Hosea 4:2 - An Bibel Kernewek 20234 (Kernewek Kemmyn)

² Mollethi, toella, ladha, ladra, hag avoutri – fenna a wrons; ha krow a hol krow.

Hosea 4:2 Iomraidhean Croise

Jenesis 4:8

Yn-medh Kayn dhe Abel y vroder, ‘Deun ni yn-mes dhe'n gwel.’ Ha pan esens y'n gwel, Kayn a sevis erbynn Abel y vroder ha'y ladha.

Ysay 24:5

An nor yw defolys yn-dann y annedhysi; rag i re gammdremenas erbynn an laghys, ha chanjya an ordenans; i re dorras an kevambos a dhur bys vykken.

Ysay 48:1

Klew hemma, A ji Yakob, hwi neb yw henwys orth hanow Ysrael, hag a dheuth dhiworth dowrow Yuda, hag a wra ti re hanow an Arloedh, ha gelwel war Dhuw Ysrael, mes ny'n gwrons yn gwiryonedh nag yn ewnder.

Yeremia 51:5

Rag ny veu Ysrael na Yuda gwrys gwedhow gans aga Duw, Arloedh an luyow, kynth yw aga thir leun a gabel erbynn an Sans a Ysrael.

Yeremia 6:7

Dell wra puth gwitha y dowrow govynn, yndellma hi a gwith yr hy thebelwrians: freudh ha diswrians yw klewys ynni; yma galar ha goliow prest a-ragov.

Kynvannow 4:13

Y feu rag pegh hy frofoesi, drefenn kammwriansow hy oferysi hag a skoell goes an dus wiryon a-berth ynni.

Ezekiel 7:23

Gwra an kadon, rag an tir yw leun a skoellya goes, ha'n sita yw leun a freudh.

Hosea 10:13

Hwi re aras droktra, ha mysi anewnder, ha re dhyb'sowgh an frut a wowyow; rag ty a drestyas y'th fordh, yn niver bras dha gasoryon.

Hosea 10:4

I a gews geryow, ow kowlia, ow kul kevambos; ha breus a egin avel kegis yn fynnglow an gwel.

Hosea 11:12

Efraym a'm kylghyas gans gowyow, ha chi Ysrael gans gil. Hag yma Yuda hwath ow mos a-dro gans Duw drefenn y vos len gans an syns.

Hosea 12:14

Efraym re'n sorras yn hwerow; rakhenna y Arloedh a wra gasa warnodho y gabel-goes, ha daskorr dhodho y geredh.

Hosea 5:2

An omsevysi yw gyllys down yn ladha. My a wra aga heredhi oll.

Hosea 6:8

Gilead yw sita a dhrogoberoryon, disliw gans olow a woes.

Hosea 6:9

Ha kepar dell wra bagas a ladron kontrewaytya gour, yndella y hwra bagas a oferysi; ow moldra y'n fordh dhe Shekem, ow kul drogober hegas.

Hosea 7:1

Peskweyth may fynnav sawya Ysrael, ena kammhynseth Efraym yw diskudhys, ha droktra Samaria. I a wra gil, lader a dheu, para a raven y'n stret.

Hosea 7:3

I a heudhha an myghtern der aga droktra, ha pennternedh der aga gowyow.

Hosea 7:4

I oll yw avoutroryon, avel forn toemmhes gans peber, neb a astel dhe wul dhe'n tan difuna wosa ev dhe doesa toes, bys pan dhrehaffo.

Mika 3:2

hwi neb a gas dader ha kara drogedh, neb a skward an groghen dhiworta, ha'ga hig dhiworth aga eskern;

Mika 3:9

Klewyewgh hemma, hwi bennow a ji Yakob ha rewloryon chi Ysrael, neb a gas gwirvreus ha kamma pup-tra yw ewn,

Mika 6:10

Eus hwath tresoryow drogober yn chi an debeles, ha'n efa berr-vusurys milliges?

Mika 7:2

Gallas an den duwek a'n bys, ha nyns eus onan ewnhynsek yn mysk tus; i oll a skolk yn kontrewaytyans rag skoellya goes ha peub a helgh y vroder gans roes.

Sefania 3:1

Go-hi neb yw gorth ha defolys, an sita owth arwaska!

Zekaria 5:3

Ena ev a leveris dhymm, ‘Homm yw an volleth usi ow mos yn-mes war enep oll an tir; rag herwydh an skrif war unn tenewen, pub lader a vydh pellhes, ha herwydh skrif an tenewen arall pubonan a wowli a vydh pellhes.

Zekaria 7:9

Yndellma y lever Arloedh an luyow: Breusewgh gans gwirvreus; gwrewgh mersi ha piteth an eyl dh'y gila.

Matthew 23:35

may teffo warnowgh an goes gwiryon oll a veu skoellys war an bys, a-dhiworth goes Abel gwiryon bys yn goes Zakaria mab Baraghia, neb a ledhsowgh ynter an tempel ha'n alter.

Oberow 7:52

Py re a'n brofoesi ny veu helghys gans agas tasow? Hag i a ladhas an re a dharganas an Den Gwiryon dhe dhos, hag anodho ev hwi lemmyn res eth ha bos traytours ha moldroryon,

Dewteronomi 5:11

Na gemmer hanow an Arloedh dha Dhuw yn euver, rag ny wra an Arloedh y asa heb kessydhyans neb a gemmer y hanow yn euver.

Dewteronomi 5:18

Na wra avoutri.

Dewteronomi 5:19

Na lader.

1 Thessalonianys 2:15

a wrug ladha an Arloedh Yesu Krist ha'n brofoesi, ha'gan helghya yn-mes heb plegya dhe Dhuw, hag owth arvedh pub den oll,

Diskwedhyans 17:6

Ha my a welas an venyn, medhow der woes an syns ha dre woes mertheryon Yesu. Ha marth meur dres eghenn a veu genev pan y's gwelis.