Hosea 8:9 - An Bibel Kernewek 20234 (Kernewek Kemmyn)

⁹ Rag gyllys yns yn-bann dhe Assyria, avel asen gwyls digoweth. Efraym re arvethas keryadesow.

Hosea 8:9 Iomraidhean Croise

2 Myghternedh 15:19

Ha Pul myghtern Assyria a dheuth erbynn an tir; Menahem a ros dhe Pul deg mil dalent a arghans, may halla ev y weres ow fastya y dhalghenn war a'n ruvaneth.

Ysay 30:2

neb a gerdh dhe vos yn-nans dhe Ejyp heb govynn ow bodh, ha hwilas gweres yn nerth Faro, ha trestya yn goskes Ejyp.

Ysay 30:6

Profoesans a-dro dhe vestes an Negeb. Dre dir a ahwer hag angoes, a lewes hag a lew owth usa, a nader ha sarf askellek, i a dheg aga rychys war skoedh asenes, ha'ga thresoryow war geyn kowrvergh, dhe bobel nag yw dhe les.

Yeremia 2:24

kasek-asen gwyls usys dhe'n gwylvos, ow frikhwytha an gwyns yn hy flesour: pan yw hi leusik, piw a's fronn? Ny omskwith myns a's hwila; yn hy mis i a's kyv.

Hosea 12:1

Kowethya a wra Efraym gans an gwyns, ha helghya gwyns an howldrevel oll an jydh, ha kressya gowyow ha freudh. I a wra kevambos gans Assyria hag olew yw degys dhe Ejyp.

Hosea 12:2

An Arloedh a'n jeves dadhel gans Yuda, hag ev a gessydh Yakob herwydh y fordhow; ev a attal dhodho wriansow.

Hosea 2:10

Lemmyn my a wra diskudha hy meth a-rag dewlagas hy haroryon, ha nagonan ny's delirv dhiworth ow leuv.

Hosea 5:13

Efraym a welas y gleves, ha Yuda y woli, ena Efraym eth dhe Assyria, hag a dhannvonas dhe'n myghtern meur. Mes ny yll agas sawya, na yaghhe agas goli.

Hosea 7:11

Efraym yw kepar ha kolomm, gokki ha heb kolonn; i a elow dhe Ejyp ha mos dhe Assyria.