Hosea 9:11 - An Bibel Kernewek 20234 (Kernewek Kemmyn)

¹¹ Golewder Efraym a nij dhe-ves avel edhen, heb dineythyans, heb torr, heb omdhoen.

Hosea 9:11 Iomraidhean Croise

Jenesis 41:52

Hag ev a elwis hanow an nessa Efraym, ‘rag Duw re wrug dhymm doen frut yn pow ow galarow.’

Jenesis 49:22

‘Skorrenn leun a frut yw Yosep, skorrenn leun a frut ryb fenten. Yma y varrow ow resek dres an ke.

2 Samuel 6:23

Ha nyns esa dhe Mikal myrgh Sowl flogh vyth bys dydh hy mernans.

Job 18:5

‘Dar, golow an drogoberer yw difeudhys, ha ny splann flamm y dan.

Salmow 58:8

Teudhens i dhe-ves avel melhwesenn yn unn dremena; avel flogh genys marow, ma na wellons an howl.

Ekklesiastes 6:3

Kyn tineyttho gour kans flogh ha bewa lies blydhen, kyn fewo hirneth mes ny yll ev bos lenwys gans y sewena, kyn na vo bedh dhodho, my a lavarsa, flogh genys marow yw feusikka agesso.

Ysay 17:3

An kastell a vydh gyllys dhiworth Efraym, ha'n vyghterneth dhiworth Damaskus; remenant Aram a vydh avel glori mebyon Ysrael, yn-medh Arloedh an luyow.

Hosea 10:5

Annedhysi Samaria a wra drem war leugh Beth-aven. Hy fobel a gyn warnodho, ha'y oferysi a oel war y wolewder, rag ev a vydh divres dhiworti.

Hosea 4:7

Dhe voy i a gressyas dhe voy i a beghas er ow fynn; my a dreyl aga splannder dhe veth.

Hosea 5:9

Efraym a vydh ynyal yn dydh an geredh. Yn mysk loethow Ysrael deklarya a wrav an pyth yw sur.

Hosea 9:14

Ro dhedha i, Arloedh! pandr'a redh? Ro dhedha i torr a gyll hy askorr, ha diwvronn sygh.

Amos 1:13

Yndellma y lever an Arloedh: Rag tri hammweythres a vebyon Ammon, ha rag peswar, ny wrav vy hepkorr an kessydhyans; drefenn i dhe skwardya gwragedh gans flogh yn Gilead, mayth efannens aga amal.

Luk 23:29

rag otta, an dydhyow a dheu pan leverons, “Gwynnvys an re anvap, ha'n torrow bythkweth na dhineythis, ha'n bronnow na vagas.”

Dewteronomi 28:18

Mollothek vydh frut dha gorf ha frut dha dir, leughi dha jatel, hag eyn dha flokk.

Dewteronomi 28:57

ha'y bryghenn a dheu yn-mes yntra hy threys ha war hy mebyon a dhineyth; rag hi a wra aga dybri yn esow a bup-tra oll yn-dann gel, y'n omsettyans stroeth may hwra dha eskar dha stroetha ganso y'th yetys.

Dewteronomi 33:17

Y veuredh yw haval dh'y darow kynsa-genys, ha'y gern yw kern bual. Gansa ev a gorn poblow war-barth, bys pennow an norvys. Yth yns i an degow a vilyow a Efraym, Yth yns i an milyow a Manasse.