Hosea 8:5 - An Bibel Kernewek 20234 (Kernewek Kemmyn)

⁵ Ev re naghas dha leugh, Samaria! Ow sorr a loskas er aga fynn. Pes termyn ny allons kavoes glander?

Hosea 8:5 Iomraidhean Croise

2 Kroniklys 13:8

‘Lemmyn hwi a dyb y hyllowgh sevel orth gwlaskor an Arloedh yn leuv mebyon Davydh, drefenn agas bos gyllys ha bos routh vras ha bos genowgh hwi an leughi a owr a wrug Yeroboam dhe vos duwow ragowgh.

Salmow 19:13

Gwith dha was ynwedh rag peghosow bolder; na wrens i maystri warnav! Ena divlam vydhav, ha my a vydh glan a gammweyth meur.

Lavarow Koth 1:22

‘A hwi sempel, pes termyn y kerowgh hwi sempledh? Pes termyn y fynn skornyoryon lowenhe yn aga skornya ha fellyon kasa godhvos?

Ysay 45:20

Omguntellewgh ha dewgh, dewgh nes war-barth, hwi fowesigyon a'n kenedhlow! Ny's teves godhvos vyth, an re a dheg aga imajys a brenn, hag i a bys dhe dhuw na'n jeves selwel.

Yeremia 13:27

My re welas dha avoutri, ha'th kryghias, avlander dha horyans, dha daklow kasadow war an breow y'n gwel. Go-jy, A Yerusalem! Pes termyn kyns dha vos glan?

Yeremia 4:14

A Yerusalem, golgh dha golonn a-dhiworth drogedh, may fi selwys. Pes termyn y hwra dha brederow koeg godriga genes?

Yeremia 48:13

Ha Moab a'n jevydh meth a Kemosh, dell borthas chi Ysrael meth a Bethel, may trestsons ynno.

Hosea 10:5

Annedhysi Samaria a wra drem war leugh Beth-aven. Hy fobel a gyn warnodho, ha'y oferysi a oel war y wolewder, rag ev a vydh divres dhiworti.

Hosea 10:8

Tylleryow ughel Aven, pegh Ysrael, a vydh distruys. Spern hag askall a dyv dres aga alteryow. Ena yn-medhons dhe'n menydhyow, ‘Gorherewgh ni’, ha dhe'n brennow, ‘Koedhewgh warnan ni.’

Hosea 13:2

Lemmyn i a beghas hwath moy; i re wrug ragdha aga honan imajys teudh, delowyow gwrys a'ga arghans herwydh aga sleyghneth, i oll an ober a greftoryon. Leverir anedha, ‘Tus a wra sakrifis; i a amm dhe leughi!’

Hosea 8:6

Rag dhiworth Ysrael yth yw! Ser a'n gwrug, ha nyns yw Duw. Leugh Samaria a vydh skyrr.

Amos 8:14

An re a de re'n peghes a Samaria, ha leverel, ‘Dell vew dha dhuw, A Dan!’ ha ‘Dell vew fordh Beer-sheba’, a goedh, ha ny sevons arta.

Mika 1:7

Oll hy imajys gravys a vydh terrys dhe demmyn, oll hy gobrow a vydh leskys dre dan, hag oll hy imajys a dhiswrav; rag hi a's kuntellas dhiworth gober hora, ha dhe wober hora y tehwelons.

Oberow 7:41

Hag y'n dydhyow na i a formyas leugh hag offrynna sakrifis dhe'n idol ha lowenhe yn oberow aga diwla.

Dewteronomi 32:22

Rag tan re dhewis dre'm sorr ha leski a wra bys yn downderyow ifarn; ev a dheber an dor ha'y askorr, hag enowi gans tan selyow an menydhyow.