Hosea 5:13 - An Bibel Kernewek 20234 (Kernewek Kemmyn)

¹³ Efraym a welas y gleves, ha Yuda y woli, ena Efraym eth dhe Assyria, hag a dhannvonas dhe'n myghtern meur. Mes ny yll agas sawya, na yaghhe agas goli.

Hosea 5:13 Iomraidhean Croise

2 Myghternedh 15:19

Ha Pul myghtern Assyria a dheuth erbynn an tir; Menahem a ros dhe Pul deg mil dalent a arghans, may halla ev y weres ow fastya y dhalghenn war a'n ruvaneth.

2 Myghternedh 15:29

Yn dydhyow Pekagh myghtern Ysrael, y teuth Tiglath-pileser, myghtern Assyria, ha kemmeres Iyon, Abel-beth-maaka, Yanoagh, Kedesh, Hasor, Gilead, ha Galile, oll pow Naftali, ha'ga hemmeres yn keth dhe Assyria.

2 Myghternedh 16:7

Ahaz a dhannvonas kannasow dhe Tiglath-pileser myghtern Assyria, ow leverel, ‘Dha was ha dha vab ov. Deus yn-bann ha saw vy dhiworth leuv myghtern Aram ha dhiworth leuv myghtern Ysrael a omsett er ow fynn.’

Ysay 3:7

Y'n jydh na ev a gri, ow leverel, ‘Ny allav lystenna, nyns eus naneyl bara na mantell y'm chi; na'm gwrewgh vy ledyer an bobel.’

Yeremia 30:12

Rag yndellma y lever an Arloedh: Ny yll dha vrew bos yaghhes, ha'th woli yw ankensi.

Ezekiel 23:5

Ohola o hora pan o hi dhymm, ha hi a hwansa hy herysi assyriek – kasoryon,

Hosea 10:6

Ev ynwedh a vydh dres dhe Assyria avel ro dhe'n myghtern meur. Efraym a'n jevydh meth, hag Ysrael a vydh methek a'y gusul.

Hosea 12:1

Kowethya a wra Efraym gans an gwyns, ha helghya gwyns an howldrevel oll an jydh, ha kressya gowyow ha freudh. I a wra kevambos gans Assyria hag olew yw degys dhe Ejyp.

Hosea 14:3

Ny wra Assyria agan sawya; ny wren ni marghogeth war vergh. Ny leveryn arta “Agan duwow” dhe ober agan diwla, rag ynnos jy y kyv an omdhivas truedh.’

Hosea 2:7

Hi a wra poenya war-lergh hy haroryon mes ny yll drehedhes dhedha; hi a's hwila, mes ny yll aga havoes. Ena hi a lever, ‘My a vynn mos, ha dehweles dhe'm kynsa gour; y feu gwell ragov ena es dell yw lemmyn.’

Hosea 7:11

Efraym yw kepar ha kolomm, gokki ha heb kolonn; i a elow dhe Ejyp ha mos dhe Assyria.

Hosea 8:9

Rag gyllys yns yn-bann dhe Assyria, avel asen gwyls digoweth. Efraym re arvethas keryadesow.

Mika 1:9

Rag ny yll hy goli bos yaghhes, ha re dheuth dhe Yuda, ha drehedhes dhe yet ow fobel, bys yn Yerusalem.