Hosea 7:3 - An Bibel Kernewek 20234 (Kernewek Kemmyn)

³ I a heudhha an myghtern der aga droktra, ha pennternedh der aga gowyow.

Hosea 7:3 Iomraidhean Croise

1 Myghternedh 22:13

An gannas gyllys dhe elwel Mikaya a leveris dhodho, ‘Mir, geryow an brofoesi gans unn akord yw faveradow dhe'n myghtern; bedhes dha er, my a'th pys, haval dhe onan anedha, ha kewsel yn ewn.’

1 Myghternedh 22:6

Ena myghtern Ysrael a guntellas war-barth an brofoesi, a-dro dhe beswar kans anedha, ha leverel dhedha, ‘Av vy dhe vatalyas orth Ramoth-gilead, po a hedhav?’ I a leveris, ‘Ke, rag an Arloedh a's re yn leuv an myghtern.’

Yeremia 37:19

Ple'ma agas profoesi a brofoesas dhis, ow leverel, “Ny dheu myghtern Babylon er agas pynn hag erbynn an tir ma”?

Yeremia 5:31

An brofoesi a brofoes yn fals, an oferysi a wovern herwydh aga awtorita aga honan; ha'm pobel a gar y vos yndella: mes pandr'a wrewgh pan dheu an diwedh?

Yeremia 9:2

A pe dhymm harber an dremenysi y'n gwylvos may tiberthiv a'm pobel, ha mos anedha! Rag avoutroryon yns i oll, kuntelles a draytours.

Hosea 10:13

Hwi re aras droktra, ha mysi anewnder, ha re dhyb'sowgh an frut a wowyow; rag ty a drestyas y'th fordh, yn niver bras dha gasoryon.

Hosea 11:12

Efraym a'm kylghyas gans gowyow, ha chi Ysrael gans gil. Hag yma Yuda hwath ow mos a-dro gans Duw drefenn y vos len gans an syns.

Hosea 4:2

Mollethi, toella, ladha, ladra, hag avoutri – fenna a wrons; ha krow a hol krow.

Hosea 5:11

Efraym yw arweskys, brewys yn breus, rag plegadow veu dhodho mos war-lergh euveredh.

Hosea 7:5

Yn dy'goel agan myghtern an bennternedh a veu klav gans toemmder an gwin; ev a ystynnas y dhiwla gans an re a wra ges.

Mika 6:16

Ordenansow Omri yw gwithys, hag oberow oll chi Ahab, ha hwi a gerdh herwydh aga husul. Rakhenna my a'th wra avel euth, ha'y thrigoryon a vydh hwibana, ha hwi a berth mewl ow fobel!

Mika 7:3

Aga diwla yw sleygh dhe wul drog; an penntern ha'n breusyas a wovynn falswober, an den galloesek a lever y vynnas, hag yndella brasa a wrons dh'y gowlwul.

Romanyon 1:32

Kyn hwodhons ordenans Duw may tegoedh an mernans dhe'n re a wra taklow a'n par ma, ny's gwrons yn unnsel mes plegadow gansa yw an re a's gwra.

1 Yowann 4:5

A'n bys ymons, yndella y kewsons a'n bys, ha'n bys a's klew.