Hosea 7:7 - An Bibel Kernewek 20234 (Kernewek Kemmyn)

⁷ I oll yw mar doemm avel forn, hag i a dhevoryas aga breusydhyon. Oll aga myghternedh re goedhas, ha ny wra nagonan anedha gelwel warnav.

Hosea 7:7 Iomraidhean Croise

1 Myghternedh 15:28

Ytho Baasha a ladhas Nadab y'n tressa blydhen a Asa myghtern Yuda, ha reynya yn y le.

1 Myghternedh 16:18

Pan welas Zimri bos kemmerys an sita, ev eth yn tour chi an myghtern; ev a loskas chi an myghtern warnodho y honan gans tan hag a verwis,

1 Myghternedh 16:22

Mes an bobel a holyas Omri a dryghis war an bobel a holyas Tibni mab Ginath; ytho Tibni a verwis, hag Omri a dheuth ha bos myghtern.

2 Myghternedh 10:14

Hag ev a leveris, ‘Kemmerewgh i yn few.’ Hag i a's kemmeras yn few ha'ga ladha orth puth Beth-eked, dew ha dew-ugens oll war-barth; ny sparyas denvyth.

2 Myghternedh 10:7

Pan dheuth an lyther dhedha, i a gemmeras mebyon an myghtern ha'ga ladha; i a worras aga fenn yn kanstellow ha'ga dannvon dhe Yezreel.

2 Myghternedh 15:10

Shallum mab Yabesh a vrasas er y bynn, ha'y weskel a-rag an bobel, ha'y ladha, ha reynya yn y le.

2 Myghternedh 15:14

Ena Menahem mab Gadi eth yn-bann dhiworth Tirsa ha dos dhe Samaria, ha gweskel Shallum mab Yabesh yn Samaria, ha'y ladha, ha reynya yn y le.

2 Myghternedh 15:25

Mes Pekagh mab Remalia, y gapten, a vrasas er y bynn, ha'y weskel yn Samaria yn tour chi an myghtern, gans Argob hag Arye, ha ganso hanter-kans Gileadyas. Ev a'n ladhas, ha reynya yn y le.

2 Myghternedh 15:30

Hoshea mab Ela a wrug bras erbynn Pekagh mab Remalia ha'y weskel, ha'y ladha, ha reynya yn y le, y'n ugensves blydhen a Yotham mab Uzzia.

2 Myghternedh 9:24

Yehu a dennas y warak gans oll y nerth ha gweskel Yoram ynter y dhiwskoedh ha'n seth a wanas y golonn hag ev a sedhis yn y jarett.

2 Myghternedh 9:33

Ev a leveris, ‘Tewlewgh hi yn-nans.’ Ytho i a's tewlis yn-nans; nebes a'y goes a lagennas war an fos, ha war an vergh, hag i a stankyas warnedhi.

Job 36:13

‘An dus dhidhuw y'n kolonn a berth sorr; ha ny grions rag gweres hwath pan wra ev aga helmi.

Salmow 14:4

A ny gonvedh an dhrogoberoryon oll, hag i ow tybri ow fobel kepar dell dhebrons bara? Ny alwsons war Dhuw.

Ysay 43:22

Saw ny elwsys warnav, A Yakob; mes ty re beu skwithys orthiv, A Ysrael.

Ysay 64:4

A-henys tus ny glewas, na ny woslowas skovarn, na ny welas lagas duw marnas ty, neb a ober ragdho ev neb a'n gorta.

Ysay 64:6

Ni oll yw avel tra avlan, hag avel kweth woesek yw oll agan gweythyow gwiryon; ni oll a wedher avel delenn, ha'gan kammweythresow a'gan deg dhe-ves avel gwyns.

Ysay 64:7

Nyns eus denvyth a elow war dha hanow na strivya dhe gavoes dalghenn ynnos; rag ty re gudhas dha fas ragon, ha'gan delivra yn leuv agan kammweythresow.

Ysay 9:13

Mes ny dreylyas an bobel dhe neb a's gweskis, na ny hwilsons Arloedh an luyow.

Ezekiel 22:30

My a hwilas gour anedha a vynna drehevel an fos ha sevel a-ragov y'n aswa, ma na ve an pow distruys, mes ny'n kevis.

Daniel 9:13

Dell veu skrifys yn lagha Moyses, yma koedhys oll an droglamm ma warnan; mes ny dhiserrsyn tremmynn an Arloedh agan Duw, ow treylya dhiworth agan kammweyth hag ow konvedhes dha wiryonedh.

Hosea 13:10

Ple'ma dha vyghtern, ma'th sawyo? Ple'ma dha vreusysi yn oll agas sitys, ay leversys anedha, ‘Ro dhymm myghtern ha pennternedh’?

Hosea 5:15

My a wra mos ha dehweles dhe'm tyller, bys mayth aswonnons aga offens, ha hwilas ow fas; yn aga ahwer i a'm hwila dihwans.

Hosea 7:10

Goeth Ysrael a dhest er y bynn, mes ny dhehwelsons dhe'n Arloedh aga Duw, na ny'n hwilsons, yn despit dhe henna oll.

Hosea 7:14

Ny garmsons dhymm yn aga holonn, hag i ow kyni war aga gweli. I a omhakkyas rag greun ha gwin nowydh, ha kildenna a-dhiworthiv vy.

Hosea 8:4

I re wrug myghternedh, mes nyns yns i ahanav; i re wrug pennternedh, heb godhvos dhymm. Gans aga arghans ha'ga owr y hwrussons imajys may fens kisys.

Mika 2:1

Go-i neb a dhevis drogedh ha gul sherewynsi war aga gweliow! Orth dydh-tardh i a'n gwra, drefenn y vos yn galloes aga diwleuv.