Hosea 6:1 - An Bibel Kernewek 20234 (Kernewek Kemmyn)

¹ Dewgh, dehwelyn dhe'n Arloedh: rag ev re skwardyas, hag a wra agan sawya; ev re weskis, hag a wra agan lystenna.

Hosea 6:1 Iomraidhean Croise

2 Kroniklys 30:6

Yndella poenyoryon eth der oll Ysrael ha Yuda gans lytherow dhiworth an myghtern ha'y soedhogyon war-lergh gorhemmynn an myghtern ow leverel, ‘A vebyon Ysrael, dehwelewgh dhe'n Arloedh, Duw Abraham, Ysak, hag Ysrael, rag may treyllyo arta dhe'n re ahanowgh a dhienkas dhiworth leuv myghternedh Assyria.

Job 16:9

Ev re'm skwardyas yn y sorr ha'm kasa; ev a dheskern y dhyns er ow fynn; ow eskar a lymm y dhewlagas warnav.

Job 22:23

Mar tehwelydh dhe'n Ollgalloesek ty a vydh restorys; mar kemmerydh kammhynseth dhiworth dha dylda,

Job 34:29

‘Mes pan yw ev tawesek, piw a'n dampen? Pan gudh ev y fas, piw a'n aspi? Mes yma ev a-ugh kenedhel hag a-ugh densys,

Job 5:18

Rag ev a woli, hag ev a lystenn; ev a wysk, ha'y dhiwleuv a saw.

Salmow 30:7

Y'th tader, A Arloedh, ty a wrussa dhymm sevel avel menydh krev; mes ty a gudhas dha fas, ha dyegrys veuv.

Salmow 6:2

Bydh grassyes orthiv, A Arloedh, rag difredh ov vy; yaghha vy, A Arloedh, rag ow eskern yw troblys.

Salmow 71:20

Ty, neb re dhiskwedhas dhymm lies anken bras ha drog, a'm bewha arta; ha ty a'm dre yn-bann dhiworth downderyow an nor.

Ekklesiastes 3:3

Prys ladha ha prys sawya; prys terri dhe'n leur ha prys drehevel.

Ysay 17:7

Y'n jydh na den a vir orth y Wrier, ha'y dhewlagas a dreyl dhe Sans Ysrael.

Ysay 2:3

Poblow pals a dheu ha leverel, ‘Dewgh, ha deun ni yn-bann dhe venydh an Arloedh, dhe ji Duw Yakob; hag ev a dhysk dhyn y fordhow, ha ni a gerdh yn y hynsyow.’ Rag yn-mes a Sion y teu lagha, ha ger an Arloedh dhiworth Yerusalem.

Ysay 30:22

Hwi a dhefol dha idolys gorherys gans arghans ha dha imajys gorowrys; ty a's tewl dhe-ves avel kweth avlan ha leverel dhedhi, ‘Ke dhe-ves!’

Ysay 30:26

Golow an loer a vydh avel golow an howl, ha golow an howl a vydh seythplek, avel golow seyth dydh, y'n jydh may kelm an Arloedh torrva y bobel, ha yaghhe goli an strekys a weskis.

Ysay 55:7

Gases an drogoberer y fordh, ha'n gour anwiryon y brederow; Dehweles dhe'n Arloedh rag may kemmerro truedh anodho, ha dh'agan Duw, rag ev a re gevyans yn hel.

Yeremia 3:22

Dehwelewgh, hwi vebyon dhislen, ha my a yaghha agas dislelder. ‘Otta, ni a dheu dhis: rag ty yw an Arloedh agan Duw.

Yeremia 30:12

Rag yndellma y lever an Arloedh: Ny yll dha vrew bos yaghhes, ha'th woli yw ankensi.

Yeremia 30:17

Rag my a asver yeghes dhis, ha my a yaghha oll dha woliow, yn-medh an Arloedh, drefenn i dhe'th henwel gal, ow leverel: ‘Sion yw; denvyth ny's hwila!’

Yeremia 33:5

Yma an Kaldeanys ow tos dhe omladh ha dh'aga lenwel gans korfow marow an re a ledhis vy yn ow sorr hag yn ow honnar, rag my re gudhas ow fas a'n sita ma drefenn aga drogedh.

Yeremia 33:6

Otta, my a dhre dhedha sawment ha yaghheans; my a's saw ha diskwedhes dhedha palster a gres ha gwiryonedh.

Yeremia 50:4

Y'n dydhyow na hag y'n termyn na, yn-medh an Arloedh, pobel Ysrael a dheu, i ha pobel Yuda war-barth; i a dheu yn unn oela ow hwilas an Arloedh aga Duw.

Yeremia 50:5

I a wovynn an fordh dhe Sion ha'ga fasow treylys war-tu hag ev, hag i a dheu ow leverel, ‘Dewgh ha glena agan honan dhe'n Arloedh gans kevambos bys vykken, na vydh ankevys.’

Kynvannow 3:11

Ev re dreylyas ow fordhow a-denewen hag ow skethenna; hag ow gasa forsakys.

Hosea 11:10

I a gerdh war-lergh an Arloedh; Ev a wra usa avel lew. Pan wra ev usa, fleghes an howlsedhes a gren.

Hosea 12:6

Ytho treyl dhe'th Tuw, gwith tregeredh ha breus, ha gorta dha Dhuw pup-prys.

Hosea 14:1

Dehwel, Ysrael, dhe'n Arloedh dha Dhuw; rag ty re drebuchyas yn dha gammhynseth.

Hosea 14:4

My a wra aga sawya dhiworth aga dislelder, ha'ga hara heb ahwer, rag ow sorr re dreylyas anodho.

Hosea 3:5

A-wosa, mebyon Ysrael a wra dehweles ha hwilas an Arloedh aga Duw, ha Davydh aga myghtern. I a dheu gans own dhe'n Arloedh ha dh'y dhader y'n dydhyow diwettha.

Levitikus 14:48

Ha mar teu an oferyas a-bervedh ha'y hwithra ha ny wrug an pla omlesa y'n chi wosa an chi dhe vos plastrys, an oferyas a dhest bos an chi glan, rag yaghhes yw an pla.

Sefania 2:1

Omguntellewgh war-barth, omguntellewgh, a genedhel dhiveth;

Dewteronomi 32:39

Gwelewgh lemmyn, my, my yw ev, ha nyns eus duw marnas vy. My a ladh, ha my a vewha; my a vrew ha my a yaghha, ha nyns eus nagonan a yll delivra dhiworth ow leuv.

1 Samuel 2:6

An Arloedh a ladh ha bewhe; ev a dhre dhe ifarn ha drehevel yn-bann.

1 Samuel 7:3

Ena Samuel a gewsis dhe oll chi Ysrael ow leverel, ‘Mars esowgh hwi ow tehweles dhe'n Arloedh gans oll agas kolonn, ena gorrewgh dhe-ves an duwow astranj ha'n Ashtaroth a-dhiworth agas mysk. Settyewgh agas kolonn war an Arloedh, ha servyewgh unnsel ev, hag ev a'gas delirv yn-mes a leuv an Filistysi.’