Hosea 6:6 - An Bibel Kernewek 20234 (Kernewek Kemmyn)

⁶ Rag my a hwans tregeredh, a-der sakrifis, ha skians Duw, a-der offrynnow leskys.

Hosea 6:6 Iomraidhean Croise

1 Kroniklys 28:9

‘Ha ty, Solomon ow mab, aswonn Duw dha das, ha'y servya a leun golonn ha gans brys bolonjedhek; rag an Arloedh a hwither oll kolonnow, hag ev a gonvedh pub towl ha pub preder. Mara'n hwilydh, ev a vydh kevys genes; mes mara'n eskasydh, ev a'th tenagh bys vykken.

Salmow 50:8

Ny'th keredhav drefenn dha offrynnow, ha prest a-dheragov yma dha offrynnow leskys.

Lavarow Koth 21:3

Gul ewnder ha gwirvreus yw moy plegadow gans an Arloedh ages sakrifis.

Ekklesiastes 5:1

Pan edh dhe ji Duw, ke war dha gamm. Deus nes dhe woslowes a-der offra sakrifis kepar dell wra fellyon, drefenn na wodhons i dhe gammwul.

Ysay 1:11

Pandra yw dhymm sakrifisow pals? yn-medh an Arloedh. Gwalghys ov a offrynnow leskys a hordhes ha blonek lodhnow peskys. Nyns eus dhymm delit yn goes terewi, nag eyn gorow, na gever.

Ysay 58:6

A nyns yw hemma an benys a dhewisav: lewsel kadonyow sherewynsi, digelmi kroenow an yew, livra an re arweskys, ha terri pub yew?

Yeremia 22:16

Ev a varnas ken an boghosek ha'n edhommek; hag ena yth o da ganso. A nyns yw hemma ow aswonn? yn-medh an Arloedh.

Yeremia 7:22

Rag ny gewsis dh'agas tasow, na ny worhemmynnis dhedha y'n jydh ma's dres yn-mes a bow Ejyp, a-dro dhe offrynnow leskys na sakrifisow.

Daniel 4:27

Ytho, A vyghtern, re bo ow husul degemmeradow dhis; daspren dha beghosow gans gwiryonedh, ha'th anewnder dre dhiskwedhes tregeredh dhe'n voghosogyon, rag may fo dha sewenyans martesen hirhes.’

Hosea 14:2

Kemmerewgh genowgh hwi geryow, ha dehwelewgh dhe'n Arloedh. Leverewgh dhodho, ‘Gav pub kammhynseth, ha degemmer an pyth yw da, rag may attyllyn frut agan diwweus.

Hosea 2:20

My a wra ambos dhe'th temmedhi yn lenduri, hag ena ty a aswonn an Arloedh.

Hosea 4:1

Klewewgh ger an Arloedh, mebyon Ysrael, rag yma dhe'n Arloedh ken erbynn trigoryon an tir. Nyns eus gwiryonedh, na tregeredh, nag aswonnvos Duw y'n tir.

Hosea 8:13

I a sakrifi rohow dhymmo vy, i a dheber an kig; mes an Arloedh ny gemmer plesour ynna. Lemmyn ev a berth kov a'ga sherewneth, ha kessydhya aga feghosow: dhe Ejyp y tehwelons.

Amos 5:21

Kasa ha dispresya agas goelyow a wrav, ha ny garav sawer agas kuntellesow solem.

Mika 6:6

‘Gans pyth a dhov a-dherag an Arloedh, hag omblegya a-rag Duw a-vann? A dhov a-ragdho gans offrynnow leskys, gans leughi unn bloedh?

Mika 6:8

Ev re dhiskwedhas dhis, a dhen, an pyth yw mas: ha pandr'a wovynn orthis an Arloedh marnas ty a wra gwirvreus, ha kara tregeredh, ha kerdhes yn uvel gans dha Dhuw?

Matthew 12:7

Ha mar kodhvewgh styr an lavar ma, “Ny vynnav sakrifis, mes tregeredh, ny wrussewgh ri breus erbynn an re dhivlam.”

Matthew 5:7

‘Gwynn aga bys an re yw tregeredhus, rag i a gyv tregeredh.

Matthew 9:13

Lemmyn ewgh ha dyskewgh styr an lavar ma, Ny vynnav sakrifis, mes tregeredh; rag nyns o'ma devedhys dhe elwel an re wiryon mes peghadoryon.’

Mark 12:33

hag “y gara gans oll an golonn, ha gans oll an skians, ha gans oll an enev, ha gans oll an nerth”, ha “kara y gentrevek kepar hag ev y honan”, hemm yw moy ages oll an offrynnow kowlleskys ha'n sakrifisow.’

Yoshua 5:5

Trodreghys via oll an bobel eth yn-mes, mes ny veu trodreghys oll an bobel genys y'n gwylvos war an fordh hag i ow mos yn-mes a Ejyp.

1 Yowann 2:3

Ha dredhi y hyllyn bos sur y'n aswonnyn, mar kwithyn y worhemmynnow.

1 Yowann 3:6

Ny begh neb a drig ynno: neb a begh, ny'n gwelas na'n aswonnis.

1 Samuel 15:22

Hag yn-medh Samuel, ‘A gyv an Arloedh plesour meurra yn offrynnow leskys ha sakrifisow, ages yn obayans lev an Arloedh? Yn sur, obaya yw gwell ages sakrifia, ha goslowes ages blonek hordhes.