Hosea 8:8 - An Bibel Kernewek 20234 (Kernewek Kemmyn)

⁸ Ysrael yw kollenkys; lemmyn yth yns i yn mysk an kenedhlow kepar ha lester diles.

Hosea 8:8 Iomraidhean Croise

2 Myghternedh 18:11

Myghtern Assyria a dhug Ysrael dhe-ves bys yn Assyria ha'ga gorra yn Halagh ha ryb an avon Habor yn Gozan, hag yn sitys an Medys,

Ysay 30:14

Hy thorrva a vydh avel torrva lester priweythor, brewys heb pita, rag na vo kevys yn y vrewyon darn dhe gemmeres tan dhiwar oeles po dhe dhri dowr yn-bann dhiworth dowrargh.

Yeremia 22:28

Yw an gour ma, Konia, pott pri terrys, lester ma nag eus plesour ynno? Prag yth yns tewlys yn-mes, ev ha'y has, ha tewlys yn tir na aswonnons?

Yeremia 25:34

Oulyewgh, hwi vugeledh, ha kria; omrolyewgh yn lusu, hwi arlydhi an flokk; rag dydhyow agas ladhva ha'gas keskar yw devedhys, ha hwi a goedh avel lester teg.

Yeremia 48:38

War do pub chi yn Moab, hag yn hy stretow nyns eus marnas kynvann; rag my re dorras Moab avel lester nag eus hwans anodho, yn-medh an Arloedh.

Yeremia 50:17

Ysrael yw davas skattrys; lewyon re's fesyas. Yn kynsa, myghtern Assyria a's devoryas ha lemmyn y'n diwedh, Nebukadnessar myghtern Babylon re gnias hy eskern.

Yeremia 51:34

‘Nebukadnessar myghtern Babylon re'm kollonkas, ev re'm desyghas, ev a wrug dhymm bos lester gwag, ev re'm lonkas avel dragon; ev re lenwis y dorr gans ow taklow denteth, ev re'm trewas y'n mes.

Kynvannow 2:16

Oll dha eskerens a iger aga ganow er dha bynn; i a hwiban ha deskerni aga dyns, ha kria: ‘Ni re's kollonkas! Hemm yw devri an jydh mayth en ni hwansek dhodho. Wor'tiwedh ni re'n kavas! ni re'n gwelas!’

Kynvannow 2:2

An Arloedh re gollonkas heb truedh oll annedhow Yakob; yn y sorr ev re dorras dinasow myrgh Yuda; ev re dhros bys y'n dor ha disenora an wlaskor ha'y rewloryon.

Kynvannow 2:5

An Arloedh o kepar hag eskar, ev re gollonkas Ysrael; ev re gollonkas oll y lysyow, ev re dhistruis y dhinasow; ha palshe yn myrgh Yuda drem ha kynvann.

Kynvannow 4:2

Mebyon dhrudh Sion, talvedhys kepar hag owr fin – Ass yns i akontys kepar ha sethow pri, ober diwla priweythor!

Kynvannow 5:2

Agan ertach re beu treylys dhe estrenyon, agan chiow dhe alyons.

Ezekiel 36:3

rakhenna, profoes ha lavar, Yndellma y lever an Arloedh Duw: Drefenn i dh'agas gul ynyal ha'gas helghya a bub tu, rag may fowgh eretons dhe remenant an kenedhlow, ha hwi re beu skornys gans tavosow, ha despitys gans an bobel;

Levitikus 26:33

Ha my a wra agas skattra yn mysk an kenedhlow, ha tenna yn-mes an kledha war agas lergh; dha dir a vydh ynyal, ha'gas sitys a vydh magoryow.

Romanyon 9:22

Mes pandra mar kwrug Duw, gans bodh a dhiskwedhes y gonnar ha dyllo y alloes, perthi gans perthyans meur an lestri a gonnar gwrys gwiw rag distrui,

Dewteronomi 28:25

An Arloedh a wra dhis bos fethys gans dha eskerens. Yth edh yn-mes er y bynn yn unn fordh ha fia yn seyth fordh a-ragdho, ha ty a vydh euth dhe oll kenedhlow an norvys.

Dewteronomi 28:64

Ena an Arloedh a wra dha skattra yn mysk oll an poblow dhiworth unn penn a'n norvys bys y'n penn arall, hag ena ty a serv duwow erell neb na aswonnsys, naneyl ty na'th tasow, prenn ha men.