Hosea 8:1 - An Bibel Kernewek 20234 (Kernewek Kemmyn)

¹ Gorr hirgorn dhe'th hanow; ev a varges avel er a-ugh chi an Arloedh, rag i dhe derri ow hevambos, ha rebellya erbynn ow lagha.

Hosea 8:1 Iomraidhean Croise

2 Myghternedh 18:27

Mes an Rabshake a leveris dhedha, ‘A wrug ow mester ow dannvon dhe gewsel an geryow ma dhe'th vester ha dhis? A ny'm dannvonas dhe'n wer a esedh war an fos, tenkys dhe dhybri aga hawgh aga honan hag eva aga urin aga honan?’

Ysay 18:3

Oll trigoryon an norvys hag annedhysi an bys, pan vydh baner drehevys war an menydhyow, mirewgh! ha pan vydh hirgorn hwythys, klewewgh!

Ysay 24:5

An nor yw defolys yn-dann y annedhysi; rag i re gammdremenas erbynn an laghys, ha chanjya an ordenans; i re dorras an kevambos a dhur bys vykken.

Ysay 58:1

Garm yn ughel, na fronn. Drehav dha lev avel hirgorn, ha deriv dhe'm pobel aga hammweyth, ha dhe ji Yakob aga feghosow.

Yeremia 31:32

Ny vydh avel an kevambos a wrug gans aga thasow, y'n jydh ma's kemmeris der aga leuv dh'aga dri yn-mes a bow Ejyp – kevambos a dorrsons, kynth en gour dhedha, yn-medh an Arloedh.

Yeremia 34:18

Ha my a re dhe'n wer re gammdremenas erbynn ow hevambos ha ny withsons geryow an kevambos a wrussons a-ragov, pan droghsons an leugh yn diw rann ha tremena ynter y rannow,

Yeremia 4:13

Otta, ev a yskynn avel kommol, ha'y jarettow a vydh avel korwyns: y vergh yw uskissa ages eryon. Go-ni! rag diswrys on ni.

Yeremia 4:5

Derivewgh yn Yuda, ha deklaryewgh yn Yerusalem, ha leverel: Hwythewgh an hirgorn y'n tir; kriewgh yn ughel ha leverewgh, ‘Omguntellewgh, hag entryn y'n sitys kerys!’

Yeremia 48:40

Rag yndellma y lever an Arloedh: Otta, ev a nij yn-nans avel er, ha lesa y dhiwaskell erbynn Moab;

Yeremia 49:22

Otta, ev a yskynn ha nija avel an er ha lesa y dhiwaskell war Bosra, ha kolonn breselyoryon Edom y'n jydh na a vydh avel kolonn benyn yn hy gwelivesi.

Yeremia 51:27

Drehevewgh baner y'n tir, hwythewgh hirgorn yn mysk an kenedhlow; pareusewgh an kenedhlow rag bresel er hy fynn, gelwewgh er hy fynn an gwlaskordhow, Ararat, Minni hag Ashkenaz; ordenewgh kaslewydh er hy fynn, drewgh yn-rag mergh avel hes lokustes.

Yeremia 6:1

Fiewgh rag sawder, A hwi fleghes Benyamin, yn-mes a Yerusalem, ha hwytha an hirgorn yn Tekoa, ha drehevewgh arwoedh-dan yn Beth-hakkerem: rag drogedh a omdhiskwedh yn-mes a'n gogledh, ha distruyans meur.

Ezekiel 11:4

Rakhenna profoes er aga fynn; profoes, mab den.’

Ezekiel 16:59

Rag yndellma y lever an Arloedh Duw: My a wra genes kepar dell wrussys, rag ty dhe dhispresya an ti, ow terri an kevambos.

Ezekiel 17:3

Lavar: Yndellma y lever an Arloedh Duw: Er bras gans eskelli bras ha pluvennow hir, leun a bluv liesliw, a dheuth dhe Lebanon ha kemmeres an ughella skorrenn a gederwydhenn;

Ezekiel 7:14

I re hwythas an hirgorn ha pareusi pup-tra; mes nyns a denvyth dhe'n vatel, rag yma ow sorr war oll an routh anedha.

Hosea 4:6

Ow fobel yw kisys drefenn fowt a skians. Drefenn ty dhe nagha skians, my a wra dha nagha ma na vi oferyas ragov; drefenn ty dhe ankevi lagha dha Dhuw, my ynwedh a wra ankevi dha vebyon.

Hosea 5:8

Kenewgh an korn yn Gibea, an hirgorn yn Rama. Germewgh yn Beth-aven; war dha lergh Benyamin.

Hosea 6:7

Mes i re dorras an kevambos avel Adam: ena i re'm traytas.

Hosea 9:15

Yma oll aga droktra yn Gilgal; ena my a's kasas. Drefenn aga drogoberow, my a wra aga fesya a'm chi. Ny wrav vy aga hara namoy; oll aga fennsevigyon yw penn-kales.

Yoel 2:1

Hwythewgh an hirgorn yn Sion, ha gelwewgh dhe'n gas y'm menydh sans; krenes oll annedhysi an norvys: rag dydh an Arloedh a dheu; pur ogas yw,

Yoel 2:15

Hwythewgh an hirgorn yn Sion, sakrewgh penys, gelwewgh kuntelles solem.

Amos 3:6

Eus korn hwythys yn sita, heb bos an bobel ownek? A vydh anfeusi yn sita, marnas an Arloedh a'n gwrug?

Amos 8:3

Kanow an tempel a dheu ha bos oelva y'n jydh na, yn-medh an Arloedh Duw. Y fydh meur a gorfow marow, tewlys a-dro yn pub le: taw!

Amos 9:1

My a welas an Arloedh ow sevel ryb an alter, hag ev a leveris: Gwask pennow an pilars erna grenno an treudhow, ha'ga brewi war benn an bobel oll! An rann yw gesys a ladhav gans an kledha; denvyth ny fi dhe-ves, denvyth ny skap.

Habakkuk 1:8

Skaffa ages lewpardes yw aga mergh, ha gwylsa yns ages bleydhi an gorthugher: aga marghogyon a boen yn-mes, ha'ga marghogyon a dheu dhiworth pell. I a nij kepar ha'n er a fisten dhe dhybri;

Sefania 1:16

dydh hirgorn ha garm kas erbynn an sitys kerys hag erbynn an touryow ughel.

Zekaria 11:1

Igor dha dharasow, a Lebanon, rag may tevorryo tan dha gederwydh!

Zekaria 9:14

Ena an Arloedh a omdhiskwedh a-ughta; y seth a yn-mes avel lughes. An Arloedh Duw a hwyth an hirgorn, ha mos yn-rag yn korwynsow an dyghow,

Matthew 24:28

Pyle pynag a vo an korf marow, ena yth omguntell an eryon.

1 Korinthianys 15:52

yn pols, war blynch lagas, orth an hirgorn diwettha. Rag an hirgorn a wra seni, ha'n re varow a vydh drehevys heb podredhes bynitha, ha chanjys vydhyn ni.

Dewteronomi 28:49

An Arloedh a dhrehav er dha bynn kenedhel a bellder, dhiworth penn an norvys, mar skav dell nij an er yn-nans, kenedhel ma na gonvedhydh hy thaves,