Hosea 4:6 - An Bibel Kernewek 20234 (Kernewek Kemmyn)

⁶ Ow fobel yw kisys drefenn fowt a skians. Drefenn ty dhe nagha skians, my a wra dha nagha ma na vi oferyas ragov; drefenn ty dhe ankevi lagha dha Dhuw, my ynwedh a wra ankevi dha vebyon.

Hosea 4:6 Iomraidhean Croise

2 Kroniklys 15:3

Termyn hir y feu Ysrael heb an gwir Dhuw, ha heb oferyas dhe dhyski, ha heb lagha,

Job 36:12

Mes mar ny woslowons, i a dhe goll der an kledha, ha tremena heb godhvos.

Salmow 119:139

Tan ow holonn re'm distruis, drefenn ow eskerens dhe ankevi dha eryow.

Salmow 119:153

Mir orth ow anken, ha gwra ow delivra, rag ny ankevis vy dha lagha.

Salmow 119:61

Lovonow an debeles re'm kolmas, mes ny ankevis dha lagha.

Salmow 18:27

Rag ty a selow an bobel uvel; mes ty a dhre dhe'n dor an dhewlagas woethus.

Lavarow Koth 10:21

Dhiwweus an den gwiryon a vag lies, mes fellyon a verow rag fowt skians.

Lavarow Koth 19:2

Nyns yw da rag den bos heb godhvos, ha neb a fysk gans y dhewdroes a gyll y fordh.

Ysay 1:3

Ojyon a woer y berghennek hag asen presep y vester, mes Ysrael ny woer, ow fobel ny gonvedh.

Ysay 17:10

Rag ty re ankovas Duw dha selwyans, ha ny berthsys kov a garrek dha nerth. Rakhenna kynth esos ow plansa plansvaow hweg ha graffya skyll astranj;

Ysay 27:11

Pan yw sygh hy skorrow, yth yns terrys dhe-ves; benynes a dheu ha'ga enowi. Rag homm yw pobel heb konvedhes; rakhenna ny gemmer aga Kreador truedh anedha, ha ny dhiskwedh aga Gwrier favour dhedha.

Ysay 28:7

An re ma ynwedh a drebuch dre win, ha sowdhanas dre gorev; oferyas ha profoes a drebuch dre gorev, ha sowdhanas dre win, i a sowdhan dre gorev; i a drebuch yn gwelesigeth, ha gwandra yn ervirans.

Ysay 29:12

Ha pan yw an lyver res dhe dhen anlettrys, ow leverel, ‘Lenn hemma’, yn-medh ev, ‘Ny wonn lenna.’

Ysay 3:12

Ow fobel, hy rewloryon a's arwask, ha benynes a's rewl. Ow fobel, dha ledyoryon a wra dhedha gwandra, ha distrui fordh dha hynsyow.

Ysay 45:20

Omguntellewgh ha dewgh, dewgh nes war-barth, hwi fowesigyon a'n kenedhlow! Ny's teves godhvos vyth, an re a dheg aga imajys a brenn, hag i a bys dhe dhuw na'n jeves selwel.

Ysay 5:13

Rakhenna ow fobel a yn divroedh rag fowt a skians; hy gwer nobyl a verow dre dhivoetter, ha'y routh dre syghes.

Yeremia 2:8

Ny leveris an oferysi, ‘Ple ma an Arloedh?’ Ha ny'm aswonni an re a dhyght an lagha: an vugeledh ynwedh a dreuspassyas er ow fynn, ha'n brofoesi a brofoesas yn hanow Baal, ha kerdhes war-lergh taklow nag yw dhe les.

Yeremia 4:22

‘Rag ow fobel yw foll, ny'm aswonnsons; fleghes wokki yns, ny's teves konvedhes: konnyk yns dhe wul drogober, mes dhe wul da ny's teves skentoleth.’

Yeremia 5:21

Klewewgh hemma lemmyn, A bobel dhiboell, ha heb konvedhes; neb a's teves lagasow ha ny welons; neb a's teves skovornow, ha ny glewons.

Ezekiel 44:23

I a dhysk dhe'm pobel dissernya ynter an sans ha'n ansans, ha diskwedhes dhedha dissernya ynter an avlan ha'n glan.

Hosea 13:6

Herwydh an peurwels yw dhedha y fons lenwys; lenwys vons, ha'ga holonn a veu goethus; rakhenna i a'm ankevis.

Hosea 2:13

My a wra hy hessydhya rag dydhyow an Baalim, may leski offrynnow dhedha, hag omafina gans hy bysowyer ha'y gemmweyth, ha mos war-lergh hy haroryon, mes hi a'm ankovas, yn-medh an Arloedh.

Hosea 4:1

Klewewgh ger an Arloedh, mebyon Ysrael, rag yma dhe'n Arloedh ken erbynn trigoryon an tir. Nyns eus gwiryonedh, na tregeredh, nag aswonnvos Duw y'n tir.

Hosea 4:12

Ow fobel a wovynn kusul a'ga frenn, ha'n gwelenn a's gorthyp. An spyrys a horyans a wra dhedha mos yn stray, hag i a wra horyans a-dhiworth aga Duw.

Hosea 4:14

Ny wrav vy kessydhya agas myrghes pan wrons fornikasyon, na'gas gohydhow pan wrons avoutri, rag an wer a slynk dhe-ves gans horys, ha sakrifia gans horys-tempel: pobel heb konvedhes a vydh diswrys.

Hosea 5:4

Aga gweythresow ny's gas dhe dhehweles dh'aga Duw, rag bos spyrys a fornikasyon yn aga mysk, ha ny aswonnons an Arloedh.

Hosea 6:6

Rag my a hwans tregeredh, a-der sakrifis, ha skians Duw, a-der offrynnow leskys.

Hosea 7:11

Efraym yw kepar ha kolomm, gokki ha heb kolonn; i a elow dhe Ejyp ha mos dhe Assyria.

Hosea 7:9

Estrenyon re dhevoryas y nerth, ha ny woer. Blew loes yw lesys warnodho, ha ny woer.

Hosea 8:1

Gorr hirgorn dhe'th hanow; ev a varges avel er a-ugh chi an Arloedh, rag i dhe derri ow hevambos, ha rebellya erbynn ow lagha.

Hosea 8:12

Kyn skrifav ragdho ordenansow diniver ow lagha, akontys yns avel neppyth astranj.

Hosea 8:14

Ysrael re ankovas y Wrier, ha re dhrehevis palesyow; ha Yuda re wrug lies sita gerys. Mes my a dhannvon tan yn y sitys a dhevor y gastylli.

Hosea 9:17

Ow Duw a wra aga denagha, drefenn na woslowsons orto; i a vydh gwandrysi yn mysk an kenedhlow.

Matthew 1:6

ha Yesse a dhineythis Davydh an myghtern. Ha Davydh a dhineythis Solomon a wreg Urri,

Matthew 15:14

Gesewgh i dhe vos; hembrenkysi dhall yns i a dus dhall. Mar kwra den dall hembronk den dall, i aga dew a goedh yn kleudh.’

Matthew 15:8

“An bobel ma a'm enor gans aga diwweus, mes pell yw aga holonn dhiworthiv;

1 Samuel 2:12

Lemmyn mebyon Eli o mebyon Belial; ny aswonnens an Arloedh.