kov a'n pyth a gusulyas Balak myghtern Moab, hag a'n pyth a worthybis dhodho Balaam mab Beor, hag a'n pyth a hwarva dhiworth Shittim bys Gilgal, rag mayth aswonni gweythresow gwiryon an Arloedh.’

Sefania 3:3

Hy fennsevigyon a-berth ynni yw lewyon owth usa; hy breusysi yw bleydhi an gorthugher; ny asons an eskern bys y'n vorow.

Zekaria 11:8

My a dhileas an tri bugel yn unn mis. My a gollas perthyans gansa, hag i a wrug ow dispresya.

Oberow 4:27

Rag yn hwir y'n sita ma Herod ha Pontius Pilat gans Jentilys ha poblow Ysrael a omguntellas erbynn dha was sans Yesu, neb a wrussys y untya,

Oberow 5:21

Pan glewsons hemma, i a entras y'n tempel a-dro dhe vora, ha dyski. Lemmyn y teuth an arghoferyas ha'n re esa ganso, hag i a elwis an konsel hag oll an senedh a vebyon Ysrael, hag i a dhannvonas dhe'n prison may fens dres.

Yoshua 10:43

Ena Yoshua a dhehwelis hag oll Ysrael ganso dhe'n kamp yn Gilgal.

1 Samuel 7:16

Hag yth e pub blydhen yn gylghenn dhe Bethel, Gilgal, ha Mispa; hag ev a vreusi Ysrael yn oll an tylleryow ma.